رحلـتي ومشــاركتي في بـرنامــج arab idol ..
 

بسم الله الرحمن الرحيم

قبل فتره ليست بالوجيزه او الطويله والله مدري وش نهايه هالجمله :d
المهم قبل فتره ليس باللي هي :dوانا منسدح فوق خزان بيتنا جنبي طابوق بيض :d
وجالس ارجّم [ احذف] :dعلى اي سياره تمر ولا اي هندي ولا ابصق على سيارته :dواتوزىآ ورى الخزان :d
استرجع الماضي حقي انا والسرابيت :dمن قوَ الطفش اللي فيني وصاير لي بالرياض :dوماغير معي نبيطه :dواصيد عصافير وحمام
ولا على شغاله جيرانا اذا شفتها تنشر الملابس :d
المهم ياطويلين العمر :dنزلت من الخزان وكان علي سروال ابوي طالع كأني غوار:d:dولا كاني واحد ملبسينه حفاظه الله يعزكم :d
المهم اني نزلت ورحت للصاله ولقيت ام الجيراان جايه عندنا ومعها ورقه مكتوب اخبار الحاره :d وجايه تبربر على امي واجلس معهم فاق خشتي :d
وهالام الجيران لون خشتها خضراء من الكراث :d تشوفون الحشرات يتطايرون حول خشتها كانهم عند لمبه :dتقول عنوان الخبر ,, ام محمد بنتها مطلقه
والاخبار بالتفصيل :d ,, وتبدا تسرد بالحتسي:dالمهم قلت خذت ريموت وطلعت الاحجار من شرابي لأني اخبي الاحجار عشان محد يغير mbc :d,,
واطلعه واشغله :s2:وشفت البرنامج arab idol :dوشفت فكره البرنامج والناس اللي تشاآارك والوجيه المشاركه وخفه دم الثلاثي :d
المهم قرقرت بيني وبين نفسي اني بشآارك بهالمسابقه :dلكن شلت اهم اهلي :dقلت مب مشكله تتسنع واكلم واحد من هالسرابيت :d
وعلمته بالسآلفه قلت انا صوتي حلو وآبي اغرد في احضآن الـ mbc يمكن قناه المجد توقع معي عقد احتكار واصير منشدهم الحصري :d
ويضموني في طيور الجنه :d,, المهم مالكم بالطويله رحت حجزت علىآ دبي وكلمت اهلي قلت ترىآي بروح للمزاحميه العيال مخيمين هنآك :d
وقالت امي الفكه من جحا غنيمه او شي زي كذا لاني وقتها ماركز كنت حازم الحقايب حقتي :s2: ,, ورايح اركض لاتفوتني الرحله :d
المهم رحت انا ومعي وآحد من حقين الحفلات والشكشكه ورئصني ياقدع:s2: ومعنا مسجل صغير :s2: ,, ورحنا لفنقد اتلانتس ووسجلت بيانات وجابوا صحيفه ولصقوها على بطني :dقالو من وين انت قلت من الولايات الافغاآنيه المتحده :d وقالي حق الريسبشن [ ولآك آنت خليجي] :dقلت شدرآك ,, اثاري خويي لابس زبيريه على البدله :d
ومن زين الطبايع لابس بدله المنتخب القديمه اللي فيها خط ابيض على جنب من الكتف الى نهايه السروال على تحت :dقلت مب مشكله انا من السعوديه :dودخل علىآاحلام وراغب والثالث مدري شسمه :dالمهم كان معي خويي قالت احلام هلآ فيك آنت مشارك اللحين بس اللي معك شو دخله :d,,,
قلت والله يااحلام ولا لك علي يمين انا وا هالادمي من كنا صغار وحنا مع بعض من اياآم الضيعه <~مايدري شمعناها
فا في هَذي اللحظه المثيره والنقاش نقز راغب علامه وقال شو هيدا الحتسي مشعل وبعدين معك مسجل ليه :d



قلت شوف انا جآي هنا والاخ الكريمَ نبي نغني وبصرآحه ماعرف اسوي شي الا يكون معي :d
وعَ قولتهم يعني انا وياه من يومن كبار وحنا مع بعض يعني مثل الشامبو 2*1 :d,,
المهم ,, جيت ابغني مآش تخبرون لاربكه قداممهم وكاميرا وكذا ماتعودت وكلهم يطآلعوني وانا قلت لخويي اركد ولا تفكر انك قدام كاميرات وقدام هالمشاهير :d
غمض عيونك وتخيل اانهم روس معسل :d,,
خذت المسجل وكنت جايب معي شريط سارقه من عمتي لانها راعيه طرب :dشريط ام محمد +موضي .. دويتو يعني :d
وبدأت موضعيي تلعلع بأغنيه يا هل السامري لاتوجوعني ودبينآ انا واللي معي قلبناها سآمري واثاري اللي معي مسكون الله يسكنهم مسآكنهم وفشلني وآستنزل :d
المهم كآن معي ديرما حقه جدتي لان خويي مايصحى بالعود والخرابيط هذي لا اشممه ديرما ويصحصح :dالظاهر امه متوحمه عَ جدو سرحان :d
قومت خويي وسطرته على اذنه :dوقلت ياحيوآان فشلتنا قدام المشاهدين :d,,
وقال ابو علامه شو فيه وكذا قلت عادي يابو علامه متوتر هو شوي يعني ماتعود عَ كاميرات وكذا متعود هو عَ المندي وملاحق هالقطاوه
وانت خابر عاد :d
بدينآ شوي 1 2 3 وعطينآهم الدحه الشمآليه وارتاعو مساكين يحسبون اننا نحضر ارواح وقلت لا هذي من ثقافات السعوديه http://www.cksu.com/vb/images/smilie...t_2xcs5lp9.gif ,,
وحولناها عَ الخطوه الجنوبيه وشوي على رقصه التنوره الغربيه :d
عرفتوهم,:d, اللي يلبسون تنوره وسيعه كأنها برشوت ومخططه بالالوان ويدورون فيها :d ورقصه اهل مكه وكذا :dشوي راغب رفع يديهوقال لا واحلآم قالت لا والثالث قال اه :d,,
ليه وش السالفه وش حناآا مسوين :d ,, قالو هيدا برنامج غنائي وش الجنادريه :d
وكذا قلت طيب م مشكله انا غنيت :dبس عطيتكم شوي من ثقافات السعوديه :d ايش المشكله
قال ابو علامه روح بلا بشكلك <~ تاثر بالعاده الغربيه :d
قلت لاحلام توسطي لنا عشان خاطر ابو نوره :dيا عملاقه العرب طلبتك ابي اروح بيروت حالي حال هالعالم :s2:ابي انحاش شوفي لي صرفه العبو علي :d
مايسوىآ هالمشوار يابنت الناس ترانا جايين بالنقل الجماعي وش بيرجعني اللحين ولامعي شي ..وماش مطنقره :cry:
فَ هاللحظات دقت علي امي قالت شخبار اجواء المزاحميه قلت الحمدلله كل الامور مستبده ومستتبه لاتخافين :d
واطلع من هالفندق ومن هالمقابله وانا اجر اذيال الهزيمه ومع هالاذيال راس خويي جالس يصيح يقول والله مابي ارجع معك بجلس هنا سلامات ياحنفي وش يجلسك خل اخد يرجعنا اللحين :d
وهالادمي ماغير صياح ونياح ويقول والله لا اعلم ترى اذا رجعنا ابي اجلس <~ مسيكين اول مره يطلع برىآ السعوديه :d
المهم جلست عند محطه النقل الجماعي بدبي ولامعنا ولاريال وماغير روسنا تتدودل من النوم نبي نرقد :s5s:.
وطلعت فوق راسي نجفه حقه الملحق وقلت مافي الا هالحل :d ,, وتوجهت انا وخويي الى قسم العفش اللي فَ الباص اللي يجي تحت :d
وشفت شنطه كبيره شكلها حقه عجوز كلها دراريع وقمصان وريحتها زعفران وكمبودي وفيه علبه لبان صعرور :dمكتوب عليه [ لأم ممحمد ] :d,,
وجلست اقرمط هاللبان وخويي راح مع الجهه الثاني و َ وصلت بسلام للسعوديه :dhttp://www.cksu.com/vb/images/smilie...t_2xcs5lp9.gif ومحطه النقل اللي عَ الدايري بسلام
ورحت للبقاله حقه البيت http://www.cksu.com/vb/images/smilies/23247cb00f.png وقال صديق ترىآ في حساب 10 ريال حق طابق بيض قلت خله 20 ريال وعطني الطابق الثاني :d
ورحت لبيتنا وتوجهت فوق خزآن بيتنا ورجعت المهنه لي جالس ارجّم على خلق الله واذا شفت طياره فوق أأشر لها زمنهم يشيلوني من السطح :d
وانتهت الحكآيه :s2:

اللي بوصله mbc وش تبي توصله ,,؟ من سوبر ستار الىآ arabe go talent واللحين arab i dol ولايهون من سربح المليون :d
يعني هل انها تبي تحول فكر الغرب بالكامل الىآ هنآ ؟ ومع عدم احترامي هالبرنامج Arab Idol لجنه التحكيم ماخذتها طقطقه عَ المتسابقين مساكين :d
شفته والله يمكن مرتين حاطينه العيال بالاستراحه وضحك عَ هالمتسابقين مخفات :d ,,
اللي بوصله لاتشوفون شي مب من ثوبكم :dيا احفاد الصحابه يا <~ تحمس :d
والله جد انتبهوآ لنفسكم وارضوآ ربكم و والديكم http://www.cksu.com/vb/images/smilie...t_2xcs5lp9.gif ونتابع شي زي الناس مب هَ الخرابيط :d


وش اسمه ترىآ الحلقه سجلوها الاسبوع الماضي والجمعه الجايه موعد عرضها شوفوني :d

تمسوآ عَ خير http://www.cksu.com/vb/images/smilie...t_2xcs5lp9.gif:d

هههههههههههههههههههههههههههههه
ذكرتناااااا بايام زماااان صيد العصاااافير بالنبيطه
خيااااااالك واسع

هههههههههههههاي قلّودي

إقتباس:

اللي بوصله mbc وش تبي توصله ,,؟

أحس نيّتهآ خبيثة جدّن الله يستر علينا منها
ويكفينا شرّهآ

وش اللي قلودك :s2: انا كنت قبلك بالمشاركه لكن عشانك عطيتي احلام
دعوه لحضور عرس لكم وتطق لكم هناك توسطت لك :s2:
راغب علامه عطيته صحن فتوش وحمص جيت برشيه وسحب علي :cry:

:s2:

مجنون الزعيم هههههههههههههههه
الله يسعدك وقسم انك وناسه واسلوبك بسرد القصه رهيب مره
بس ياربي فيني عقدة القراءه ماحب اقرا كثير دخلت موضوعك ثلاث مرات
اقري .. لا مانيب قاريه طويل مره .. طيب شوفي المقدمه واقريها .. واطلع وارجع وحالتي حاله كله اغصب نفسي ع القراءه :to: علشان كذا ما ألبس نظاره مهوب من جودة النظر ههههههههههه

نرجع للقصه ^_^
اكثر شي اعجبني المكان اللي تخش فيه الاحجار لا اوصيك اليوم فيه طرطعان مع أمير الليل* اشتر لك منه وخشه بشرابك
اما mbc مايحتاج مثل ماقال فهد البتيري في لايكثر : كوبي بيست .. كوبي بيست :s4s: تقليد وبس ومافيه معلوم اش يسوي :s5s:
شكرا لابداعك وحضورك وخفة دمك .. يسعدك ربي :)

--
* امير الليل عضو رائع مرحب فيني وجايب كم درزن :s2::s2::s2:

بسم الله وش درّآك إني عطيتهآ دعوة!s121s
يعدين لا لا لا هي مآتجآمل صح طيبة بس ابد مآتجآمل
الصووت يآبوووي اكبر وآسطة :s3s:

ههههههههههههههههههههههههههههه
ههههههههههههههههههههههههههههه
:s2::s2:

اهلن مشعلوووه :smilie47::d

والحمد لله ع السلامة يا بطل العرب :d
اجل رايحين تشارك بوشسمه :s3s:
ياخي ام بي سي اهنيهم عندهم قمة السخافة
وحنا مع الاسف نحب الاشياء السخيفة :d
طالعت حلقة من البرنامج قسم بالله في ناس متخلفة الى درجة !!
قهرني ذاك الهندي اللي مسوي روميو :s5s:
والا الخكري اللي يحب راغب علامه !! حسبي الله على من رباه !!

قسم بالله شي ما كنت اتصوره ولا اتخليه !!
ما اقول الا الله يثبتنا على طاعته ويرزقنا حسن الختام ..
وانا لله وانا اليه راجعون ..

شكرا لك دائما يا صديقي :smilie47:

قصتك هذه تصلح تكون في كتب النثر ...

من جد روووعه ومغامرات

ودي اسوي مثلكم لكن انا ساكن بقريه وتعرف اذا قالوا قروي يعني "حجر"

ھٍھَھٍھَھٍأاآي =))
‏​
‏​
والّلـِّ♡̨̐ـِِّـٌﮩ♢ مغامرتك حلوه

‏​مٍّـًٍ♥̸̸̸̸̸̸̸̸̨̨̨̨̨̨͡ـًٍنً جد أم بي سي مادري شنو تبي ‏​مٍّـًٍ♥̸̸̸̸̸̸̸̸̨̨̨̨̨̨͡ـًٍنً هالبرناج سخيف وربي

ههههههههههههههههههههههه الله يقطعع ابليسس






يعطيكك العافيةة

ما شاء الله عليك مبدع كالعاده << ايقالي اعرفك ما سجلت الا امس (:

لكن توقعاتك بيعرضون مشاركتك ؟

أتوقع لو انها بلتصويت بتكون الاول ما قصرت جمعت تراث المملكه كله (: