.......!!!! ويقـــــــولون ليـــش انغــــــــــازل !!!!........ - نادي الهلال السعودي - شبكة الزعيم

صــدى الزعيــــم · #1 17/03/2003, 02:40 PM

[c]الســــــــلام عليكم ورحمة الله وبركاته ...[/c]

هلا شباب المنتدى

شوفو ليش البنات يقولون عنا ليش انغازلهم

وانا الحين بعطيهم الرد

ويقلون ليه الشباب يغازلون.. انا اقو

@#@#@#العبـــــــايـات@#@#@#

شمغ .. ساري.. شك .. خرز.. طب وتنقى بس لا تكثرن يالبنيات..
نشوف ان العبايات بدت حبه حبه شوي شوي.. بزر بدا يخطي
كانت وسيعه==> بدو يضيقون===> فستان عزيمه===> بدلة رقص شريهان==> خلصنا صارت
فيفي عبدو..
والي يلفت انتباهي.. مره وانا عند خياط عبايات كان فيه ثنتين وحده عبايتها تقول وزرة يماني..
والثانيه قاعده تفصل عبايه.. عاد تقول للخياط ضيق من عند الخصر.. وخلها كلوش من تحت(يعني فرنسي) والخياط ماغير يضيق بهل العبايه لمين الخياط طلع من طوره وقال ماما هذا مافي عباه هذا صار فستان عروسه..
(مشالله الهندي مطوع)
عاد كانت البنت من ربع حبتين.. قالت وش دخل امك الحين انت
الهندي تلايط
ولا يوم خلصت قالت خل فتحات من الجوانب وخلهن لمين الركبه.. عشان يطلع البنطلون الجينز.. (ماما لاحقني واحد بروح اعلم الهيئه)
خلونا الحين من ذولي قالتله عندك خرز احمر قال الهندي المسكين ايه قالت حطه بالعبات كله..
من حق عبات صارت..(بس اقول الله يستر عليهن بس)

@#@#@#الشيـــــل والطــرح..(القصمان الغدفه) #@#@#@#

1-الفوطه:الي صايرتن تسنه فار مقرضه مافي جخر الي فيها.. الثانيه مشخالة رز..
2-الخيشه:-الي اذا حطيته على وجههك قنه بس متشعمط على وجههك ومخشوه.. وش حدكم على الشقى..
3-لوحة بيكاسيو:-الي مافي لون بالعالم الا رازتوه بالغطى حشى ماصرنا بنات الخليج(السودان وقفل الباب وراك)
4-غطى على غفله:-خله حرير بس يكون شفاف الله يرحم والدينك(طيب ليه تغطين)..(والله ماودي بس الوالد اجبرني)
5-مافي خيط هندي وخرزه الا بالغطى:-الي تصير كله شخابيط ..
هذي بعض الغدفات الي هابين فيها هل اليومين بنات ترى الموضه الحين الجنز لا يفوتكم

@#@#@#الشنـــــط #@#@#@#

1-اهم شي انها تكون صغيره(سندويشت ابو يمن..) وتلصق بالاباط وتكمله ضيق الكم بالله وشلون تمشي..
2-تلمع وتبلص:-ومره انا امشي واحد يلحق وحده وانا وراهم اتتبع الاحداث(CNN)ومستغربه البنت مابه شي
يعني عشان يلحقها.. وبالاخير وقفه قاله من وين شنطتك انا ابي اتزوج وابي لزوجتي مثل ذي الشنطه لانها تلمع..
البنت دور خشمها طار للدور الثالث..
3-حقيبة المدرسه:-قال امريكان قال.. بعبايتك ومتغطيه ورازتن الشنطه وراتس(والله عيب)

@#@#@#الجــــــزم #@#@#@

1-عماير المملكه والفيصليه والراشد معاهم:-(بالغصب طويله وعنقى)تلبسهن بس اويلاه من جاء ودفه
(عاد مايقصرون الشباب انواع الحرش)
2-جزم االشباب العرابجه:-اكشخ من قدكم البنات بدوا يقلدونكم..

@#@#@الثمـــــــه #@#@#@

1-النينجا:-الي تلثم وتحط فوقها ملكي .. بس ناقصها عجره وتكمخ الشباب فيها..(هذهي النوعيه لا تمشي جنبه عربجيه)
2- فارس بلا جواد:-الي تسوي لثمه بسبدون ملكي(لثمة الشجاعات وطويلات السان)
3-لثمة2002:-الي تلطع كل شي الشعر والي تبي طب وتنقى (لثمة الدلوعات والمايعات)
4-لثمه مع غطى خفيف:-الي تلثم وتجدع غطى(لثمة الي تبي تدين بس مهي قادره)

@#@#@#المكيــــــــــــــــــــــــــــــــــــــاج #@#@#@

لطخي بوجهتس وكثري بالعيون وسوي زي كحل زينب العسكري.. وشوفي الشباب كيف يلاحقون..
(ابي امي .. ابي ابوي.. ابي الهيئه.. ليه الشباب يلاحقوني).. ( بنت يلاحقها عربجي)

الحين عرفتم ليش انغازلكم

هههههههههههههههههههههههههههه

لا تزعــــــــــلون مني

ابو محمد ,,,

سراب الدمع · #2 17/03/2003, 02:48 PM

مساء الوررررررررررررررررررررررررررررررررررررررررررررررررررررررررررد

الله لايجيب الزعل يابومحمد

مشكور .

عاشق الفيلسوف 15 · #3 17/03/2003, 03:41 PM

الله لا يجيب الزعل أخوي صدى الزعيم

ولكن كنت اتمنى منك انك تخص ولا تعم كل البنااااات

غروده · #4 17/03/2003, 04:19 PM

الحمدلله والشكر
ترى الستر نعمه ;)

صــدى الزعيــــم · #5 17/03/2003, 05:47 PM

هلا فيكم ومشكورين على مشاركاتكم ....

والله لا يجب الزعل بينا يا سراب الدمع ويا عاشق الفيلسوف 15 ......

إقتباس


	الحمدلله والشكر ترى الستر نعمه

صح يا غروده الستر نعمة ...

وأرجو من اخواتي البنات ان لا يفهموني غلط ....

والله ما ارجو من هذا الموضوع الا الفائده .. والله من وراء القصد

وتقبلوا تحيات اخوكم ابو محمد