4-4-2 يآآآدول,, جمهور الرياض اليوم يومكم.. - نادي الهلال السعودي - شبكة الزعيم

&فتى القواره& · #1 25/12/2011, 04:43 PM

غداً سيلعب هلآلنا أمام الأتحاد في مباراة هآمة ومنعطفاً خطر في طريق الزعيم لتحقيق لقب الدوري للمرة الثالثة
على التوالي..

**أتمنى من دول أن يلعب بالطريقة المثلى 4-4-2 الكوري في الصندوق والعربي خلفه والقادمون من الخلف الفريدي والشلهوب و هرماش والقرني أو (الفرج) في مركزي المحور وخط الدفاع كما هو وكذلك حراسة المرمى..
وتعالوا شاهدوا كيف نمرمطهم إن شاء الله,, لكن اذا لعب بمهاجم وآحد فقل على المباراة السسلآم إلا إذا شاء الله..

**خطورة الأتحاد في الكورات الثابتة والعرضية فقط وأما غيره سهل وخآصة الدفآع..

**جمهور الرياض الملعب بإنتظآآركم فلآ وألف لا للأستراحات والمقاهي , ولآ نريد حضور على الصامت نريد هدير مدرجآت الزعيم المرعبة فمن أول دقيقة حتى أخر نفس في المباراة أكتموووووووووووووهم

** إيمانآ والفريدي في تشكيلة الزعيم لآ يجتمعان, وأتمنى التخلص من إيمانا بأقرب وقت!!

** هرمآآش لآعب ممتاز في التمرير والكنترول ولكن مشكلته الأحتفاظ الزآئد بالكورة وخآصة اذا كانت الكرة في ملعب الهلال!! وكذلك ينقصه اللعب الرجولي والقوة ولآ يستطيع أن يلعب وحيداً..

** العربي لآعب كبير وأعتقد إنه خلآص أول المغادرين أما الكوري قنآص لآ يرحم ولكن دول لم يوظفه بشكل صحيح!!

كتبت الموضوع على عجل فإن أصابت فمن الله , وأن أخطأت فمن نفسي والشيطآآن..

بالتـــوفيق لنادي القرن الآسيوي

سعوديه والهلال ناديه · #2 25/12/2011, 04:47 PM

فالنا الفوز ان شاء الله
ويالله ياجماهير الهلال اشترو التذاكر من الليله
لاتخلونه لبكره لان جماهير الاتحاد ماراح تحضر الا بكره لان اغلبهم بيجون من خارج الرياض

سلطان العودة · #3 25/12/2011, 04:51 PM

انا أتمناها مثلك 2-4-4 والتشكيلة أتمناها بالأسماء كذا :
حسن العتيبي

شافي الدوسري , ماجد المرشدي , أسامة هوساوي , سلطان البيشي

........ محمد القرني , عبداللطيف الغنام (هرماش)........

محمد الشلهـوب .............................. أحمد الفريدي (إيمانا)

.... عيسى المحياني , يوسف العربي (الكوري) ....

والله يوفق الزعيــم امام الاتحاد ويكتب اللي فيه الخير للهلال

ويعطيك العافيه على الموضوع

نا111111111111يف · #4 25/12/2011, 04:52 PM

بأذن الله االفـوز هـلالي وانا متفائل كثـير والهـلال عـودنا على الظـهور الممـيز باللقـاءات الكبيـره ومبـاراه الأهـلي والنصر اكبـر دليـل

حبي للهلال وبس · #5 25/12/2011, 04:52 PM

اذا المحيااني سليم واصابته طفيفه اتمناه اساسي مع العربي

وكلنا شفناه هو والعربي في مباراة الاتفاق مسويين شغل ,,,

وان شالله فووز هلالي ..

عواافي..

سواريز الزعيم · #6 25/12/2011, 04:53 PM

يعطيك ألف عافيه
وأتمنى أشوف سلمان الفرج جنب هرماش كلنا شفنا
وش سوا في نور في أحد المباريات وأتوقع العابد مع
إيمانا راح يشكلون ثنائي مرعب أحسهم يصلحون مع
بعض وبالتوفيق للزعيم غدا في حصد النقاط الثلاث

اخلاق هلالي · #7 25/12/2011, 04:55 PM

والله ي ليت الخطه العربي ولي ف الههجوم
وبعدهم الشلهوب - ايمانا - الفريدي -الهرماش
وبعدهم الزوري - المرشدي -هوساوي - وسلطان البيشي
حرام الا ينجونون الاتحاديه بس نبي الروح موجوده .

روح الهلال555 · #8 25/12/2011, 04:57 PM

يعطيك الف عافيه انشاء الله الفوز هلالي

مهند2000 · #9 25/12/2011, 04:57 PM

بالتوفيق

للزعيم

---------------------------

11الهلاليه11 · #10 25/12/2011, 04:59 PM

بالتوفيق للزعيم ان شاااء اللله والفوز بثلااااثيهــ من اقدااام العاااااابد هاااتريك

واحد شاي · #11 25/12/2011, 05:00 PM

لا المحياني لازم يكون أساسي مع العربي أو الكوري

وأتوقع لو كان الكوري راح يكون أفضل بإذن الله

بالتوفيق للزعيم وعقبال خماسيه ثانيه يارب

هلاليه ذوق! · #12 25/12/2011, 05:13 PM

سجدت سجود شكر لما الحكم الغاء هدف الاتفااق

ولا كانت الخساره الثانيه لنا من بعد الشباب

وان شاء الله اسجد سجود شكرا اذا تعادلنا مع الاتحاااد

مع اني اتوقعها
ثلاثيه للاتحاد مثل ماعودنا

&فتى القواره& · #13 25/12/2011, 05:26 PM

إقتباس

الرسالة الأصلية كتبت بواسطة هلاليه ذوق!


	سجدت سجود شكر لما الحكم الغاء هدف الاتفااق ولا كانت الخساره الثانيه لنا من بعد الشباب وان شاء الله اسجد سجود شكرا اذا تعادلنا مع الاتحاااد مع اني اتوقعها ثلاثيه للاتحاد مثل ماعودنا

لآ حول ولآ قوة إلا بالله الله يكفينا شر التشائم وتثبيط الهمهم

بإذن الله ستسجدين شكراً وحمداً لله بمنآسبة الفوز..

بعبع آسيا ياهلال · #14 25/12/2011, 05:29 PM

اتفق معك اخوي في الخطه الهلال ميزته
اذا لعب هجوم نشوف ابداع لكن المدرب مصر كل مباراه بتشكيله
وذا اثر على اللعيبه بشكل كبير من وجهة نظري انا اشوف الهلال
بخطة 4-4-2 وكنت اتمنى تكون التشكيله ممثله باللعيبه ذولي

خالد شراحيلي

ماجد المرشدي . اسامه هوساوي

شافي الدوسري ............................................... سلطان البشي

محمد القرني . عادل هرماش

العابد ............................................................ الفريدي

المحياني ......... العربي

وسبب اختياري لهالعناصر تعرفون قوة الاتحاد هي العرضيات
من كور ثابته او متحركه لكن خالد شراحيلي
يجيد التمركز الصح وارتقاءه سليم ومطمن بعكس حسن العتيبي
وايضا يمتلك سرعة بديهيه ماشاء الله
وفوق كذا المباريات اللي لعبها بدع واتمنى اشوفه بكره حارسنا في المباراه

وهذا ليس تقليل من حسن العتيبي هو نقطة ضعفه العرضيات اللي دائماً
ماينكبنا فيها

لكنه حارس مبدع لو يتلافى سلبيته الوحيده يكون تمام

نجي للاظهره اعتقد الزوري مستواه مش ولابد واتمنى اشوف شافي
يلعب والولد لعيب وسريع بس ناقصه خبره وراح يكون توب التوب
واعتقد لو لعب باكر راح يقنع

ومثله سلطان البيشي بس ناقصين دعم ولا تقولوا المباراه
مايحتاج لها مثل هاللعيبه لا والف لا ذي تعتبر محفزه لهم يقدمون
فيها كل مايملكون وبيبدعون
اما المرشدي فوالله مدري وش فيه مره توب ومره نكبه لكن متفائل
بيقدم شوطين حريقه والله العالم
عاد القرني ماعليه كلام وهرماش مقنع لحد الان بس يسيبه من
ترجيع الكور للدفاع وفلسفته بعض الاوقات وارجعوا لكوره اللي يرجعها
للدفاع اغلبها تنقلب علينا هجمات مميته

العابد والله انه من رجع وهو يقدم فائده للمدرب
وشوفوا تحركاته وشغبه على الطرف وكثير يفتح مساحات
ويقلل الرقابه على المحياني والعربي ومعهم الكوري
واتمنى انه يلعبه المدرب من بداية الشوط الاول ويخلي الشلهوب ورقه رابحه

الفريدي لا بد يلعب خلف المهاجمين ويوصل كورات انت وضميرك ويبعد عن التسحيب اللي مايفيد

نبي بس منك صناعه

المحياني سمعت انه مصاب بس ماادري اذا هو مصاب فبديله
الكوري وهاللاعب مظلوم واعتقد جاه مرض التوحد من الدكه

اما العربي كبير وبكره راح ينفلت عليهم وراح يرش بالمليان

احساس حساس

ونجي لاخر ششي الجماهيرنادي القرن لازم تفلل ملعب الملز وحشر الاتشاديه باضيق بقعه
وانتم تعرفونها تحت الساعه

ولو تبون اطردوهم من الملعب

والسموحه ع الاطاله بس متحمس ومتفائل واتوقعها 4-2 للزعيم

والله العالم

بعبع آسيا ياهلال · #15 25/12/2011, 05:36 PM

اللي متشائم اقوله طس ولا تتابع المباراه
عشان نفسيتك ماتتعب

الهلال بكره فايز وخذوها مني الاتحاد راح نهرسه هرس

من حقي اتفائل
والنتيجه 4-2 سجلوها وراح باذن المولى نشوفها ع الشاشه

الحضور ثم الحضور ثم الحضور ياجن الملاعب ذا وقتكم ارفعوا من معنويات
اللعيبه وساندوا الالتراس وراح نفوز