09/01/2012, 05:25 PM
|
| زعيــم مميــز | | تاريخ التسجيل: 10/08/2007
مشاركات: 1,892
| |
|
قمة التناقض هجوم ودفاع ومدرب (( نقاش للجمهور الواعي )) فقط
مساكم (صبحكم) الله بالخير
اخواني واخواتي رواد هذا الصرح الكبير
بدخل بموضوعي
الهلال خلال 7- 8 سنوات عاش قمة التناقض داخل المستطيل الأخضر نجح في 80 % منها
والمراحل هي
كوزمين
كوزمين روماني يتبع الطريقة الإيطالية وهي ان مافزت لاتخسر وابدع بطريقته ووصل للنتايج
ايجابياته تحقيق بطولات + ارتياح عند الجماهير من الخطوط الخلفية
سلبياته قتل متعة اللعب + اعتمادة على اسماء محددة ( طارق + ياسر ) واحد يغيب ضاع الهلال
لكن بالاخير ((( ظهرت فلسفة المدرب )))
بعده جاء مدرب بلجيكي وطار خلال اقل من شهر مادري وش اسمه الزبده الظروف ماساعدته ابدا
بعدهم جاء
جريتس
منذ حضوره قال كلمة وهي ماالمانع ان يسجل في مرمانا هدف اثنين ونسجل خمسة؟؟؟
وطريقة قريتس تشبه طريقة برشلونة مع اختلاف انه اخر همومه خط الظهر
ايجابياته تحقيق البطولات + متعة للجمهور + فريق مرعب هجوميا
سلبياته خط ظهر مفتوح ومكشوف
لكن بالاخير ((( ظهرت فلسفة المدرب )))
دول وماأدراك مادول
فيه جمهور يقول عطوه فرصه
فيه جمهور يقول سباك <<< مع احترامي الشديد لمهنة السباكة
مع جريتس وكوزمين شفنا بصمة المدرب وااااضحة بعد 4 مباريات
مو دول الحين بالجولة 15 مافي منهجية اصلا ومافي خطة
ومافي اي شي يثبت ان المدرب سوى شي
وسط ضايع هجوم مجتهد يرافس لحالة بالامام شح الصناعه دفاع مهلهل
انا ماني مدرب لكن هل يعقل هل يعقل ان يكون هرماش محور وحيد ووضح جليا من ثاني او ثالث مباراة له انه مو محور دفاعي؟؟
هرماش محور اقرب ماله بيرلو الايطالي تفكيره وكل تفكيره بالصناعه للهجوم
وهرماش بارع بهالشي يحط الكورة بمكان صح للاعب الصح بالوقت الصح
لكن دفاعيا لا.... ثقيل وبطيء
اذا ليه مايكون معه محمد القرني علشان تكون مهمته مساندة الدفاع وهرماش مساندة الهجوم وبيترتب عندك نص الملعب
العربي بارع بالاطرف والختراقات من الخارج ليه احطه بالصندوق واخلي الكوري يخدم عليه وهو مايفقه بالصناعه شي والعربي يصنع ببراعه ويطلع من المدافعين ببراعه والكوري يتصرف بالاماكن الضيقة والعربي يبي مساحات؟
قتلت الكوري وقتلت العربي
دول ماعرف الماني لغتكم كلها تش خش دتش الزبدة طق الكوري بالصندوق وخل العربي يمين او يسار الصندوق
العصارة
= مالومك يابو فيصل ولا الوم عبدالله بن مساعد انتم اجتهدتوا وبذلتوا الكثير واعلم انك مو مقتنع وبتعدل الخطأ (( ولكن ليس كل شخص يبرع في مجال رياضي يعرف يختار محترف )) وهنا ماقصدك انت ولا الامير عبدالله والمعنى خله عندي
= طبيعة اللاعب الخليجي عامة لن ينجح معه أي مدرب الماني مهما كان الثمن الا ان كان اصله جنوب امريكي متجنس
= هم يتعاملون مع اللاعبين على انهم مكاين والجنوب المريكيين يتعاملون مع اللاعب على انه رسام
= المدرب الفرنسي + الايطالي + الانجليزي + الألماني ماينجحون في منطقتنا الا مع الدول الافريقيه ممكن
= لاعبينا نفسيات يبيلهم مدربين يشحنونهم نفسيا مدربيين حماسيين علشان يعطي اكثر... تشحنه وتحسسه انه بطل خارق وبنفس الوقت تعاقبه وتحاسبة ( كوزمين جرتس )
شوتة على الطاير
إلا وين تمرينات الصباح اللي قلتوا ماراح تتغير وبتكون سنة جديدة؟؟؟
اتمنى انى ماكون ثقلت عليكم
اخوكم
ابو باسل
|
الوضع الشجري
