. . . . . دربكك على بآب الله ! - نادي الهلال السعودي - شبكة الزعيم

مـوت ومـيـلآد ! · #1 29/01/2012, 04:30 AM

يوم من إيآم العطله السعيده قررنآ نطلعع للبر

, خمس دقآيق وجآني مفتآح على جبهتي

! ( عآدي مآصحت لأن أخوي ينعمي أحيآنآ

) !

إلتمس عذر الوجع سبعين مره

! هذا من بآب الأخوه والرضآعه

!
,
رمية المفتآح عندنآ زي حقين البشوت والربآبه

, يرمي البشت بحضن الشيخ ويقول نخيتك

!
حنآ نفسهم بس أختلآف الجمآد والحركآت والأسلوب والشكل

! وش معنآته طيب ؟ معنآته قومي سوقي

!
-
قدّر الله وكتب هالشي إني أسوق فوق بر عنيزه

, لآ أحد يزعل وينفعل ويهنق عنده التفكير

!
ترآ عآدي جدآ

!
,
آلوكآد أكمل لكم

: أخذت سيآرة أخوي وركبت معي ثنتين من بنآت خالآتي , السيآره الثآنيه سآقتهآ بنت خالتي الرابعه ومعها وحده !
يعني كم عددنآ : خمس

! <<--- سسبحآن الله

!
السيآره اللي معي هي جيب بس جيب مآآدري وش أسمه بصرآحه , السيآره الثآنيه كآمري

!
قبل لآ أحرك السيآره جتني أصوآت وكل صوت يسبق الثآني !
( لآ تسرعون لآ تبععدون تغطوآ زين خلكن حولنا إن توهقتوآ أرجععوآ

) !
إن ششآءالله يمه بس فكي يدك عن الدركسون

! , مآ أقدر يَ بنيتي

!
: تكفين أجلي حنانك لا رجعت

!
-
وعلى بركة الله مشينآ * والجولات طبعا حنا من النوع اللي مانطلعها بالبر نخليهآ بالشنطه وعلى اسآس مآرآح نبعد بس عند أهلنآ نسوق

, وحبه حبه بديت ادعس بقوه عالبنزين

, واللي ورآي تدعس

! إيقآلنآ نجآكر بععض

!
ومع الحمآس أبعدنآ , الله يبعد العدو

!
أقولكم ( أنآ من يوم مآ أمسك السيآره مآآعرف آلف يمين ويسآر وأسوي حركآت ترجيع لورآ , ولآ أعرف أفرمل شوي شوي

) !
* أخآف أخآف إيوه أخآف

!
المهم: وبنص ماحنا نجاكر بعض شفت قدآمي شجره , المفروض أني ألف وأتعدآهآ

, لآ قمت وضغط عالفرآمل بقوه

, تفنقست بنت خآلتي عندي قدآم وانجرح حآجبهآ

!
" قآيله لكم أنآ مآأعرف أفرمل

" !

وكملنآ مشي ووقفت بنت خالتي قالت : شوفي هذآ الطعس نرقآه !
: هههههههههههههههه ترقينه ومعك هالسياره

؟ : صغير الطعس والله

! : قدآآآآآآآآآآم يآلله

! بس بنشري الككفرات شوي عشان تطلعين بسهوله

!
: مآآعرف , تععرفين

؟! : لآ

! : طيب ألفقيه

!
مآأمدآهآ ترقى النفود إلآ غرزت ههههههههه !
عآد خوذوآ محسوبتكم النشميه , إيقآلي بصير لها عون صرت فرعون

!
ماعرفت وش اسوي قمت ورقيت معها عشان اساعدها وغرزت وراها بالتمام

!
هي يأست ونزلوآ من السيآره يتفرجون

! وانا ادعس اكثر واغرق اكثر

! آخر شي رحت بمشي بنآدي أهلي , وحنآ مكآننآ بعيد شوي بس نشوفهم من فوق
وأأشر لهم وأسوي حركآت بعباتي أبيهم ينتبهون والله ولآ حولي أحد

, لو أنآ بمكآنهم وشفت نفسي كذآ كآن أقول وش هالذبآب اللي بيحتضر

!
رجعت وأنصدمت إن التحف اللي معي كل وحده منكمشه مع الثانيه

, مآأمدآني أتكلم وأقول وش السآلفه إلآ تجي سيآره فيهآ رجآل كبير بالسن ومعه زوجته وعيآليه

!
شكله مآأعجبه الوضع ووده يضحك بس خآيف لآ تبان ضروسه الصفر ويتفشل خخخخ

, يقول : ريوسي على ورآ وخلي اللي معك يدفون الترآب قدآم !
عآد حسيت أني فعلآ بتفشل انا مب هو لأني مآفهمت وش يقصد بالضبط

, قلت : لآ خلاص يآعم أخوآني هذآ هم جآيين بس حنآ نآخذ بروفه

!
طنش كلامي وجلس يدور حولنا , شكله حبّني

!
أقول للبنآت أنآ بدعس وأنتم دفوآ السيآره , تقول وحده : لآ معليش مانتحملها ثقيله يالله تندف

, الثانيه تقول : والله اسمحيلي مآنقدر إذآ الرجآل يآلله يآلله يدفونهآ وتطلع تبيننآ حنآ ندفهآ

, الثآلثه تقول : بسوي نفسي ادف عشانتس بس

! , والرابععه تقول : مآينفع أدفهآ برجليني

؟ , : لآ دفيهآ بخصرك وتمشي

!
عآد الجد يوم ألتفت للسيآره أخنقتني العبره

, قلت معصي ادفتس لو تنشبين هنا طول عمرتس

!
آخر شي تربعت وجلست أفككر وأفككر

, وشوي نسمع أصوآت سيآرآت , قلت : بس جآك الموت يَ تآرك الصلآة

!
وأنآ اللي أخم البنآت واجمعهن دآخل السيآره ونصك البيبآن ونقفلهآ ونندعس تحت المرآتب

!
وآحط زوليه وأفرشهآ عند السيآره , عشآن لآ جوآ يحسبون السيآره لها راعي ولا يجونهآ !
شفتوآ شفتوآ أنآ فيه هنآ مُخخخخ

! وحده تحمست بغت تجلس مع الزوليه

, تقول عشآن يحسبوني أمهم

! , هذي اللي لفعتهآ بكف ودخلتهآ معنآ

!
دقيقه دقيقتين ثلآث أربع ولآ أحد جآ , آخر شي يوم نزلنآ جت سيآره كويتيه

!
لآ لآ عآد كل شي ولآ أننآ نتفشل قدآم أخوآننآ الخليجيين

!
بنآت قوموآ سووَ انفسكم تدفون وانكم قرمآت , عيب يطلعون من عندنآ من غير مآيقولون " السعوديآت نشميآت

" !
عآدي حتى لو جآك شد عضلي , تحملي ! مب حلوه بحقنا

!
: إلآ قولي بيقول " السعوديآت غشيمآت

" , بعدين شوفي وشلون يضحكون ويحمدون الله , بعذره شآيف مسلسل كوميدي على هالعبآيآت والسيآرآت المغرزه

!
: إنآ عندي أحسآس إنه يضحك عالسيآره اللي جآيبتهآ هنآ

! وده يقول أعطيك تريله تغرزين فيهآ ولآ كآمري تسوقينهآ هنآ

!
: خلآص خلونآ ندخل داخل السياره , بردنآ أبي أصيح

!
لفينآ بندخل إلآ تجي سيآره جايه لعندنا بالضبط , أنآ هنآ قلت : بنآت إن أمسكونآ كلنآ نتفق إن فينآ حآله نفسيه

!
ولا أوصيكم إن مت وأنتم عشتوآ قولوآ لأمي وأهلي كلهم أني أحبهم ولآ فكرت بيوم إني أزعلهم

!
جوآلي فرمتوه وعطوه أخوي الصغير

, أغرآضي كلهآ أجمعوهآ وودهآ للجمعيه

! وترآني مسآمحه كل اللي زعّلني وزعّلته

!
رسمآتي كلهآ بروزوهآ بجدرآنكم عشآن تتذكروني فيهآ

, الـ ...
: تعرفين تنطمين , هذآ أخوتس يَ عله

!
: لآآآه آآآه إييه جد

, وأنآ أركض أركض أبي أحس بألأمآن

!

بعد مآجلسنآ وهدينآ وشملنآ ألتمّ

! يقول وآحد من عيال خالاتي : حنا نشوفكم ونراقبكم بس قلنا بنشوف وشلون يتصرفن

!
: وعسى بس اعجبك المنظر ؟ : بغيت الا شوي واصور وانزل المقطع عالتويتر هههههههههههههههههههههه !
: حسبي الله على اللي اخترع السيارات , ماسوا فينا خير , لعب بنفسياتنا لعب

!
مع القهقهآت سمعنآ تنحنحآت

! يعني تنحنح واحد عند سيارته , تتوقعون من طلع

؟ طلع الشايب اللي وقف لنا

!
عطى اخوي محاضره , من ضمنها انتبهه تخليهن يسوقن بالحالهن

!
" مآقلت لكم إنه حبّني

" ! بس قهر شآيب

!

مآيستفآد من الموضوع : لآ تسوقن

!

4:55 !

بين العصر و المغرب , مرت لمة خيالة , مرت لمة خيالة !
و عرفت فرس حبيّبي , لإنها شقرا و مياله , لإنها شقرا و مياله !