تحية للاعب الكبير عيسى...سقوط دول - نادي الهلال السعودي - شبكة الزعيم

الواعظ · #1 15/12/2011, 09:44 PM

بسم الله الرحمن الرحيم

تحية للاعب الكبير عيسى المحياني يكفي هدفه الثاني تعرف انه لاعب كبير وفضح المحترفين ..

نرجع لدول ماسك اللعب بداية الشوط الثاني ولاعيبته المحياني والفريدي في عز مستواهم

يكافأهم بالتغيير يمكن يبي يحسس الجمهور ان مافيه نجم لكن نسى انهم فعلآ نجوم اما

نجوم الورق ايمانا والعربي فبقاهم في نظر دول افضل والله تعبنا مع دول بعدين ماشي

بخطة في الدوري بهرماش لوحده محور قام في مبارتنا مع نجران والاتفاق بأشراك الغنام

المبتعد وسبب ربكه واضحه للمدافعين خصوصآ الغنام بطئ ...

يمكن دول لين الحين مايدري وش يدرب مايدري انه يدرب افضل فريق سعودي..

يمكن دول يبرر ان خطته تتغير علشان خروج نامي؟؟؟؟

...هرماش اليوم هو سبب مباشر في الهدف الثاني ومستواه اليوم سيئ يمكن علشان اجبر

يلعب معه الغنام...

دول سبب تدهور الهلال يالله يفوز قدام الفرق الصغيره ومستواه بعد مش ولابد....

حمودي فلسطيني · #2 15/12/2011, 10:58 PM

المدرب بالنسبة لي جيد
ولكن دفاعنا شوربه واتكالي كل واحد يطالع الثاني
ماعندهم روح والدليل نفس اللاعبين ونفس التكتيك هم من عدلوا النتيجه وضغطوا
ونفسهم من سمح للاعبي الاتفاق الضغط عليهم
الزوري سيء جداااااااااا
هرماش سيء جدااااااااااااا
المرشدي سيء جداااااااااااااا
العربي اسوأ مباره له اليوم
ايمانا تلعب لحالك انت؟؟؟
العتيبي يرحم ابوك بطل فلسفه
الفريدي والدوسري كل واحد منهم يطالع الثاني ولما يتكرموا علينا ويضغطوا تبدأ خطورتهم
يعني قاعدين تتغلوا مثلا؟؟؟

فقدناك 20 · #3 15/12/2011, 11:01 PM

عيسى اذا شفته في التشكيله ارتااح
ودوول ليته يتوووكل والله الهلال مو كيذا

سعودالرياض · #4 15/12/2011, 11:01 PM

كل التحايا ( للكنز المدفووووووون عيسى المحياني )

لكن دول ذا وربي سالفته سالفه آآآخ يالقهر ماادري وش اللي مقعده للحين بالدكه ؟؟

الواعظ · #5 15/12/2011, 11:22 PM

والله أنا نتابع من زمان الكورة ولنا سنين مع احترامي لك ياحمودي المدرب ليس بجيد أبدآ واحترم رأيك وشاكرآ لكم المرور...

هلالية العشق · #6 15/12/2011, 11:26 PM

العربي هذي اسوء مباراة له اليوم لكن من بداية الموسم لا مهاجم رائع
المحياني ولدنا لا جديد دائما في الموعد
دول الله يرحينا منه
مانعرف وش نقول

azizzoom6 · #7 15/12/2011, 11:28 PM

وش رايكم تبروزون عيصى وترضعونه بالماس ...!!

انا ابي عيسى وش سوى غير الكورتين الي جته على طبق من ذهب ..؟

يعني مثلن لو ضيع الهدف الاول للهلال يصلح نلعبه دفاع

انتم شفتو الفرصه الي ضيعها عيسى امام المرمى ...!! شاتها بطريقه غريبه ...!!؟

وش سوى عيسى في المباره علموني الهدف الاول الكوره جت على رجله وحول اتجاهها للمرمى

والهدف الثاني شاتها على الطاير صح بس زين انها ما طلعت

عطوني غيرهن وش سوى عيسى

الفريق اليوم كامل نضع عليه علامة تعجب من الحارس الى عيسى

والوسط ضاااااايع كل الهجمات الخطره من الوسط

تمريرات خاطئة

كنترول تحت الصفر

لا تلمعون لعيسى على شان سجل هدفين

لو ان عيسى سحب بالدفاع وجاب الهدف بمجهود فردي قلنا صح

وبعدين الفريد الي يطالب با 35 مليون للتجديد

يا رجل والله على مستوى اليوم ما يستاهل يرتدي القميص الازرق

وينك يا سامي عن المهزله هذي اه بس

سلطان العودة · #8 15/12/2011, 11:34 PM

الف شكر لعيسى المحياني
من مباراة نجران وانا اقول المحياني المفروض أساسي في جميع المباريات

لاعب ممتاز ورائع وهداف لكن مااخذ الفرصة

والله يوفقه ويوفق زعيمنا

ابو الهكي · #9 15/12/2011, 11:37 PM

عيسى لاعب مضلوم وما أخذ فرصته
على قوله أبو زناد (إلى متى)
تحياتي لك

1ابو ابراهيم · #10 15/12/2011, 11:40 PM

شكرا لك يا غالي
سقطة كبيرة خاصة اليوم
عيسى ابدع و سجل هدفين ثم تخرجه غريبة و تفسيرها اصعب
المفروض من الدقيقة 60 ادخل ايمانا و الكوري بدل العربي و ..

هلالي متميز 20 · #11 15/12/2011, 11:46 PM

ولي ولي ولي ولي ولي وليولييييييييييييييييييييييييييييييييييولي ولي ولي ولي ولي ولي ولي ولي

ولي ولي ولي ولي ولي ولي ولي ولي ولي ولي ولي ولي ولي ولي ولي ولي ولي ولي

ولي ولي ولي ولي ولي ولي ولي ولي ولي ولي ولي ولي ولي ولي

ولي ولي ولي ولي ولي ولي ولي ولي ولي

ولي ولي ولي ولي ولي ولي

ولي ولي ولي ولي

ولي ولي
ولي

ربوه · #12 15/12/2011, 11:50 PM

والله أنا أرى بأن عـودة الـلآعب / ولي

أصبح ضرورة حتميه

ايمانا > لا يخدم الفرررريق

ونحن امامنا بطولة اسيا

-------------------

المدرب : لآ تـعـلـيـــق !!!!!!!!!!

--------------------

عـيـــــــــــــــــــــســـى

لله درك من لآعـب خلوق . . هــــداف داخل الــصـنـدوق

أتمنى مشاركتك أساسي في كل المباريات القادمة

Halal -Hail · #13 15/12/2011, 11:54 PM

يعطيك العافية عيسى المحياني

الله يعين على (( دول ))

.

مهجدة جمهورالحالمي · #14 16/12/2011, 12:07 AM

مُباراه تضيق الصدر او بالاصح مستوى يضيق الصدر

الشلهوب غيابه مأثر بشكككل مو طبيعي

الوسط ضاااااايع بدونه ..

لو موجود اليوم كان ممكن شفنا اهداف اككثر لكن الحملله عللى ككل حال ..

آجـآنبنـآ جدا جدا جدا سيئين واسوء السيئين .. لو نلعب ب المحليين ابرك والله ..
مافيه ولا لاعب فيهم يعمل فارق وسط الملعب .. !!
بالعامي وجودهم وعدمهم واحد مع احترامي الشديد لهم ..
اتمنى عوده ويلي ب اسسررررع وقت

والتخلص من الاجانب واحد ورا الثاني

..

دول يادول ..
اللي مضيق صدري اككثر تصريح نواف بن سعد اليوم .. وكلامه على انهم مافكرو انهم يستغنون عن المدرب !!
لييش ؟
وش شايفين ب المدرب وعاجبكم ؟!!!
قولو لنا على الاقل نلقى فيه شي ككويس ونحبه فيه

قسسسسسم بالله ولا مدرب حححواري !!
مو معقوله مدرب له اكثر من 10 مباريات والى الان ماعرف يضبط وضع الفريق ولايمشي ب تكتيك معيّن !!
كل الي نشوفه اجتهادات من اللاعبين فقط لاغير !!

قسسم بالله ودي اجيبه بيتنا واوريه مقاطع للهلال بعهد جريتيس وباكيتا وكوزمين ويشوف الفرق بينهم وبين تكتيكاته اللي مدري وش تبي

مدري وشلون بنلعب بالاسيويه ب هالمستوى هذا

الله يصبرنا بسس ويستر على الجاي من هالمدرب الداهيه

عيسى

وربي انككك بططططططططططل

من اول ماجيت للهلال وانا مراهنه علييييييك

تككككفوون اقشعو ككل الاجانب المهاجمين وخلو لنا عيسسسى
هذا المهاجم اللي يسجل من انصاف الفرص

قال عطوني فرصه وراح اثبت نفسي وهذا هو من ثاني مباراه يلعبها سجل 3 اهداف
وكل اهدافه انقذنا فيها من خساره

ان شاء الله تستمر على التسجيل والمستويات الكككويسه وتثبت نفسك اككثر واككثر

الواعظ · #15 16/12/2011, 12:18 AM

شكرًا علئ المرور لكن العضو azzizoom بخس حق المحياني لكن اقول لك ارجع لهدف المحياني الثاني تعرف وش خطورة عيسى بالصندوق ويكفي كان بالوحدة هداف الدوري اجل وش نقول على العربي اهدافه في فرق صغيره وبدون مجهود ..