السلام عليكم ورحمة الله وبركاته وشلون اسجل في تويتر الامير عبدالرحمن بن مساعد وكم راح يكلف هل صحيح الساعه ب100ريال افيدوني وهل اقدر اسجل واتكلم مع الامير ثم الغي الاشتراك او لازم استمر لان انا ضروفي الماديه ماتسمحلي اشترك وفيه اشياء لازم اوصلها لرئيس النادي مهمه و متى يدخل الاميرعبدالرحمن في التويتر علشان اتكلم معه وايضا حسن الناقور متى يدخل في التويتر تكفون ردوا علي بسرعه اي واحد يقرا لاني مستعجل ساعدوني الله يحفظكم وحسبي الله ونعم الوكيل على نادي الاتحاد ولاتحاديين وعلى نايف هزازي قولوا اااامين نايف و هو من لعب في عقل احمد الفريدي من اجل ان ينتقل للاتحاد لانه صديقه ومنصور البلوي معهم تكفون ادعموا احمد وقفوا معه علشان ماينتقل احمد يبي دعم معنوي من الجمهور شوفوا محمد نور له اكثر من سنه وهو يطلب الذهاب لاي نادي لاكن وقف معه جمهور الاتحاد وساندوه ودعموه علشان ماينتقل وكانوا يقولون نور ينتقل خارجيا ولانشوفه يلعب لانديه منافسه للاتحاد في السعوديه حتى لدرجه ان محمد نور غاب عن معسكر الاتحاد مرتين الاعدادي قبل الموسم ومع ذلك دعموه واحنا للاسف نقف ضد احمد وهو تعبان نفسيا والله راح انقهر لو اشوف احمد ينتقل للاتحاد ردوا علي لاتاخرون تكفون

كل الكلام اللي قالوه لك بفلوس غير صحيح

تويتر عبدالرجمن بن مساعد مثل تويتر أي شخص " مجرد موقع تدخله اذا كان عندك اتصال انترنت كما تدخل شبكة الزعيم وقوقول وجميع المواقع والمنتديات "

ادخل تويتر وسجل لك حساب " بسيط جداً ايميل واسم وباسوورد " وانتهى الموضوع

بعد كذا تدخل على صفحة الامير عبدالرحمن بن مساعد :

https://twitter.com/#!/A_Bin_Mosaad

وتضغط على كلمة " فولو " بالانقلش .. وبكذا اي شي يكتبه الامير عبدالرحمن بن مساعد يطلع عندك في صفحتك الخاصه ..

وبرضو تحصل مربع موجود .. تقدر تكتب فيه اللي تبي وبيوصل للأمير عبدالرحمن بن مساعد بأذن الله واحياناً مايقدر ينتبه لك .. " لأن المتابعين له 300 الف " فـ صعبه جداً انه يرد عليك .. لذلك حاول تكرر اكثر من مره في حالة عدم الرد .. وبأذن الله ستجد مايسرك .. رغم اني احد الاشخاص اللي كلموه ولا رد عليهم - لكن معذور ابو فيصل