اذاً .. ماهو ذنب دووول ..؟؟
السلام عليكم ورحمة الله وبركاته
اذا اللاعب مايبي وش ذنب دول هذا هو العنوان بس نبي نسوي اكشنه
الحقيقة ما احب اكتب ولكن ما اكتب الا اذا حسيت انه طفح الكيل وبلغ السيل الزباء
ونسأل الله ان يجعلنا ممن يستمعوون القول فيتبعون احسنة .
الحديث الدارج بالشارع الهلالي اليومين الماضية و اليومين الجاية هو دووووووول وحاجتنا للبندول ..
كلام كثير طلع بس اكثر شي ضحكني ان من عيوب المدرب انه ما يستشير جهازة الفني مع اني اذكر تصريح لدول يقول انه مفارق لسامي او مفتقده طبعا التصريح هذا كان ايام ماكان سامي بالندن للحصول على شهادة بي التدريبية ..
معقووولة
ان دول يفتقد لسامي على شان ياخذ راية ..
وهو في نفس الوقت ما يخذ براي معاوينية ؟
الشغلة الثانية ان دول يلعب كل اسلحته من بداية المباراة .. خخخخخخخخ
هذي صراحة مالها حل
صراحة بصمة دول الى الحين مو واضحة و ان كنت المح احيانا ان هناك سرعة في نقل الكورة وهذا الامر يتكرر بس المشكلة ما يستمر بالاضافة الى ان الهجوم و الوسط يبذلووووون جهد واضح على القيام بادوار دفاعية هناك شي من تبادل المراكز بس على استحياء ولكن هذا بصراحة لا يلبث حتى يتلاشى ونعود للفردية وبالتأكيد العشوائية وقلة الحيلة في النهاية .
بس خلووووووووني اتسائل معكم عن بعض الاموووور ونشوف هل المشكلة بدول ام هو بلاشك جزء من المشكلة ومن الغباء ان نصبح مثل .. اللي عندهم احسن لاعبين محليين بس محتاجيين مدرب ولاعبين اجانب .
اولا : من اختار الاعبين الاجانب ومن اختار مراكزهم ؟؟؟
هل هذا من الاحترافية يابو فيصل ( كنت بحط علامة تعجب هنا بس مالقيتها ) .
ثانيا :
هل لديك لاعبين لديهم اسلحة خاصة تسعف اي مدرب اذا تكالبت عليه الضرووف ( رادوي وتسديداته ، ولي وانطلاقاته ، نيفيز وفاولاته ، وباولو جورج وعرضياته ، وحسن معاذ وتسديداته ، عبدالله شهيل و اختراقاته ، وزيايية ورأسياته ) لعب الهلال حتى الان احدى عشر مباراة كم هدف سجلناه بتسديدة من كرة متحركة اظن الدوسري فقط في القادسية .. عندنا اطول لاعب سعودي بس مانستفيد منه بالركنيات هل لان ماعندنا لاعب يحط الكورة على راسة بالملي او ان قدراته ضعيفة بحيث لا يمكن ان تستفيد منها ؟
ثالثا : له لديك لاعبين لديهم احساس بحرقة الجماهير تجدهم يجرون حتى اخر لحظة يقاتل على الكورة و يبذل العرق في سبيل اظهار قوة الزعيم ؟
رابعا : هل لدى دول اسلحة لتغيير شكل الفريق وتنويع اللعب سواء من العمق او من الاطراف ؟
هذه الاسئلة بكل تأكيد توضح الخلل الحقيقي في الهلال وليس في دول .
للتذكير حتى مع جيريتس كنا نشاهد مباريات يفوز فيها الفريق بس بدون مستوى .
اخيرا ..
لكل من اختلف معي .
الوضع العادي
