16/12/2011, 01:42 AM
|
| زعيــم فعــال | | تاريخ التسجيل: 12/03/2009 المكان: القصيم
مشاركات: 325
| |
|
لا دوري ولا كاس والاسيوية بتطير يا ناس
مساكم الله بالخير جميعا
صراحة ابتكلم معكم بالعامية يمكن فيه ناس ما تفهم الا بالعامية
خلاص ملينا ملييييييييينا والله ملينا من قولة اهم شي الثلاث نقاط والمستوى يجي بعدين الى متى
قالوا لنا توقف الدوري وقالوا اللاعبين ما انسجموا وسكتنا لكن الى متى خلاص ملينا من هالكلام
والله حراااااااااااام كل هالكوكبة من هالنجوم والمستوى اهزل من الهزيل والله حراااااام
صراحة بالنسبة لي انا غسلت ايدي انه راح نشوف مستوى ونتيجة مع بعض. هالسنه الله يخلف الطيور بتطير بارزاقها وحنا بنرجع بخفي حنين يا خسارة هالتعاقدات اللي صارت هالموسم
لا يجي واحد يقولي لازم نصبر الصبر نفذ تعرفون ليش انا اقولكم
فريقنا مهوب فريق منهار ولا فيه لاعبين ونتوقع ان المدرب يبي يبني لالالالالالا. الفريق جاهز والله كل لاعب يتمناه اي فريق بالدوري مو بس بالدوري عندنا حتى في دول الخليج
والادارة سوت تعاقدات مع افضل اللاعبين والله ان كل لاعب افضل من الثاني بس المشكلة انه ما فيه توظيف صح للاعبين
لا يجي واحد يقولي نبي الاحتياط يصير مثل الاساسي وش الفايده اذا الاحتياط مثل الاساسي والمستوى زي الزفت وانتم بكرامه
اول ما طالبنا فيه اول الموسم قلنا نبي ثبات بالتشكيلة نبي الفريق يتأقلم مع بعض حتى لو نخسر ما نبي الدوري نبي الفريق ما يوصل يناير الا هو فريق مرعب لكن مع هالتخبط الي صاير صراحة وكل مباراة بتشكيل وكل يوم طريقة لا هوية ولا اسلوب واضح والله انه حرام اللي قاعد يصير
ابقولها وبكل صراحة اذا هالمدرب اللي جالس يتعبث صراحة بيستمر انا اقول الله يخلف علينا
واذا الادارة تبي تجيب مدرب بديل وبتصبر الى يناير بتوقع بخطأ كبير بالمرة اذا فيه تغيير لابد من الان اقلها جيبوا مدرب يشوف اللاعبين الاجانب قبل لا تجي فترة التنقلات الشتويه ويجي معاها التخبط حرام كل هالمبالغ اللي انصرفت على الاجانب تروح خساير ولو معنوية
ابقولكم بعض النقاط اللي اشوفها
سواء بقي هوساوي والا رحل لازم يجي مدافع اجنبي صلب وياليت يكون افريقي وهالكلام قلناه العام الماضي ترى ايدينا على قلوبنا وحنا نلعب مع انصاف الفرق في السعودية وشلون اذا دخلنا مع فرق اسيا الله يستر بس
العربي لاعب من انجح الصفقات وهو افضل راس حربة موجود في السعودية ما علي من اللي يخالف لكنا حنا نشوف لكن ما قتل هاللاعب الا هالمدرب اللي انتم جبتوه
ايمانا صراحة مستواه وقدراته اعلى من الدوري السعودي وحرام صراحه يلعب عندنا لا ومع هالمدرب بعد الرجال يسوى ملايين ويخاف على نفسة من الاصابة وخاصة من بعض المدافعين اللي ما عندهم اي تثمين للاصابة وكانهم يلعبون حواري يكفي اللي شفناه اليوم والدخله اللي دخلها عكاش دفاع الاتفاق
الكوري مع العربي في الهجوم قوه ضاربة وهذا اللي نبية في اسيا نبي مهاجمين لكن ما عندك مدرب يفهم صراحة
هرماش ما يختلف عليه اثنين
وين المشكلة اجل المشكلة والله انها في هالمدرب والله انه يبي يضيعنا ترى محنب بفترة تجارب والا تاسيس فريقنا جاهز ولاعبينا المحليين على اعلى طراز صح مو كلهم لكن الغالب منهم
لابد من التحرك سريعا ولو لي من الامر شي كنت مشيت ايمانا وجبت دفاع كامروني والا من ساحل العاج واللي جاب ايمانا وهو لاعب مطلوب يجيب دفاع بداله
ابي افهم القرني وينه ليش ما يلعب والله انه بيصير هو محور المنتخب القادم طبعا سلمان الفرج بالمنتخب الان والله انه تشوف القتال بهاللاعب سريع ومهاري وناضج فكريا لا تقولون يقرب لي لا بس هالكلام استنتجته من كلامه
بالاخير شراحيلي مو يجلس بالاحتياط شراحيلي هو الحارس القادم واثبت نفسه صحيح اليوم مريض لكن لازم ياخذ مكانه
بقولكم على تخبط هالمدرب الحين مع احترامي للغنام جاي من اصابة وما لعب الا مباراة نجران واللي المفروض لو المدرب يفهم في ذيك المباراة كان سحبة الشوط الثاني وبقى الفريدي والا ايمانا لكن التخبط هو اللي خلاه يبقي الغنام ويسحب ايمانا والفريدي ومع هالشي ومع ان فريق الاتفاق افضل فريق هالموسم ينقل كورة والفريق الوحيد اللي تضرر من مشاركة المنتخب الاولمبي وعشان كذا ما لعب مع الشباب زين لكن يوم انتظموا لعيبته الاولمبيين رجع وحش ومع هالشي يشرك الغنام وهو يعرف ان الاتفاق فريق صعب والمفترض يلعب بلاعبين مهاريين لانهم هم اللي راح يفرقون ولكنه جلس اللاعبين اللي من اول الموسم معه على الاحتياط اذا بينه مشكله هو وايمانا ولا يبية كان لعب بالعابد مع الفريدي والدوسري ولكن قمة التخبط
تقبلوا تحياتي
|
الوضع العادي
