دخيل زحمه شــوآرعك يالريــآض :( .. تــراي مليــت
 

بسم الله الرحمن الرحــيــم ,,
لي كم يوم مآاسكه معي روتين وآحد من البيت للاستراحه والاستراحه للبيت :d
حتىآ مره من الطفش :d شاري لي تونه واندومي وجالس اطبخه في قدر واحد يمكن اطلع بخلطه ولا شي تفيد المجتمع :d
بس ماعلي لوم دام اني في مدينه عوآاآيل حتىآ القنوات هاللحين ماش :d ماصارت تعجبني :d ماصار يعجبني الا القناه الاولى بصراحه لي:d
من فتره وانا انبطح قدامها ومعي بفك ولا بطاطس كراك وجالس اتابعها حتى بعض دعايات الشامبو صاروا يطلعون شعر الحرمه :d
من اول يلعبون علينآ في هالقناه برنامج مايطلبه المشاهدون اذا تتذكرونه يجي كل خميس فَ الليل يعنني سهره :dمع المذيع احمد الحميد :d
ولا يجيبون الا اغنيه المسافر راح حقه راشد الماجد البيه http://www.cksu.com/vb/images/smilie...t_2xcs5lp9.gif:d
ولا اغنيه يانار شبي من ضلوعي حطبكي صبر على نار الموده و.. الاغنيه عباره عن فرقتين يمين ويسار:d
كلهم لابسين ثياب الدفه واشناب :d وناس تغني والثانين يردون :d طبعا هالاغنيه كانت تتكرر كل خميس :dيعني كل خميس يجيبونها طبعا ليه يجيبونها:d
عشان مافيها بنات :d ,, وكانو كل خميس يقولون هالاغنيه اهداء من مدري مين اسماء غريبه حتىآ خايفين يتوهقون مع خلق الله :d
والناس منسجمه وخاشين جو مع البرنامج مايدرون ان هالاغاني هي حقه الاسبوع اللي راح وحقه الاسبوع الجاي :d,, ويجيبون اغنيه اشقر عل اشقر :dوراشد ويا شنبه لا قناه وناسه ولا بسك تجي حارتنا :d,, كان مافيه الا حريم لابسه بنطلون حق مقاولين وسيع وقميص شاريته من الهرم :dوالتسريحه وحده :d
ومن ضمن جدول البرامج :d افراح وتهاني حق الزواجات يروحون هالعروس و يقابلو مع المعاريس والناس اللي حاضره الزواج :d وانواع المفاطيح وساعه الصدر :d
,, نجي للرياض العزيزه هالديره ماودها تحسسني اني عايش فيها ويخترعون لنا ملاهي لو يحطون لنا مراجيح وزحاليق في حديقه ويكتبون فيها الدخول للشباب فقط http://www.cksu.com/vb/images/smilie...t_2xcs5lp9.gif:d
عَ الاقل نحس بحريتنا الشخصيه وكذا :d صرت احس ان المشق اللي يجي اللحين من سبب هالديره :d
دخلت مره حديقه الحيوان رحمت الحيوانات اللي فيها مساكين :d
أسد معصقل حتىآ الشعر حقه حالقينه يقولون ممنوع الكدش:d ,رحمته مسيكيه
جالس ارمي عليه دجاج وكذا يناظرني ويدلع لسانه يقول ضف فيسك لاتحوم تسبدي :d
حتىآ النمر حالته مب احسن من الاسد مخلين لونه اسود بس :d يقولون مكتوب بالاستماره اللون اصفر وانت مرقع نفسك ومعطيها مطفي :s4s:<~ برىآ :d
حتى الوليد بن طلال تشوفونه من الطفش منتشره بمقاطعه يتمشي بسيكل ماعاد يدري وش يسوي سموه الكريم :d لا عاد للحين كلن يذاكر ينتظرون مستقبلهم الحافز :dالله يوفق الجميع ان شاءالله
والادهى والامر من هذا كله اسبوع المرور له اسبوع بادي :d يعني تحجير في تحجيز :d كل اشاره فيها عسكري منفَس
يمر بين السياراه معه الدفتر كأنه مصري مراقب في قاعه اختبار :d الله كريم بس ,,
قبل فتره ليست بالوجيزه :d,, شسمه جالس مع واحد الله يهديهم عليهم [ جد ] :d
جدهم ماشاءالله يصلح فَ المسلسلات :dيعني نسولف وكذا وخويي يذكره بايام اول شوي تهى تهى تهى ويحط شماغه الاحمر علي عيونه ويمسح :d
يعني ترآي اصيح :dطبعا الكل عارف يعني عياله وكذا انه وسّع صدرك :d
طبعا هو يمشي بـ عصا ,, :dمره بالشتاء جالسين انا والرجال خويي والشايب ,, المهم الشايب جالس عند الدفايه ونسولف
شوي الا الدفايه التمست وقبعت :d ماشاءالله الشايب قلبها هادي صوعان :d كلنا تفرقعنا والشايب يسابقنا ولاعصا ولاهم يحزنون لو فيها حواجز اعتقد كان
نقز من فوقها :dماشاءالله سريع وسبقنا :d:smilie47:
يوم جو الرجاجيل وكذا وش السالفه قال والله ان هالدفايه التمست ومشعل وسليمان راحوا وخلوني :dوانا متمسك بالجدار يالله امش تخبرون مامشي الا بالعصا :d ,,
الواحد بَ هاللحظه يشك بنفسه ويحس بحاله غثيان وانه حامل بالشهر الرابع و وده يسقط الجنين :d يعني غسيل مخ اسمه من هالشايب الله يطول بعمره ويخليه لهم :d ,,
المهم اذا الموضوع انحذف ماعندكم مشكله لاتستحتون :d:smilie47: ,, سقى الله ايامك ياكراش والدوري الياباني بس :d:smilie47:

شكل حالتك صعبة ونا اخوك بس من جد شكلها ضايقة معاك بالمرة وشكل صارلك فترة من القناة الاولى هههههههههاي من جد كل كلامك عنها والله كنت الاحظه زمان ....

وش تقول انت ؟! :d
>>>>>>>>>>>>>>>>>>>>>>

الله ذكرياااات مايطلبه المشآهدون
أهم شي الصفّين اللي بأغنية يانار شبي
آآه هههههههههههههههههههه
بليز مشيعل <مسوية تمون :s3s::s2:
إذا بتكتب موضوع بعد كذا ياليت توضّح بعض الألفاظ
إذا سمحت يعني
الحين وش المشق!!
إلا الشايب للحين يمشي أخآف إنك صكّيته بذيك العين:s5s:
هآدي صوعآن أجل:d

^^

المشق طال عمرك اقرب وصف دامك ذكرتي هادي صوعان :d
روحي له اللحين فَ الشتاء وشوفي كوعه بتحصلينه رصاصي :D ..
مع القليل من البياض فهذا يسمىآ المشق :D ..


لالا دورني فَ السيكل الجبلي :d .. وعصير غوار :d ..


لا هذا مب تظليل اعلامي :d .. هذا مخك المصدوم بالجدار هذي مفهومه
لكن البلىآ انك تشوف فلم فَ القناه الثانيه جايبين كاوبوي وتشوف الفلم ومتحمس انت
ومعك بسكوت ابو ميزان ومتحمس مع البطل فجأه تحصل البطل ابو احفاد وجاته طلقه بخصره
و قتها انت تشك بنفسك وتحس ان في لقطه فاتتك يوم امك سفتك بالبياله وسكرت التلفزيون
اللي كأنه افتح ياسمسم مسوين مسرح مب تلفزيون :D ..


العذر والسموحه ياخوي نآسي اترجم الموضوع للأردو :d ..

ضيقت صدري يا حمام الدار , من سمع صوتك جرله ونه
القلب كن دقبه مسمار , والفكر ضيّع وأختلف ضنه !



http://www.ma-des.com/vb/images/fsh/ma-des%20(19).gif







إهدآء إلى : شوآرع الريآض :d !

هههههههههههههههههههههههههههههههههه الله يرجكك :d:smilie47:


اههم شيء القناه الاولى وسباق المشاهدين هههههع الله ي الذكريآآت بس :to:

موضوعكك ماينحذف ب العكككس ي تثبت :wub::smilie47:


يعطيكك الف الف عافيةة :ba1:s13s

الله يعينكم يا شباب الرياض اززززمه صراحه هع
تصدق جدتي كانت تبي تكرهنا في يانار شبي فتقول لنا انها تعرف وحده كانت داااايم تغنيها وشبت النااار في ظلوعها وماتت <~ افلام الرعب حقت اول هع
ا

آقسم بالله الرياض زحمآت وقرف
بس وآلله الريآض لهآ طعم ولزحماتها ططعم ولآهلهآ طعم خآًص ..!

انت موَ انت وانت جيعان :D

كأني اشوف وجبه مب مدينه مب ناقص الا تقول والصوص له طعم خاص:s2:

الرياض .. وش اقول ووش اخلي ..

والله لو اهلي ما سكنوا فيها كان ما امرح فيها يوم ..!

انا انسان لمن اقبلت على الرياض يجيني شيء غريب وودي اديور لسدير في حزتها ..

الله يعينا على الرياض :( .. والله يعين الي ساكن فيها دايم :)

^ ^
صااااادز وربي الله يعين اهلها قسم بالله نفسيااات

يااااالبى ـآ عروس البحر الأحمر