قريت بعض الردود لشباب حسيت انهم اما يضحكون على انفسهم أو شي من هذا القبيل
يعني انت تقول غش في الاختبارات حلال والغش في التجارة حرام ؟؟ << حدث العاقل بما يعقل

ولا اللي يقول توظفتوا وخلصتوا على فكرة تراي لازلت طالب في ثاني سنة بجامعة الملك سعود


طيب تبون ناخذها بالمنطق بعيدا عن الدين رغم وضوح الحديث والفتوى جبتها من بن باز وبن عثيمين وبن جبرين << من تبون بعد يا حضرة العلماء

منطقيا : اعتداءك على حق اخوك المسلم حرام .. صح كلامي ولا لا ؟
وحق المسلم يوم القيامة يؤخذ من حسناتك
طيب انت اذا غشيت فأنت اخذت حق ماهو لك وبالتالي طلعت قريد اكثر من اللي مفروض انك تاخذه عشان تتوظف وهذا طبعا على حساب طالب ثاني صح ولا لا ؟
طيب انت كذا خذت حقه بالوظيفة ولا لا ؟؟
بتقوولي هو وش يضمن لي انه ما يغش ولا الناس كلهم يغشون
اقولك اقر الآية هذي معي بتمعن
( وإن تطع أكثر من في الأرض يضلوك عن سبيل الله)

حاولت أرد على اغلب الردود اللي قدرت اقراها والاخوان اللي ردوا ماقصروا وبيض الله وجيهكم

واقولكم لاتاخذكم العزة بالاثم وتضحكون على انفسكم ترى الله سبحانه مطلع على ما في انفسكم
ولا تقول انك جاهل لأن العلم وصل والحصول عليه الحين من مصادر موثوقة صار اسهل من اوول

مع تمنياتي للجميع بالتوفيق << دعواتكم للجامعيين الاسبوعين الجاية كلها طحن اختبارات

هيه من أنتم عشان تفتووون !!!
أرجعوا لفتاوى كبار العلماء وبتتأكدون ان الغش حرام !!
.
شخصياً كنت ما أغش ، لكن طحت بالغش فترات بمرحلة المتوسّط
صحبها إهمال ودروب مستوى
لكن حتى وانا اغش كنت على يقين اني مخطئه ومذنبه
يعني ما أخذتني العزه بالإثم مثل البعض
لكن من العام الماضي ( بصف ثاني علمي ) ، جزمت أشد حيلي وأترك الغش
والحمدلله مابعدها غشيت
الله يثبتني ويهدينا جميعـاً ~

اخر السنه لي بالغش . << ثالث متوسط .. << بس الترم الاول <<

من دخل ثـانوي ماراح اغش

واصلا انا ماغشيت الا بثاني متوسط الترم الثاني .. << والسبب اني اغلب حصص ماحضرتها بسبب مرضي ..

ولا باول متوسط والترم الاول بثاني متوسط والله ماغشييييت ..

إقتباس الرسالة الأصلية كتبت بواسطة زعيمه حايليه هيه من أنتم عشان تفتووون !!! أرجعوا لفتاوى كبار العلماء وبتتأكدون ان الغش حرام !! . شخصياً كنت ما أغش ، لكن طحت بالغش فترات بمرحلة المتوسّط صحبها إهمال ودروب مستوى لكن حتى وانا اغش كنت على يقين اني مخطئه ومذنبه يعني ما أخذتني العزه بالإثم مثل البعض لكن من العام الماضي ( بصف ثاني علمي ) ، جزمت أشد حيلي وأترك الغش والحمدلله مابعدها غشيت الله يثبتني ويهدينا جميعـاً ~

خلاص


الله يجزاك خير




توك تعلمنا ان الغش فى الاختبار حرام

إقتباس الرسالة الأصلية كتبت بواسطة مقطوع راسي يا شبآب ، بالعقل ، تعتقد يجوز الغش ،، ؟! تتوقع يجوز تآخذ جهد زميلك اللي كارف طول اللي يذاكر ،، ؟! تتوقع يجوز تآخذ وظيفة بسبب الغش ،، ؟! ما اخذتها بحقها ،، ؟! تتوقعون البركة بالمال تجي بإيش ،، ؟! إلا بتحري الراتب الحلال ،، يآخي إذا كانت وظيفتك ما شديت فيها حيلك ، وما اخذتها الا بسبب الغش بالجامعة ، وما دخلت الجامعة الا بالغش بالثانوي ،، كيف تطلب ربك البركة بالمال ،، ؟! إلا أبشر بالمصايب ، ما تشري سيارة الا حادث ، وما تشري جوال وإلا ومسروق ،، << الاهم من كذا ذنب ومعصية ما تخاف ربك ،، ؟! يآخي كيف ترضى تآكل وتوكل عيآلك حرآم ،، ؟! حتى لو كان الغيش يفيد ، ناظر الغشآشين ، 90% منهم نسبهم رآيحه فيها ،، أنا كنت أغش آيام المتوسط ، والله ما اقدر اذاكر ، لو جاني شيء صعب بشرمته ، ولا اتكلت على خويي اغش منه ، ما تقدر تذاكر صح ، ثم يجيك مراقب شديد وتاكلها ،، طاحت نسبتي وجبت العيد ، وهذا مصير كل غشآش طبعاً ،، لكن خلاص تدخل الثانوي الغش على جنب إذا كنت تبي تحلل رآتبك ،، اللحين بيجي واحد ويقول متشدد ، والثاني يقول مثآلي : ثم إن رسول الله ذكر الرجل الذي يأكل الحرام أنه تبعد إجابة دعائه وإن وجدت منه أسباب الإجابة يطيل السفر أشعت أغبر يمد يديه إلى السماء { يا رب يا رب، ومطعمه حرام ومشربه حرام وملبسة حرام وغذي بالحرام فأنّى يستجاب لذلك } والله ثم والله إن يجي يوم على غشآش يندم فيه ، فالواحد يتراجع عن خطأه أفضل من إنه يستمر فيه ،،

+1 والله كلام سليييييييييييييييييييييييم

لكذا اتمنى اي احد بالثانوي لا يفكر يغش ..

الاعتراف بالحق فضيله الغش غش ولا نروح نسوي فيها على بعض يعني أني فاهم
واذا كان كلام اللي يقول الغش المقصود في الحديث مووب اللي إحنا نسويه في الامتحانات فبذكرك بشغله إيه من كتاب الله عز وجل تبين انك آثم ( وأطيعوا الله والرسول وأولي الامر منكم ) و طاعة ولي الامر تقتضي فعل أوامره واجتناب نواهيه الا في ما يخالف شرع الله و ولي الامر قال ممنوع الغش يعني يجب علينا طاعته يعني اللي ما يطيع ولي الامر آثم ومذنب
الله يهدين ـآ ويتوب علينا