الاخوه الاعزاء
السلام عليكم ورحمة الله وبركاته
موضوع بسيط جدا واتمنى من الجميع ابداء وجهة النظر
الا تلاحضون ان اي مباراة فيها مشاكل تحكيمية يكون نادي التعاون طرف ثابت فيها
الموسم الماضي مباراة التعاون والنصر
وبعدها مبارة التعاون والهلال
وهذا الموسم الهلال والتعاون
ومباراة التعاون والوحده
الا تعلمون من هو رئيس نادي التعاون انه محمد السراح وعضو في الاتحاد السعودي
تتفقون معي في هالكلام ولا انا غلطان

أكيد كل جماهير الانديه ملاحظه ..والدوري السعودي الوحيد اللي الشخص الواحد يكون بأكثر من منصب

عندنا مليون ونصف عاطل ..وظف بالاتحاد السعودي ناس معه شهادات وبحاجة وظايف

ليش السراح وغيره يكونون بعدة مناصب وهذا اكيد بيخلينا نشك بالوضع

التحكيم يقف مع التعاون بشكل غريب ضد جميع الانديه ..ولعب هذا الموسم مع جميع الانديه وهم ناقصين لاعبين

فمثلا ايمانا مالعب قدام التعاون الدوري الاول والدور الثاني هرماش والعربي

النصر لعب بدون بينو والاتحاد بدون هزازي والدور الثاني بغياب 8 لاعبين !!!

والفتح بدون اهم لاعبين احمد بوعبيد وربيع سفياني وطردهم قبل مباراة التعاون برأه على المطلق واستغرب منه

والرائد بغياب احمد الخير وعصام الراقي

فيه شي غريب والاغرب الحكام وش يبون بالتعاون !!!!!!!!

صدق اتحاد سعودي ضعيف وضعف الدوري

خل التحكيم على جنب
فريقك فاشل ... وسلامتك
المدرب مافيه شيء ,,

يا رجال البلا من اعضاء الاندية الصفراء

سواءا تعاون ولا فقر

لا اخوي مو شرط
ما له علاقة السراح




المباريات التي شارك بتحكيمها
الفتح - نجران (2 - 2) حكم ساحة
الأهلي - نجران (4 - 0) حكم ساحة
الفيصلي - الهلال (0 - 2) حكم ساحة
الرائد - هجر (1 - 2) حكم ساحة
التعاون - نجران (1 - 4) حكم ساحة
الرائد - الأنصار (3 - 2) حكم ساحة
الهلال - التعاون (1 - 1) حكم ساحة
النصر - الفتح (1 - 2) حكم رابع
الهلال - الاتحاد (1 - 1) حكم رابع




عدد الكروت الصفراء التي أبرزها 19
عدد الكروت الحمراء التي أبرزها 1

ضربات الجزاء التي احتسبها

فيكتور سيمويس الأهلي سجلت الأهلي - نجران
أيمن راجح الأنصار سجلت الرائد - الأنصار
محسن العيسى الأنصار أهدرت الرائد - الأنصار

ماندددخل بالنواااايا سبحان الله فريق التعاون ومع احترامي الشديد فريق مشكلجي دايما مباراة التعاون تحرررق الاعصااااب ...

قبل ان تقرأو ردي فانا التعاون عندي أولا

إقتباس الرسالة الأصلية كتبت بواسطة خـالد14 الاخوه الاعزاء السلام عليكم ورحمة الله وبركاته موضوع بسيط جدا واتمنى من الجميع ابداء وجهة النظر الا تلاحضون ان اي مباراة فيها مشاكل تحكيمية يكون نادي التعاون طرف ثابت فيها الموسم الماضي مباراة التعاون والنصر وبعدها مبارة التعاون والهلال وهذا الموسم الهلال والتعاون ومباراة التعاون والوحده الا تعلمون من هو رئيس نادي التعاون انه محمد السراح وعضو في الاتحاد السعودي تتفقون معي في هالكلام ولا انا غلطان

كلامك كله مردوود عليه
الموسم الماضي مباراة التعاون والنصر
هدف فيقاروا باليد
وش تبي غير كذا

وبعدها مبارة التعاون والهلال
ارجع للدور الاول وشف ركلة الجزاء التي لم تحتسب ولا بس تشوفون اللي لكم وتخلون اللي عليكم

وهذا الموسم الهلال والتعاون
ياحبيبي حتى حنا لنا بلنتي يعني مو بس انتم اللي لكم
اللي اخر الشوط الاول كرة تلمس يد هوساوي ولاحس ولا خبر
للمعلومية فقط الدور الاول من الموسم هذا لنا بلنتي لبدر الخميس

ومباراة التعاون والوحده


وش الاحداث اللي صارت فيها

مباراة انتهت بالتعادل وكل فريق كان يبحث عن الفوز واتمنى ان ترجع للمبارة وترى كمية الفرص الضائعة خصوصا للوحدة وللمعلومية المباراة هذي كان نجمها الاول فهد الثنيان حارس التعاون

اخيرا
اتمنى ان ترو الظلم الذي تعرض له التعاون يا ساده
مباريات الاهلي - الشباب -الفتح وما أدراك مالفتح تلك المباراة التي تعادلنا فيها بظلم



انتم بس مباراة وحده وزينتوا كذا اجل حنا وش نسوي ؟؟؟؟؟؟؟؟؟؟؟؟؟!!!!!!!





من اخرج الاتحاد من المنافسة على لقب الدوري الموسم الماضي ؟؟؟؟!!!
أتمنى ان تجاوبوا على سؤالي ؟؟؟!!

لا اتفق معـاك ابدا

التعاون فـريق خلووق .. والمهندس السراح ما له ومال المشاكل

اللي يفرق بالتعاون انه لعبه لعب بطل

يفتح الملعب .. ما فيه تكتل دفاعي

توقع بأي لحظه انه يفوز

التعاون مع انه ترتبيه من الانديه المتأخره الا انه اذا تابعت مبارياته تحس انك تشوف المتصدر يلعب لعب مفتوح .. عشان كذا يصير جدل في المباريات

وبعدين اخطأ التحكيم اتحاسب عليها لجنة الحكام .. وليس النادي

اتمنى انك ما تشعل فتنه بين جمهور الهلال وجمهور التعاون

وانا من اشد المعجبين في التعاون والفتح لان مبارياتهم متعه وتحسسك انهم من الكبار بعكس بقية الانديه في سلم المؤخره

اتمنى يتقفل الموضوع .. واصلا مكانه منتدى الرياضه السعوديه

إقتباس الرسالة الأصلية كتبت بواسطة قمرهم كلهم999 أكيد كل جماهير الانديه ملاحظه ..والدوري السعودي الوحيد اللي الشخص الواحد يكون بأكثر من منصب عندنا مليون ونصف عاطل ..وظف بالاتحاد السعودي ناس معه شهادات وبحاجة وظايف ليش السراح وغيره يكونون بعدة مناصب وهذا اكيد بيخلينا نشك بالوضع إقتباس الكلام ذا يوجه ايضا للاخ عادل البطي محلل وعضو لجنة وغيره التحكيم يقف مع التعاون بشكل غريب ضد جميع الانديه ..ولعب هذا الموسم مع جميع الانديه وهم ناقصين لاعبين إقتباس وش ذنب التعاون اذا الفريق يوقف لاعبينهم بسبب كرووت ؟؟؟!! فمثلا ايمانا مالعب قدام التعاون الدوري الاول والدور الثاني هرماش والعربي إقتباس ايمانا اخذ كرت احمر في مباراة الشباب بس المرة اللي تجي نخليه يلعب بس اهم شي لا تزعل والعربي وهرماش نلغي لكم بطولة امم افريقا وش رايك النصر لعب بدون بينو إقتباس بينو وراه موقف مو معه كرت احمر ولا لاجاء التعاون يلعب مع الفرق تلغي الكروت طالع عمرك ؟؟1!! والاتحاد بدون هزازي والدور الثاني بغياب 8 لاعبين !!! إقتباس الاتحاد متى لعب معنا ومالعب هزازي شكلك تتابع دوري ثاني الدور الثاني بغياب 8لاعبين شفت كل الاعبين ذولا انا قايل لهم لا تلعبون معنا وش رايك ؟؟!! 3 موقفين معهم كروت ونور والراشد والرهيب اصابات تبي نلعبهم لعبناهم ماعندك مشكلة طال عمرك والفتح بدون اهم لاعبين احمد بوعبيد وربيع سفياني وطردهم قبل مباراة التعاون برأه على المطلق واستغرب منه إقتباس للمعلومية اغلب اللي نلعب معهم يكونون لاعبين معكم والرائد بغياب احمد الخير وعصام الراقي إقتباس تراك نسيت الاسطوره حقهم الصقور وعصام الراقي لاعب من قال انه غايب لا انا اقتنعت انك تتابع دوري غير اللي نتابعه فيه شي غريب والاغرب الحكام وش يبون بالتعاون !!!!!!!! إقتباس والله ودي تعلمن وش يبون من التعاون ظالمينه ظلم في مباراة التعاون والاهلي ايضا الشباب ايضا الفتح والهلال بكل الدورين الاول والثاني اقول خلن ساكت احسن بس صدق اتحاد سعودي ضعيف وضعف الدوري

.
ردي بالاحمر .

ما شاء الله

المنتدى قلب تصفية حسابات بين فريقي بريدة

أتمنى قفل الموضوع لأنه لا يمت للهلال بصله

فهو مجرد نقاش بين متعصبين لناديي القصيم

اتمنى اقفال الموضوع

هنا نتكلم وندافع عن الهلال فقط فقط فقط
اللي عنده كلام او يبي يدافع عن فريق غير الهلال يدور غير هالمكان