[CENTER]بسم الله الرحمن الرحيم [/CENTER]
السلام عليكم ورحمة الله وبركاتة
بصراحة وبدون مقدمات ابي ادخل في الموضوع على طول
لا حظت وربما لاحظ الجميع بأن مستوى الهلال بدأ يتصاعد ولله الحمد من بعد مباراة التعاون طبعا من مباراة الأهلي وبعدها مباراة النصر خصوصا وكأن المدرب جيرتس هو من وضع الخطه وهو من درب الفريق كان الفريق كله يلعب بروح عالية وبتمريرات كثيرة متقنة اتمنى ان اللعب هذا يستمر وكذلك الروح القتالية في الملعب بصراحة اتمنى ان المدرب الجديد ينتهج نفس الإسلوب هذا في اللعب لتعود هيبة الزعيم وناخذ الدوري اللي اتوقع ان التحكيم حرمنا فيه من خمس نقاط مستحقة ومن فاولات لم تحتسب بالجملة
هل توافقون ايها الزعماء على هذا الكلام ام اني قد اغفلت امور اخرى بسبب قصر النظر في بعض الأمور الفنية
واخيرا اشكر الكابتن سامي والمدرب الأولمبي على ما قدموه للهلال من بعد رحيل المدرب دول الذي نتمنا له التوفيق في مسيرتة

وفي الختام سلام

انا اشكر سامي الجابر على انه وضع " الفريدي " في الدكه عشان يعرف أن الفريق بدونه بطل ويبقى بطل .. وبالعكس بدون الفريدي اللعب سريع ومهاري وممتع .. الفريدي لعبه بطيء واستعراضي لا يفيد النادي .. اقول شكرااااااااا مره ثانيه لسامي يوم حط الفريدي بالدكه عشان يعرف أن " الي لهم ولاء للنادي أفضل من الي مالهم ولاء " .. شكراً لك على الموضوع حبيبي كنت كاتب موضوع مشابه لموضوعك لكن مانزلوه المراقبين مادري ليه من البارح !!!!

شي واحد ودي افهمه وبصراحه

من اللي حط تكتيك مباراة الأمس ؟

سامي والا بانون ؟


مااقول الا ماشاء الله تبارك الله

بصراحه اذا بيستمر اللعب الهلالي بهالشكل

فخلاص ماعاد نبي لا العربي ولا هرماش ولا حتى هاسيك بعد



الهلال ليلة البارحه

كان يستحق اللعب في دوري أبطال أوروبا مو في دوري زين وبس

الحمد لله على الفوز وعلى المستوى الخرافي
وان شاء الله نشوف هالابداع مستمر في مباراة الإتهاد



يسلمووو

الجهاز الفني لن يقصر في تطوير الجانب التكتيكي
(التحرك بدون كرة وتأدية المهام الهجومية والدفاعية.........إلخ)


لكن لا يغفلوا كثرة التدريب على دقة التمرير والأهم التحرك بالكرة والرأس مرفوع
فهذا يقلل من نسبة الخطأ في التمرير......
والمهم الإكثار من تدريبات الكرة والتحكم بها .....!!


فهي تفرق في أداء اللاعبين وتعطي الثقة للاعب

والله يوفقهم ويكتب لهم النجاح

إقتباس الرسالة الأصلية كتبت بواسطة إبن عبـــاد شي واحد ودي افهمه وبصراحه من اللي حط تكتيك مباراة الأمس ؟ سامي والا بانون ؟ مااقول الا ماشاء الله تبارك الله بصراحه اذا بيستمر اللعب الهلالي بهالشكل فخلاص ماعاد نبي لا العربي ولا هرماش ولا حتى هاسيك بعد الهلال ليلة البارحه كان يستحق اللعب في دوري أبطال أوروبا مو في دوري زين وبس الحمد لله على الفوز وعلى المستوى الخرافي وان شاء الله نشوف هالابداع مستمر في مباراة الإتهاد يسلمووو

اخوي العزيز اعتقد ان الإثنين تشاورو طويلا على التكتيك اما بالنسبه للعربي وهرماش نحتاجهم لأننا داخلين على اسيا واخيرا اشكرك على مرورك

الدوري لنا ان شاء الله

ياااااااااااااااااااااااارب

إقتباس الرسالة الأصلية كتبت بواسطة أزرق بن هلال الزعيمي انا اشكر سامي الجابر على انه وضع " الفريدي " في الدكه عشان يعرف أن الفريق بدونه بطل ويبقى بطل .. وبالعكس بدون الفريدي اللعب سريع ومهاري وممتع .. الفريدي لعبه بطيء واستعراضي لا يفيد النادي .. اقول شكرااااااااا مره ثانيه لسامي يوم حط الفريدي بالدكه عشان يعرف أن " الي لهم ولاء للنادي أفضل من الي مالهم ولاء " .. شكراً لك على الموضوع حبيبي كنت كاتب موضوع مشابه لموضوعك لكن مانزلوه المراقبين مادري ليه من البارح !!!!

لا شكر على واجب اخوي لكن بالنسبة للفريدي اعتقد انه لاعب مهم في صفوف الفريق ولكنه لاعب عاطفي كثير وما اظن انه يفكر في الرحيل الا اذا كانت هناك مضايقات في النادي او مشكله لم تحل جذريا اتمنى ان يوفق القائمين على النادي من ادارة وجهاز فني وغيره ان يوفقوا في حل جميع المشاكل وتقليص الأخطاء لأن الأخطاء واردة ولا محاله فكلنا بشر في النهاية