ياخي البس تيشيرت تشيلسي ولا انتر أو أي شي أزرق - نادي الهلال السعودي - شبكة الزعيم

العز أزرق · #1 15/12/2011, 02:51 PM

مساء الخير جمهور الزعيم العظيم

حبيت أشارككم الشيء اللي حسيت فيه وانا اشوف صور وصول الزعيم للشرقية

لاحظت بعض الجمهور اللي يستقبل الزعيم أكثر من مره وفي أكثر من مناسبة

تلاقي بعضهم لابس برشلونة ! والثاني لابس مدريد !

وعد واغلط من التيشيرتات مانيو ارسنال ليفربول ميلان انتر تشيلسي (البلوز لعيون الناقور)

مدري احس المره الجايه عادي تشوف واحد لابس تيشيرت ناغويا والوداد البيضاوي

مع كل تقديري لكل هذي الفرق لكن حبيت أذكركم أن الزعيم له تاريخ لا يقل عنهم ...

وله تيشيرت جميل جدا وبـ3 ألوان مختلفه ...

أتمنى من جمهور الزعيم الحرص على لبس شعار الفريق

خصووووصا في الملعب أو في المناسبات مثل استقبال الفريق ....

أحس توماس دول وايمانا يتلفتون يدورون فينجر وفان بيرسي

تقبلوا تحياتي

العز أزرق · #2 15/12/2011, 06:06 PM

آمل من المشرفين الافاضل الرفع مشكورين.

يافهيم هذا الزعيم · #3 15/12/2011, 06:24 PM

والله صدقت ياليت لبسوا هلالي والا تشلسي بس ارسنال ماينفع ابد بس موضوعك يفتح موضوع ثاني يما ان اعتزال ابو دعيع على الابواب لحد يحضر بثوب وشماغ تراه ملعب مو قصر افراح البسوا ازرق عشان المدرج يكون ازرق ويكون شكله جميل كـ روعتكم يازعماء

Toly Mak · #4 15/12/2011, 06:28 PM

قلة الملابس

بس ما تلومهم من فرحة وصول الزعيم بعضهم ما يدري وش يلبس

الاهم يلحق

واتفق معك في ما ذكرت

<الزعيم> · #5 15/12/2011, 06:35 PM

موضوع ما له داعي صراحة !

كل واحد يلبس اللي يعجبه

لكن في الملعب المطلوب تجيب تيشيرت الزعيم لأن المباراة مباراة الهلال مو ميلان والبرسا ويعطي شكل في مدرجات الزعيم

لكن في المطار ما اشوف فيها شيء ولا فيه فايدة لو لبس تيشيرت الهلال

طارق الواصل911 · #6 15/12/2011, 06:38 PM

في الملعب المطلوب تجيب تيشيرت الزعيم لأن المباراة مباراة الهلال مو ميلان والبرسا ويعطي شكل في مدرجات الزعيم

Gerets Friend · #7 15/12/2011, 06:41 PM

تبي الصراحه اخوي و لا تزعل مني

موضوع ماله داااااااااااااااااااعي

الرجال لابس ارسنال و ما قصر حضر للمطار

احسن من غيره اللي متكي في البيت و لا الاستراحه

معليش اخوي
نرتقي بفكرنا

MzaGei · #8 15/12/2011, 06:43 PM

صدقت أخوي لآزم جمهور الزعيم يلبس تي شيرت الهلآل في أستقبال الفريق وحضور المباريات ..

Maha` · #9 15/12/2011, 07:27 PM

معك حق
بصرآحه استغرب من اللي يحضر مباريآت الهلآل بتيشيرت انديه عآلميه !!!
هذي مباراة الهلآل وانت حآضر تسآند الهلآل ف الافضل تلبس تيشيرت الهلآل
حتى شكل المدرجآت بيكون مميز اذا الكل لبس ازرق ،

بن جبله المطيري · #10 15/12/2011, 07:30 PM

ملاحظهـ حلووووووووه

باااااالتوفيق للزعيم

هلاليهـ بجنون · #11 15/12/2011, 07:43 PM

كشكل اكيد احلى ....لكــــن فيه اشخاص مو من النوع الي يدقق يعني عــــادي ...

هلالية العشق · #12 15/12/2011, 11:40 PM

قول البسوا ازرق الي المدرجات اما في المطار ومدري وين عادي
اقول خلنا دول الي خلاني اكل بنادول

SCORPION-KING · #13 16/12/2011, 01:25 AM

صدقت

حتى بالمدرجات .. لون الفريق ازرق ويجي الجمهور بـ تي شيرت احمر .. اصفر .. بطيخي

ياخي ناس مدري وش تحس فيه

ابوصالح العتيبي · #14 16/12/2011, 04:33 AM

وين الي يسمع الكلام
تخيل الملعب ازررررررررق

ღإمبرآطور البـحـرღ · #15 16/12/2011, 04:46 AM

مَسَتَحَيَلَ عَزَيَزَيَ آَلَكَلَ بَيَلَبَسَوَنَ زَيَ بَعَضَ , يَعَنَيَ كَلَهَمَ بَدَلَهَ هَلآَلَيَهَ !

آَلآَهَمَ حَضَوَرَ آَلَجَمَآَهَيَرَ بَ اَلَمَلَعَبَ وَمَلَئَ اَلَمَدَرَجَآَتَ لَوَ يَلَبَسَ سَرَوَآَلَ وَفَنَيَلَهَ

آَهَمَ شَيَ يَسَآَنَدَوَنَ آَلَزَعَيَمَ وَيَقَفَوَنَ معَهَ بَآَلَحَلَوَهَ وَآَلَمَرَهَ