08/01/2012, 02:18 PM
|
 | زعيــم مميــز | | تاريخ التسجيل: 03/08/2005 المكان: في المنصة
مشاركات: 15,836
| |
دخيل زحمه شــوآرعك يالريــآض :( .. تــراي مليــت
بسم الله الرحمن الرحــيــم ,, لي كم يوم مآاسكه معي روتين وآحد من البيت للاستراحه والاستراحه للبيت  حتىآ مره من الطفش شاري لي تونه واندومي وجالس اطبخه في قدر واحد يمكن اطلع بخلطه ولا شي تفيد المجتمع بس ماعلي لوم دام اني في مدينه عوآاآيل حتىآ القنوات هاللحين ماش ماصارت تعجبني ماصار يعجبني الا القناه الاولى بصراحه لي من فتره وانا انبطح قدامها ومعي بفك ولا بطاطس كراك وجالس اتابعها حتى بعض دعايات الشامبو صاروا يطلعون شعر الحرمه من اول يلعبون علينآ في هالقناه برنامج مايطلبه المشاهدون اذا تتذكرونه يجي كل خميس فَ الليل يعنني سهره مع المذيع احمد الحميد ولا يجيبون الا اغنيه المسافر راح حقه راشد الماجد البيه  ولا اغنيه يانار شبي من ضلوعي حطبكي صبر على نار الموده و.. الاغنيه عباره عن فرقتين يمين ويسار كلهم لابسين ثياب الدفه واشناب وناس تغني والثانين يردون طبعا هالاغنيه كانت تتكرر كل خميس يعني كل خميس يجيبونها طبعا ليه يجيبونها عشان مافيها بنات ,, وكانو كل خميس يقولون هالاغنيه اهداء من مدري مين اسماء غريبه حتىآ خايفين يتوهقون مع خلق الله والناس منسجمه وخاشين جو مع البرنامج مايدرون ان هالاغاني هي حقه الاسبوع اللي راح وحقه الاسبوع الجاي ,, ويجيبون اغنيه اشقر عل اشقر وراشد ويا شنبه لا قناه وناسه ولا بسك تجي حارتنا ,, كان مافيه الا حريم لابسه بنطلون حق مقاولين وسيع وقميص شاريته من الهرم والتسريحه وحده ومن ضمن جدول البرامج افراح وتهاني حق الزواجات يروحون هالعروس و يقابلو مع المعاريس والناس اللي حاضره الزواج وانواع المفاطيح وساعه الصدر ,, نجي للرياض العزيزه هالديره ماودها تحسسني اني عايش فيها ويخترعون لنا ملاهي لو يحطون لنا مراجيح وزحاليق في حديقه ويكتبون فيها الدخول للشباب فقط عَ الاقل نحس بحريتنا الشخصيه وكذا صرت احس ان المشق اللي يجي اللحين من سبب هالديره دخلت مره حديقه الحيوان رحمت الحيوانات اللي فيها مساكين أسد معصقل حتىآ الشعر حقه حالقينه يقولون ممنوع الكدش ,رحمته مسيكيه جالس ارمي عليه دجاج وكذا يناظرني ويدلع لسانه يقول ضف فيسك لاتحوم تسبدي حتىآ النمر حالته مب احسن من الاسد مخلين لونه اسود بس يقولون مكتوب بالاستماره اللون اصفر وانت مرقع نفسك ومعطيها مطفي  <~ برىآ حتى الوليد بن طلال تشوفونه من الطفش منتشره بمقاطعه يتمشي بسيكل ماعاد يدري وش يسوي سموه الكريم لا عاد للحين كلن يذاكر ينتظرون مستقبلهم الحافز الله يوفق الجميع ان شاءالله والادهى والامر من هذا كله اسبوع المرور له اسبوع بادي يعني تحجير في تحجيز كل اشاره فيها عسكري منفَس يمر بين السياراه معه الدفتر كأنه مصري مراقب في قاعه اختبار الله كريم بس ,, قبل فتره ليست بالوجيزه ,, شسمه جالس مع واحد الله يهديهم عليهم [ جد ] جدهم ماشاءالله يصلح فَ المسلسلات يعني نسولف وكذا وخويي يذكره بايام اول شوي تهى تهى تهى ويحط شماغه الاحمر علي عيونه ويمسح يعني ترآي اصيح طبعا الكل عارف يعني عياله وكذا انه وسّع صدرك طبعا هو يمشي بـ عصا ,, مره بالشتاء جالسين انا والرجال خويي والشايب ,, المهم الشايب جالس عند الدفايه ونسولف شوي الا الدفايه التمست وقبعت ماشاءالله الشايب قلبها هادي صوعان كلنا تفرقعنا والشايب يسابقنا ولاعصا ولاهم يحزنون لو فيها حواجز اعتقد كان نقز من فوقها ماشاءالله سريع وسبقنا  يوم جو الرجاجيل وكذا وش السالفه قال والله ان هالدفايه التمست ومشعل وسليمان راحوا وخلوني وانا متمسك بالجدار يالله امش تخبرون مامشي الا بالعصا ,, الواحد بَ هاللحظه يشك بنفسه ويحس بحاله غثيان وانه حامل بالشهر الرابع و وده يسقط الجنين يعني غسيل مخ اسمه من هالشايب الله يطول بعمره ويخليه لهم ,, المهم اذا الموضوع انحذف ماعندكم مشكله لاتستحتون ,, سقى الله ايامك ياكراش والدوري الياباني بس |
.. بس معهم حق القناة الاولى ايام قبل يحافظون على مستقبل الشباب من الصياعة واذا جابوا حرمة في برنامج تلاقيها حاجرة راسها بالحجاب يقالك 
(يعنني) .. 
..
.gif)
.. والله يعين الي ساكن فيها دايم 
الوضع العادي
