#1  
قديم 25/12/2011, 02:24 PM
الصورة الرمزية الخاصة بـ مجنون الزعيم(9)
زعيــم مميــز
تاريخ التسجيل: 03/08/2005
المكان: في المنصة
مشاركات: 15,836
رحلـتي ومشــاركتي في بـرنامــج arab idol ..

بسم الله الرحمن الرحيم

قبل فتره ليست بالوجيزه او الطويله والله مدري وش نهايه هالجمله

المهم قبل فتره ليس باللي هي وانا منسدح فوق خزان بيتنا جنبي طابوق بيض
وجالس ارجّم [ احذف] على اي سياره تمر ولا اي هندي ولا ابصق على سيارته واتوزىآ ورى الخزان
استرجع الماضي حقي انا والسرابيت من قوَ الطفش اللي فيني وصاير لي بالرياض وماغير معي نبيطه واصيد عصافير وحمام
ولا على شغاله جيرانا اذا شفتها تنشر الملابس
المهم ياطويلين العمر نزلت من الخزان وكان علي سروال ابوي طالع كأني غوارولا كاني واحد ملبسينه حفاظه الله يعزكم
المهم اني نزلت ورحت للصاله ولقيت ام الجيراان جايه عندنا ومعها ورقه مكتوب اخبار الحاره وجايه تبربر على امي واجلس معهم فاق خشتي
وهالام الجيران لون خشتها خضراء من الكراث تشوفون الحشرات يتطايرون حول خشتها كانهم عند لمبه تقول عنوان الخبر ,, ام محمد بنتها مطلقه
والاخبار بالتفصيل ,, وتبدا تسرد بالحتسيالمهم قلت خذت ريموت وطلعت الاحجار من شرابي لأني اخبي الاحجار عشان محد يغير mbc ,,
واطلعه واشغله وشفت البرنامج arab idol وشفت فكره البرنامج والناس اللي تشاآارك والوجيه المشاركه وخفه دم الثلاثي
المهم قرقرت بيني وبين نفسي اني بشآارك بهالمسابقه لكن شلت اهم اهلي قلت مب مشكله تتسنع واكلم واحد من هالسرابيت
وعلمته بالسآلفه قلت انا صوتي حلو وآبي اغرد في احضآن الـ mbc يمكن قناه المجد توقع معي عقد احتكار واصير منشدهم الحصري
ويضموني في طيور الجنه ,, المهم مالكم بالطويله رحت حجزت علىآ دبي وكلمت اهلي قلت ترىآي بروح للمزاحميه العيال مخيمين هنآك
وقالت امي الفكه من جحا غنيمه او شي زي كذا لاني وقتها ماركز كنت حازم الحقايب حقتي ,, ورايح اركض لاتفوتني الرحله
المهم رحت انا ومعي وآحد من حقين الحفلات والشكشكه ورئصني ياقدع ومعنا مسجل صغير ,, ورحنا لفنقد اتلانتس ووسجلت بيانات وجابوا صحيفه ولصقوها على بطني قالو من وين انت قلت من الولايات الافغاآنيه المتحده وقالي حق الريسبشن [ ولآك آنت خليجي] قلت شدرآك ,, اثاري خويي لابس زبيريه على البدله
ومن زين الطبايع لابس بدله المنتخب القديمه اللي فيها خط ابيض على جنب من الكتف الى نهايه السروال على تحت قلت مب مشكله انا من السعوديه ودخل علىآاحلام وراغب والثالث مدري شسمه المهم كان معي خويي قالت احلام هلآ فيك آنت مشارك اللحين بس اللي معك شو دخله ,,,
قلت والله يااحلام ولا لك علي يمين انا وا هالادمي من كنا صغار وحنا مع بعض من اياآم الضيعه <~مايدري شمعناها
فا في هَذي اللحظه المثيره والنقاش نقز راغب علامه وقال شو هيدا الحتسي مشعل وبعدين معك مسجل ليه



قلت شوف انا جآي هنا والاخ الكريمَ نبي نغني وبصرآحه ماعرف اسوي شي الا يكون معي
وعَ قولتهم يعني انا وياه من يومن كبار وحنا مع بعض يعني مثل الشامبو 2*1 ,,
المهم ,, جيت ابغني مآش تخبرون لاربكه قداممهم وكاميرا وكذا ماتعودت وكلهم يطآلعوني وانا قلت لخويي اركد ولا تفكر انك قدام كاميرات وقدام هالمشاهير
غمض عيونك وتخيل اانهم روس معسل ,,
خذت المسجل وكنت جايب معي شريط سارقه من عمتي لانها راعيه طرب شريط ام محمد +موضي .. دويتو يعني
وبدأت موضعيي تلعلع بأغنيه يا هل السامري لاتوجوعني ودبينآ انا واللي معي قلبناها سآمري واثاري اللي معي مسكون الله يسكنهم مسآكنهم وفشلني وآستنزل
المهم كآن معي ديرما حقه جدتي لان خويي مايصحى بالعود والخرابيط هذي لا اشممه ديرما ويصحصح الظاهر امه متوحمه عَ جدو سرحان
قومت خويي وسطرته على اذنه وقلت ياحيوآان فشلتنا قدام المشاهدين ,,
وقال ابو علامه شو فيه وكذا قلت عادي يابو علامه متوتر هو شوي يعني ماتعود عَ كاميرات وكذا متعود هو عَ المندي وملاحق هالقطاوه
وانت خابر عاد
بدينآ شوي 1 2 3 وعطينآهم الدحه الشمآليه وارتاعو مساكين يحسبون اننا نحضر ارواح وقلت لا هذي من ثقافات السعوديه ,,
وحولناها عَ الخطوه الجنوبيه وشوي على رقصه التنوره الغربيه
عرفتوهم,, اللي يلبسون تنوره وسيعه كأنها برشوت ومخططه بالالوان ويدورون فيها ورقصه اهل مكه وكذا شوي راغب رفع يديهوقال لا واحلآم قالت لا والثالث قال اه ,,
ليه وش السالفه وش حناآا مسوين ,, قالو هيدا برنامج غنائي وش الجنادريه
وكذا قلت طيب م مشكله انا غنيت بس عطيتكم شوي من ثقافات السعوديه ايش المشكله
قال ابو علامه روح بلا بشكلك <~ تاثر بالعاده الغربيه
قلت لاحلام توسطي لنا عشان خاطر ابو نوره يا عملاقه العرب طلبتك ابي اروح بيروت حالي حال هالعالم ابي انحاش شوفي لي صرفه العبو علي
مايسوىآ هالمشوار يابنت الناس ترانا جايين بالنقل الجماعي وش بيرجعني اللحين ولامعي شي ..وماش مطنقره
فَ هاللحظات دقت علي امي قالت شخبار اجواء المزاحميه قلت الحمدلله كل الامور مستبده ومستتبه لاتخافين
واطلع من هالفندق ومن هالمقابله وانا اجر اذيال الهزيمه ومع هالاذيال راس خويي جالس يصيح يقول والله مابي ارجع معك بجلس هنا سلامات ياحنفي وش يجلسك خل اخد يرجعنا اللحين
وهالادمي ماغير صياح ونياح ويقول والله لا اعلم ترى اذا رجعنا ابي اجلس <~ مسيكين اول مره يطلع برىآ السعوديه
المهم جلست عند محطه النقل الجماعي بدبي ولامعنا ولاريال وماغير روسنا تتدودل من النوم نبي نرقد .
وطلعت فوق راسي نجفه حقه الملحق وقلت مافي الا هالحل ,, وتوجهت انا وخويي الى قسم العفش اللي فَ الباص اللي يجي تحت
وشفت شنطه كبيره شكلها حقه عجوز كلها دراريع وقمصان وريحتها زعفران وكمبودي وفيه علبه لبان صعرور مكتوب عليه [ لأم ممحمد ] ,,
وجلست اقرمط هاللبان وخويي راح مع الجهه الثاني و َ وصلت بسلام للسعوديه ومحطه النقل اللي عَ الدايري بسلام
ورحت للبقاله حقه البيت وقال صديق ترىآ في حساب 10 ريال حق طابق بيض قلت خله 20 ريال وعطني الطابق الثاني
ورحت لبيتنا وتوجهت فوق خزآن بيتنا ورجعت المهنه لي جالس ارجّم على خلق الله واذا شفت طياره فوق أأشر لها زمنهم يشيلوني من السطح
وانتهت الحكآيه

اللي بوصله mbc وش تبي توصله ,,؟ من سوبر ستار الىآ arabe go talent واللحين arab i dol ولايهون من سربح المليون
يعني هل انها تبي تحول فكر الغرب بالكامل الىآ هنآ ؟ ومع عدم احترامي هالبرنامج Arab Idol لجنه التحكيم ماخذتها طقطقه عَ المتسابقين مساكين
شفته والله يمكن مرتين حاطينه العيال بالاستراحه وضحك عَ هالمتسابقين مخفات ,,
اللي بوصله لاتشوفون شي مب من ثوبكم يا احفاد الصحابه يا <~ تحمس
والله جد انتبهوآ لنفسكم وارضوآ ربكم و والديكم ونتابع شي زي الناس مب هَ الخرابيط


وش اسمه ترىآ الحلقه سجلوها الاسبوع الماضي والجمعه الجايه موعد عرضها شوفوني

تمسوآ عَ خير
اضافة رد مع اقتباس
  #2  
قديم 25/12/2011, 02:31 PM
الصورة الرمزية الخاصة بـ ملكه بعشق الهلال
زعيــم متألــق
تاريخ التسجيل: 31/10/2011
المكان: في قلــــــــــ الهـــــــــلال ب
مشاركات: 1,130
هههههههههههههههههههههههههههههه
ذكرتناااااا بايام زماااان صيد العصاااافير بالنبيطه
خيااااااالك واسع
اضافة رد مع اقتباس
  #3  
قديم 25/12/2011, 03:55 PM
الصورة الرمزية الخاصة بـ هلالي من ارض اليمن
مشرف منتدى المجلس العام
تاريخ التسجيل: 02/08/2005
المكان: بين الحلم والأسوار !
مشاركات: 13,589


الله يصلحك يا مجنون الزعيم .. لو كنت ابترعت برع صنعاني بالجنبيه مع ايقاعات الكلاشنكوف .. صدقني .. كنت اقنعتهم تحت تهديد السلاح الابيض ! .. وكنت وصلت لبيروت ولعلعت هونيك بصوتك العذب وغنيت : عصفور طلي من الشباك ورجمته بالنبيطه

الله يصلح الحال .. صناع الاعلام في عالمنا العربي لديهم القدرات المالية التي تمكنهم من تجييش العقول والتقنية التي تمكنهم من صناعة اعلامية تجمع بين المتعة والفائدة الذهنية والوجدانية وايضا الربحية التي ينشدونها .. عوضا عن الذنوب والآثام التي يجنونها مع كل عين تشاهد وكل أذن تسمع وكل نفس اتبعت شهواتها ،،،

الله يصلحنا واياهم

شكرا لك يا غالي هذا القلم الممتع الجميل

اضافة رد مع اقتباس
  #4  
قديم 25/12/2011, 09:38 PM
الصورة الرمزية الخاصة بـ 9متيمة الزعيم9
زعيــم مميــز
تاريخ التسجيل: 17/01/2009
المكان: تحت المطر
مشاركات: 1,683
هههههههههههههاي قلّودي

إقتباس
اللي بوصله mbc وش تبي توصله ,,؟

أحس نيّتهآ خبيثة جدّن الله يستر علينا منها
ويكفينا شرّهآ
اضافة رد مع اقتباس
  #5  
قديم 25/12/2011, 10:41 PM
الصورة الرمزية الخاصة بـ صـمـت
زعيــم مميــز
تاريخ التسجيل: 18/05/2010
المكان: ’،’,~’، فــي احـلى و اجــمــل وأرق ســطـح فـي الرياض
مشاركات: 1,593

ياخي بثاره هالتحكيم على تميلح المشتركين
اضافة رد مع اقتباس
  #6  
قديم 26/12/2011, 03:35 AM
الصورة الرمزية الخاصة بـ مجنون الزعيم(9)
زعيــم مميــز
تاريخ التسجيل: 03/08/2005
المكان: في المنصة
مشاركات: 15,836
إقتباس
الرسالة الأصلية كتبت بواسطة 9متيمة الزعيم9
هههههههههههههاي قلّودي

أحس نيّتهآ خبيثة جدّن الله يستر علينا منها
ويكفينا شرّهآ

وش اللي قلودك انا كنت قبلك بالمشاركه لكن عشانك عطيتي احلام
دعوه لحضور عرس لكم وتطق لكم هناك توسطت لك
راغب علامه عطيته صحن فتوش وحمص جيت برشيه وسحب علي

اضافة رد مع اقتباس
  #7  
قديم 26/12/2011, 03:56 AM
الصورة الرمزية الخاصة بـ اميرة الدواسر
زعيــم متواصــل
تاريخ التسجيل: 12/12/2011
المكان: قلوب الاطفال
مشاركات: 163
مجنون الزعيم هههههههههههههههه
الله يسعدك وقسم انك وناسه واسلوبك بسرد القصه رهيب مره
بس ياربي فيني عقدة القراءه ماحب اقرا كثير دخلت موضوعك ثلاث مرات
اقري .. لا مانيب قاريه طويل مره .. طيب شوفي المقدمه واقريها .. واطلع وارجع وحالتي حاله كله اغصب نفسي ع القراءه علشان كذا ما ألبس نظاره مهوب من جودة النظر ههههههههههه

نرجع للقصه ^_^
اكثر شي اعجبني المكان اللي تخش فيه الاحجار لا اوصيك اليوم فيه طرطعان مع أمير الليل* اشتر لك منه وخشه بشرابك
اما mbc مايحتاج مثل ماقال فهد البتيري في لايكثر : كوبي بيست .. كوبي بيست تقليد وبس ومافيه معلوم اش يسوي
شكرا لابداعك وحضورك وخفة دمك .. يسعدك ربي

--
* امير الليل عضو رائع مرحب فيني وجايب كم درزن
اضافة رد مع اقتباس
  #8  
قديم 27/12/2011, 02:29 AM
الصورة الرمزية الخاصة بـ 9متيمة الزعيم9
زعيــم مميــز
تاريخ التسجيل: 17/01/2009
المكان: تحت المطر
مشاركات: 1,683
إقتباس
الرسالة الأصلية كتبت بواسطة مجنون الزعيم(9)
وش اللي قلودك انا كنت قبلك بالمشاركه لكن عشانك عطيتي احلام
دعوه لحضور عرس لكم وتطق لكم هناك توسطت لك
راغب علامه عطيته صحن فتوش وحمص جيت برشيه وسحب علي


بسم الله وش درّآك إني عطيتهآ دعوة!
يعدين لا لا لا هي مآتجآمل صح طيبة بس ابد مآتجآمل
الصووت يآبوووي اكبر وآسطة
اضافة رد مع اقتباس
  #9  
قديم 27/12/2011, 12:51 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893
ههههههههههههههههههههههههههههه
ههههههههههههههههههههههههههههه


اهلن مشعلوووه

والحمد لله ع السلامة يا بطل العرب
اجل رايحين تشارك بوشسمه
ياخي ام بي سي اهنيهم عندهم قمة السخافة
وحنا مع الاسف نحب الاشياء السخيفة
طالعت حلقة من البرنامج قسم بالله في ناس متخلفة الى درجة !!
قهرني ذاك الهندي اللي مسوي روميو
والا الخكري اللي يحب راغب علامه !! حسبي الله على من رباه !!

قسم بالله شي ما كنت اتصوره ولا اتخليه !!
ما اقول الا الله يثبتنا على طاعته ويرزقنا حسن الختام ..
وانا لله وانا اليه راجعون ..

شكرا لك دائما يا صديقي
اضافة رد مع اقتباس
  #10  
قديم 28/12/2011, 01:33 AM
الصورة الرمزية الخاصة بـ 3ash8.alz3im
زعيــم مميــز
تاريخ التسجيل: 16/06/2010
المكان: آلقٌـصًـيًـمً ♥
مشاركات: 7,918

ههههههههههههههههه
قسسسم فقعت ضحك من الموضوع .
عندك ماشاءالله فكر عالي بطرح المواضيع الفخممه ض1
وبالنسبه للبرنامج اللي على ام بي سي . انا اشوف انه كله استهتار باستهتار .
يجيبون ناس بس عشان يتمسخرون ويضحكون عليهم .. وناس يجون اصواتهم غبييه جدا كانه نهق حمار
لاكن اذا بيعدلون الوضع زيين ويجبون لجنةة تحكيم ممتازه وبنفس الوقت وجيه حسنه زي نجوى كرم شي ض1 مب احلام الطقاقه

أخيرا
لو قالو لي نعطيك مليون وتغني اقول لا مابيع ديني بمليون << انت خل احد يعطيك لو عشره الاف ويصير خير

تـحــيــآتــي ..~



اضافة رد مع اقتباس
  #11  
قديم 30/12/2011, 12:00 AM
الصورة الرمزية الخاصة بـ Tamron
زعيــم فعــال
تاريخ التسجيل: 18/02/2010
المكان: ابها -بيشة
مشاركات: 443
قصتك هذه تصلح تكون في كتب النثر ...

من جد روووعه ومغامرات

ودي اسوي مثلكم لكن انا ساكن بقريه وتعرف اذا قالوا قروي يعني "حجر"
اضافة رد مع اقتباس
  #12  
قديم 30/12/2011, 01:53 AM
الصورة الرمزية الخاصة بـ الهلالـmemeـية
زعيــم فعــال
تاريخ التسجيل: 01/12/2011
المكان: خط التماس
مشاركات: 424
ههههههههههههههههههههههههههههههههههههههههه
استمتعت بالقصة خصوصاً اني رايحه أنام تنفع قصة ماقبل النوم ههههههههه
والله هالبرنامج ما أعرف الا اسمه مره شفت الاعلان حقه ولا أعرف شي عنه
نزل لنا مقطع منه بعد ما يعرضونه هههههههه>> تتشرط بعد
ع العموم هالبرمج أحس انها ماتطالع لأجمل آداء تفوز اللي تبيه والباقي ع جنب
اضافة رد مع اقتباس
  #13  
قديم 30/12/2011, 09:15 AM
الصورة الرمزية الخاصة بـ هلاليـ للابد ـه
زعيــم نشيــط
تاريخ التسجيل: 26/11/2010
المكان: فــ ي قــلـ ب مــ ن يــ ح بــ نــ ي
مشاركات: 522
ھٍھَھٍھَھٍأاآي =))
‏​
‏​
والّلـِّ♡̨̐ـِِّـٌﮩ♢ مغامرتك حلوه

‏​مٍّـًٍ♥̸̸̸̸̸̸̸̸̨̨̨̨̨̨͡ـًٍنً جد أم بي سي مادري شنو تبي ‏​مٍّـًٍ♥̸̸̸̸̸̸̸̸̨̨̨̨̨̨͡ـًٍنً هالبرناج سخيف وربي
اضافة رد مع اقتباس
  #14  
قديم 04/01/2012, 10:08 PM
الصورة الرمزية الخاصة بـ ماعادتفرق
زعيــم جديــد
تاريخ التسجيل: 31/12/2011
المكان: الرياض
مشاركات: 29
ههههههههههههههههههههههه الله يقطعع ابليسس






يعطيكك العافيةة
اضافة رد مع اقتباس
  #15  
قديم 05/01/2012, 07:49 AM
الصورة الرمزية الخاصة بـ ket kat 8
زعيــم متواصــل
تاريخ التسجيل: 26/05/2011
المكان: ديــاري نــجد "
مشاركات: 55
ما شاء الله عليك مبدع كالعاده << ايقالي اعرفك ما سجلت الا امس (:

لكن توقعاتك بيعرضون مشاركتك ؟

أتوقع لو انها بلتصويت بتكون الاول ما قصرت جمعت تراث المملكه كله (:
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:48 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube