" السلام عليكم ورحمة الله وبركاته "
اولا تحياتي لكل الزعماء والزعيمات اعضاء هذا الصرح الشامخ ومبروك عليكم المستوى المميز في الجولات السابقه وماصاحبها من نتائج مقنعه لنا كجمهور وان شاء الله من افضل لافضل عندي مشاركه بسيطه لكم اخواني في موضوع يخص الاعب الكوري اللي لم احفظ اسمه للحين بس راح اطلق عليه الكوري نسبه لجنسيته فالمعذره !!!!!!

انا عندي وجهة نظر ممكن يختلف او يتفق معها الاخوان وهي فالاعب الكوري ياخوان اشوف الاعب كان في مرحلة المعسكر والتحظير للموسم رائع ومميز ومهاري وحتى في بطولة الرياض الوديه كان يسجل اهداف رائعه

ومع بداية المنافسه اصبح لايشارك اساسي وتم الاعتماد الكلي على العربي وفي مباراة الاهلي اظهر الاعب حس تهديفي رائع بهدفه الاول , يعني الاعب كخامه اشوف انها جيده ويكفيك السيره الذاتيه السي في تبعه , هداف الدوري الكوري بس ممكن التكتيك حق المدرب مساعده وطبعا لازم نراعي تغير المكان وتغير الثقافات والاعب هذي اول تجربه له خارج كوريا وتوهـ صغير فالسن , اللي ابي اصله من كل هالكلام الاعب مميز في نظري ونظر الكثير ويودي مهامه فالمباريات الاخير بتميز حتى لو اضاع اكثر من هجمه بس اذا على تكتيك الاسطوره سامي فهو يعتمد على الامركزيه والاعب الكوري افضل من يطبقها فهو صاحب لياقه عاليه ويتحرك بدون كره ويستلم فالمساحات الفارغه وباريحيه ومع هذا ارى ان لديه الكثير ليقدمه واتمنى اعطاءه الفرصه تحياتي للجميع واسف على الاطاله ودمتم زعماء ودامت افراحكم ....

شكر على الرفع يااادارهـ ,,,

فعلا والله لاعب ممتاز جدا.. وكان هداف المعسكر والبطولة الودية في الرياض واهدافه رائعه جدا
ولكن المدرب دول دمر نفسيته يوم يقوله انت كلاعب سيء لكن كشخص مميز!!

وكلنا نذكر بنزيما لاعب الريال يوم تم وضعه ب الاحتياط كثير ونفسيته سيئه كيف فقد حساسيسة الكورة وكان يضيع اهداف سهله وكنتروله سيء .. لكن الان من افضل المهاجمين ب العالم


لاعبنا يو بيونج هداف الدوري الكوري مرتين واهدافه ليست اي اهداف
تمركزه رائع جدا جدا مشاء الله .. وبدأ يتحسن مستواه بشكل كبير

سجل هدف رائع ع الاهلي اول الدوري وصنع اخر لهوساوي وللفريدي
وسجل على النصر هدفين وع الاتحاد هدف وهو هداف بطولة ولي العهد ب 5 اهداف لانه اعطي الفرصه وش تبون اكثر! !

مع تتالي المباريات ولعبه اساسي بتشوفون المستوى الرائع زي م استعجلتوا ع الحكم ع نيفيز وعلى ويليهامسون قبله!

لاعب لم يلعب 5 مباريات متواصله كيف تقولون فاشل وهو كل م لعب مبارتين متتاليتتين سجل وعلى افضل الاندية!

ومشكلته ما معه اعلام زي بقيه اللاعبين .. ومع سامي بيبدع وتذكروا كلاممي ..!

ب التوفيق له معنا ..

يكفي كل مباراه يلعب يسجل هدف وهداف كاس ولي العهد يعطيك العافيه

وجــهت نظــر نحترمــها نــقدرها

وياليت يقدم المستوى الزين بالايام القادمه

لاعب جيد ولا أقول ممتاز ..

عنده مشكلة في الجري بالكرة .. ووضحت أكثر في مباراة الإتحاد الأخيرة ..

أيضاً لم نرى منه رأسيات كثيرة (ربما لعدم تركيز الهلال عليها) ..

ولكن في المجمل >> ليس بمستوى الزعيم إطلاقاً ..

أشك أن التعاقد معه كان لتكملة عدد فقط ..


بالتوفيق للهلال ،،

لاعب جيد جدا لكن انه يكون ممتاز بصراحة ماوصل لهذي الدرجة

كنتروله سيء بصراحة افضل مافي الاعب التحرك بدون كرة و الضغط على حامل الكرة من ملعب الخصم هذي افضل ميزاته

مشكور اخوي وماقصرت وكل واحد وله وجهة نظر

الكوري ممتاز ويبي له صبر شوي
مثل ماصبرنا على وليهامسون

يارجال والله انه ماشي بالبركه





1- كل مبارياته الي مع الهلال ماعمري شفت له مهاره وحدة واهم عنصر في المهاجم المهارة .
2- ومناولاته بنسبة 25% خطأ .
3- التسديد عنده سيئ جدا جدا .
4- بنسبة 75% اهدافه الي جابها مع الهلال مقشرة
5- لعب في الدوري 640 دقيقة سجل هدف واحد بس ! .
6- كنترول سيئ .



(عيسى - سعد ) افضل منه بمراحل



والحين تدورون له اعذار واحد يقول الثقافات تختلف وواحد يقول ماعنده مترجم !
ودي افهم وش دخل الثقافة والترجمة داخل الملعب !
بتقولي تكتيك المدرب ماناسبة بقولك

الكوري لعب 640 دقيقة في دوري زين وسجل هدف واحد بسس
المحياني لعب 448 دقيقة سجل اربع اهداف



يعني والله خلاص ماودي اكمل اكثر من كذا الاعب مو طموح الزعيم

لاعب كبير وسنه صغير اعتقد يحتاج الدعم ويحتاج اعطائه الثقه وتدخل نفسي لتأهيله لأنه بصراحه رأس حربه ممتاز

هو.. سريع يتحرك ولياقته حلوه مجتهد راسيه تقدر تقول جيده بس هو.. وليد الجيزاني بس نسخه كوريه هههههههههه يارجال كنتروله سيئ وفوقها يطول الكوره على نفسه ولا يرفع راسه وهذي اهم نقطه يطالع فالارض الاهبل كيف يسدد وكيف يمرر وكيف يعدي وهو راسه تحت كيف ؟ وهذا رابط يوريك صدق قولي انه لاعب فاشل ويضيع بطريقه حقت مجنين والله مايضيعها واحد يفكر ههههههههه
http://www.youtube.com/watch?v=VTnSHeKk3Eo&feature=related

والله انا اشوف انه لاعب ما يفيد الهلال لعدة اسباب اولها ان اغلب اهدافه في الدوري الكوري ما بين رأسيات وفاولات
والهلال الرأسيات مافي احد يجيد الأوفر الا بعض لعيبة الوسط الأظهره لا يجيدون الأوفر
اما الفاولات فهي حصريه لمحمد الشلهوب ولا يمكن لأحد ان يتجرأ ويجرب حظه في التسديد حتى لو كانت الكوره عند المرمى الهلالي
اظف الى ذلك ان الاعب لا يجيد الركض بالكره ودائماً تسديداته عشوائيه زياده عن اللزوم
يعني لو يجيبون بداله ظهير آسيوي مكان الزوري ويعطون الحارثي والعربي الفرصه كان افضل مية مره

يظهر اللاعب الجيد من اجادته للتهديف باشكال مختلفه واعتقد يحتاج مترجم اولا والصبر ثانيا فليس من السهل تكون هداف الكوري الجنوبي وهو اقوى واسرع من دورينا بمراحل ومصنف افضل من دورينا علما بأنه هداف مع فريق من الوسط فهذا يدل على انه لاعب مميز اتمنى المحافظه عليه فاللاعب فعلا يسبب صداع كبير للمدافعين بكثره تحركاته وتنقلاته من العمق الى اليمين الى اليسار الى الانسحاب في المنتصف وهذا يعطي الفرصه للاعبي الوسط من تسجيل الاهداف كما لاحظنا فهو يجيد سحب اللاعبين خارج مراكزهم