ردي على شاعرة النصر الجفول كما ادعت تهجمها على نادي الهلال - نادي الهلال السعودي - شبكة الزعيم

الهلالي نادر · #1 13/12/2011, 07:44 PM

اتمني تعجبكم مشاركتي البسيطه والمتواضعه
ردي على شاعرة النصر الجفول كما ادعت تهجمها على نادي الهلال
هذي ابياتها
سلم على الحكام بيض الأيادي
يامعدي السبعين لاباس لاباس
يوم النصر يلطمك بين الثنادي
روح شبابك ماتهنيت بنعاس
ويوم انها صارت بليا حيادي
ولاعاد به عدل ولا عاد مقياس
عادي تحدى بالزمان الرمادي
بس الأكيد إنك تذكر هكا الراس
وأهدافها اللي فعلها غير عادي
صواعق حطت بكم كل وسواس
دور لها فيكم قوي ريادي
أتعب خطاويكم إلى قطع الأنفاس
وكمل عليكم بالجنون القيادي
الذيب الأمعط منبع الفن، الألماس
......
وهذا ردي عليها

كتبت انا الابيات من قدح راسي .... من بعد شفت ابيات من بعض الانجاس
ناس لها بالكذب حكي وماسي .... ولانكر عليك الكذب والعرق دساس
هذي الجفول اليوم تنعق وتأسي ... ببياتها الي في سبق مالها ساس
تنقد على شاعر زعيم النوادي ..... وتقول عمرك فوق سبعين لاباس
حتى ولو عمره تعدي وزادي .... يعشق هلال العز عشق بلا قياس
حيلة ضعيف النفس دايم يبابي ... لامن خسر ناديه باليل يحتاس
صارت مشاكلكم على كل نادي ... وظلمتو الحكام من كل الاجناس
لو نذكر ايام السنين الخوالي .... اهداف سامي وقفت كل الانفاس
واليوم ناديكم يهاب ويخافي .... من الهلال الي اصابك بوسواس

كلمات زرقاء · #2 13/12/2011, 09:23 PM

قصيدة شاعرة النصر الجفول

سلم على الحكام بيض الأيادي
يامعدي السبعين لاباس لاباس
يوم النصر يلطمك بين الثنادي

______ ردي عليها بكلمات مختصرة _________

من سب نادينا ترى اليوم غادي
هذا زعيم الارض تشهد له الناس
ويشهد له التاريخ هذا وكادي
امدونٍ من عام جدي بقرطاس
هذا زعيم الحرفنه والنوادي
هلال هل وفعله اليوم نوماس

شعر /كلمات زرقاء

عمر باهرمز · #3 14/12/2011, 12:36 AM

شاعر متمكن ماشاءالله عليك .......بالتووووووفيق لك في مجالك......

ابـــــو فارس · #4 14/12/2011, 12:46 AM

فالك البيرق صح لسانك شاعر جزل

<هلاليه> · #5 14/12/2011, 12:48 AM

الهلالي نادر وكلمات زرقاء صح الله لسانكم

والله ياهالنصراويين مابلاهم الا هياطهم عنبوشيطانكم بكل جنسيات الحكام دقينا خشومكم دق وللحين مخلينهم شماعة

Kenzo · #6 14/12/2011, 12:53 AM

القافيه ادي وأس

وانت غيرت القافيه الله يحفظك

على العموم لاهنت وصح لسانك

شاعر الهلاال · #7 14/12/2011, 12:55 AM

صح لسانك
وجاه ماكفاه
وهذا نتيجة من يتعدى على الغير
ياخي خلوكم بناديكم
مشغلين انفسهم بهالزعيم
لكن مقيوله
لايرمى بالحجر الا الشجر المثمر
..................

هتشكوك · #8 14/12/2011, 12:59 AM

يمقن الحكم ساعدنا

ويمقن لا

ردي صغير جداً

حكام سعوديين و ساعدو الهلال
حكام اجانب ونفس الشي
باقي نطلب حكام نسائى

سؤالي
الحكم جاب سعد الحارثي
الحكم سبب المشاكل فى النصر
يمقن الحكم سبب فى اخفاقات العالمي

يارب رحمتك بس

qnas9 · #9 14/12/2011, 01:00 AM

صححححح لسآآنكـ

فديتكــ والله

... يسلممم رآآسكـ

(واليوم ناديكم يهاب ويخافي .... من الهلال الي اصابك بوسواس)

الجفول هههههههههههه يآ توحفهههه

[ سلطآإن,آلروقي ] · #10 14/12/2011, 01:01 AM

ههههههههههه

تراها في النهايه كوره

قصة غرام هلالي · #11 14/12/2011, 01:05 AM

كفيت ووفيت بيض الله وجهك ومحسودين الهلاليين ان بغوها بالملعب ماقصرو الاعبين وان بغوها بشاشات عندنا ارجال مثل الروقي والجاسر وان جت لشعر انتم اهلها فشكرآ لكم على سد افواههم الصغيره

.....ʃ 7ɱǿǾǿȡƴ..... · #12 14/12/2011, 01:09 AM

صح لسانك وبيض الله وجهك
كفيت ووفيت وماقصرت وسديت كل الأفواه

_________________________________________

حيلة ضعيف النفس دايم يبابي ... لامن خسر ناديه باليل يحتاس
صارت مشاكلكم على كل نادي ... وظلمتو الحكام من كل الاجناس

(..والله انك جبتها على الجرح ما اقول الا بيض الله وجهك..)

الى الأمام يا شاعرنا

قصة عشق مع الزعيم · #13 14/12/2011, 01:23 AM

إقتباس


	كتبت انا الابيات من قدح راسي .... من بعد شفت ابيات من بعض الانجاس ناس لها بالكذب حكي وماسي .... ولانكر عليك الكذب والعرق دساس

انا اشهد ان هم راعين اكاذيب

يعطيكـ العافيه على هالرد المٌلجم للمدعوه الجفول

سعوديه والهلال ناديه · #14 14/12/2011, 01:34 AM

صح لسانك وانا والله اقول يارب لك الحمد والشكر

بجد النصراويين مرضى ياخي شاعرنا الكبير لم يغلط

على ناديكم بل قال الحقيقه وهو الفرق بينا وبينكم البطولات

لكن الحقيقه مؤلمه يانصراويه

اما انت يالجفول الله يصلحك

تعيبين على شاعرنا بالكبرى وليس عيبا

والله اعلم كم عمرك انتي

حتى ولو عمره تعدي وزادي .... يعشق هلال العز عشق بلا قياس
حيلة ضعيف النفس دايم يبابي ... لامن خسر ناديه باليل يحتاس
روعه ماشاء الله

غـــــريـــــب · #15 14/12/2011, 01:48 AM

صلح لسانك ولا عدمانك يالذيب ولا يهون اخونا كلمات زرقاء تسلمون جميعاً