ترا مافيه شى ياحبكم للشر

اولا : بخصوص موضوع اخوى عارف الموضع انتهى على خير بينى وبينه عن طريق الحمام الزاجل

وكل واحد يصلح سيارته ومافيه الا كل خير وحنا اخوان قبل كل شى

ثانيا : انا ناوى اروح لباريس نجد القصيم ودى ازور البارق ----- البارق فى الرياض منذو مبطى

المهم اللى يبى حبق حايل ولا نعناع المدينه يقول ولا يستحى ----اقول انت وين رايح بالظبط


نرجع حق محور حديثنا ... لحظه شوى فيه شى بقوله




صادوووووووووووووووووووووووووووووووه متأثر بالبرنامج

المهم انى خلال هاليومين رحت ادوج فى المنتديات قلت خلنى اوسع صدرى شوى وطبيت على

منتدى وش هالاسماء اللى فيه ( زيتونه - و دتسن محترق كلتشه ) قلت الله يخلف

يازين اسامينا قلت خلنى اشوف وش عندهم وافغص على التسجيل وامحط اسمى عندهم وعلى طول

فعلو اشتراكى ( الظاهر ماعندهم احد ) واجيك واحط ذاك الموضوع ابيخ منه مافيه (

بجس النبض ) حشى صار دكتور واقعد انتظر يجى رد ولا عندك احد يوم سويت تحديث للصفحه

الا موضوعى مهوب فيه الله يستر شكلهم ظابطين الامور :sad: ومن الطفش قمت اتفرج

على المنتدى العام وضاق صدرى من مواضيعهم كلها قصايد سامعها من يومنى بالابتدائى

واشوف لك ذاك الموضوع اللى عليه قرائه 500 قلت شكل الموضوع رهيب

واقوم وادخل على الموضوع والقاهم حاطين قناه سبيس تون قلت اقول خذ لك لفه

وشف وش عندهم والقاء قدامى المواضيع المميزه قلت خلنى اشوف وش فيها هالمميزه شكل

مواضيعهم متعوب عليها يوم دخلت والقاء موضوعى البايخ فيها واطق بعينى مافى المميزه

الا ثلاث مواضيع موضوع لدتسن محترق شكمانه يرحب بتسجيل (زيتونه) والموضوع الثانى(

زيتونه) تشكر( دتسن ) على تفعيل الاشتراك والثالث موضوعى البايخ ....

قلت خلنى اتميلح واذب عليهم نكته بايخه من جد بايخه قلت لهم :

(فيه شباب سمان ساكنين بطلعه طلعوا للشارع دحدر البيت ) واول واحد يرد (

دتسن ) ياهو ياابو الشباب اروح وطى الا كم مقاس زبيريتك الحمد لله رب العالمين

انا اللى قال لى هالنكته تفلت فى وجهه لانها بايخه والحبيب متشقق شوى الا

ردت( زيتونه) اصلنا مافيه الا هم هالثنين وانا ثالثهم قالت زيتونه ياربيه ياابو الذهب

يابعد عمرى ياااى تجننننننننننن الا متى تفتح مسنجرك

انا وش اللى قردنى اسجل عندهم من جد منتداهم بايخ ويحوم الكبد

قلت اقول صحيح من طلع من داره قل مقداره ----- قام يتفلسف

ومالى الا حبايب قلبى الزعيم ------ قام ينصب


الا العشاء على مين اليوم ----- ذابحه الجوع