السلام عليكم ورحمة الله وبركاته
حبيت اوضح على اقل تقدير من وجه نظري سبب عدم تفاعل الجماهير مع الالتراس الهلاليه........
في السابق وقت ماكان هناك روابط وميكروفونات وطبول وكانت تجلس على يمين المنصه كان مجلس الجمهور الهلالي بوسط الواجه يوجه ويطالب الجماهير الهلاليه وكانت الرابطه عن طريق مكبرات الصوت وبعض الاحيان على ورق مطبوع او نشر موضوع بالمنتدى يشرح كيفية التشجع وعمل بروفات بين صلاة المغرب والعشاء واحيانا من العصر البروفات شغاله وطبق وقت المباره
اما الحين شوفو مكان الالتراس الهلاليه ويبن مكان تجمع الجمهور حتى مافي تنسيق او اختلاط مع الجمهور ولا صرنا نشوف موضيع تحمس الجمهور على الحضور وهنا ان مااعيب على الالتراس الهلاليه بالعكس انا معها واتمنى اشوف اللوحات الابداعيه وعندي لاتراس اقتراح اتمنى يوصل لالستاذ تركي الهديب اتمنى تتقسم الالتراس للمجموعات مجموعه تحضر مع فتحت بوبات الملعب لحجز مكان الالتراس الهلاليه بالواجه بوسط الجمهور الهلالي او على اقل تقدير تثبت موضوع بمكان تواجد الالتراس وان يلي يبي يحضر متفرج رجاء لا يحضر او على اقل تقدير لا يجلس هنا
اقصد بالمكان المخصص...
الشي الثاني تنزيل موضيع تحفزيه للجماهير للحضور وشرح كيفيه تطبيقها او الفكره يلي راح تتطبق بالاضافه الى توزع بعض الالتراس على مداخل بوبات الملعب معاهم المعدات او الادوات اوراق تشرح ايش راح يصير مو مثل يلي قاعد يتطيق بالملعب واحد شايل كرتون واقف ويجون الناس تاخذ منه والبعض الا الكثرين مايحصلون شي من القطع البلاستكيه وغيرها..
الشي الثالث وهنا انا من جد اتمناها خلط الفنون الشعبيه والعرضات مع الفكر الاوربي و الامريكي الاتيني يعني بما ان شعبيه الزعيم جارفه بكل انحاء المملكه لله الحمد والمنه وتعدت المملكه الى خارج محيطها>>>>>>>>بدا يهايط الاخ>>>>>>>>اي يحقلي مو هلالي
ايش يلي يمنع وقت مانرسم لوحات شعبيه بالمدرج وندخل اللون الحجازي او كما هو مشهور باسم المزمار والينبعاوي والدوسري والسامري والشيلات الشعبيه يعني تراثنا الشعبي مع شويت من اهازيج المشهوره مثل اوووليه والزلازال والموج وخصوصا الامواج وبعد الامواج نتغنى بااغنيه المج الازرق وشويه من الحركات الاوربيه ونخصص حنا كجمهور هلالي بعض المباريات الكبيره والقويه لرفع صوره لرجلات خدمت الهلال بالسابق مثل مؤسس الكيان الشيخ عبدالرحمن بن سعيد والامير خالد بن سعد رحمهم الله وبعض الاعبين من الجيل السابق مثل صالح النعيمه ويوسف الثنيان وخالد التيماوي وغيرهم وحتى الرجال يلي مازالوا يخدمون الكيان مثل الاميرين بندر بن محمد وعبدالله بن مساعد ويكون دافع لاعضاء الشرف لدعم والوقفه وحافز للاعبين لابداع وزي ماابتكر الهلال حفل اعتزال وتكريم الاعبين حنا كجمهور نبتكر تخليد اسامي الرجال يلي خدموا ومازلوا يخدمون الكيان لانه بصراحه من لا يشكر الناس لا يشكر الله..
ولنا عبره بالشيخ عبدالرحمن بن سعيد رحمه الله محد كرمه من اولاده اقصد الكيان الهلالي لانه قال بيوم من الايام عندي من الاولاد تسعه والهلال عاشرهم بس الحمدالله انه تكرم من الاتحاد الدولي لاحصاء
هاذي جمله من الاقترحات اتمنى اشوفها على ارض الواقع ولا حد ينقز لي ويقول صعبه او ممنوعه مافي شي ممنوع يكفي ان مدير قوة المهمات والواجبات(بالرياض) المسؤله عن حفظ الامن بالملعب هلالي صميم ومع الدعم يلي يقدم من الاستاذ حسن النقور والشريك الاستراتيجي موبايلي راح نقدر نسويه وصدقوني مو صعبه ...
وللمعلوميه اول من ابتكر الامواج والزلازال هو جمهور الهلالي وان دل هذا على شي فهو يدل على ان حس التشجيع الجماعي منتشر بين جماهير الهلالي واتمنى من كل قلبي اشوف المدرج الهلال مثل ماشفنا بمبارة بونيودكور الاوزبكي والغرافه القطري الموسم قبل الماضي حين ابدع الجمهور وقال عامر عبدالله جلسة طرب على قناة رياضيه حتى ويلي في ذيك المبارة رقص العرضه السعوديه من شده الطرب
وهاكم المقطع‫جمهور الهلال + عامر عبدالله جلسة طرب رياضية على الهواء منتديات الشاعر تركي الميزاني‬‎ - YouTube
اعتذر على الاطاله واتمنى تتحقق على ارض الواقع الافكار