دول لايرحل ... متفائل باسيا مع دول بالاسباب الي بداخل ... ويابو فيصل من شرانا شريناه ...وزن ياسر
السلام عليكم ورحمة الله وبركاته
بسم الله الرحمن الرحيم
صبحكم \مساكم الله بالخير
الحمدلله على مايقدمه فريقنا من نتائج وعقبال الافضل
صراحة انا استغرب منكم انتقاداتكم لاشخاص لايستحقون الا الشكر والثناء امثال محمد نامي وتوماس دول وهوساوي
ومحاباتكم ومجاملتكم لاشخاص يستحقون الانتقاد والعتاب امثال ايمانا
اولا نبدا بمحمد نامي والله ياناس هذا النجم ماقصر ويقدم مستويات من افضل ماتكون سواء بالمستوى الهجومي او الدفاعي صراحة لا يحضرني الاهداف التي كانت من جهته لكنها لاتقارن بجهة الزوري ومن العمق
نامي ماقصر وعلى مااعتقد انه اكثر لاعب لعب بالدقائق ب 990 دقيقة
وصنع 3 اهداف وسجل هدف ومغطي جهتة وجهة غيرة مثل ايمانا اذا تحول لليمين
وثانيا توماس دول والله مدرب لن تعرفون قيمته الا اذا شفتوا كاس اسيا مع ياسر بأذن الله
لان اغلبكم يحكم بالضاهر وهو المستوى الذي يقدم اما الفرق الصغيرة اولا اغلب هذي الفرق تلعب مع الهلال باغلاق الدفاع تماما مثل ماشفنا بعد هدف نجران وغيرها
جميعكم متخوف عن ماذا سيحدث بكاس اسيا اذا كنا نقدم هذا المستوى بالدوري وش بنسوي باسيا اولا شوفوا مباريات الهلال القوية يعني مع الفرق الي شبة مساوية لمستوى الهلال مثل الاهلي مستوى ونتيجة االحمدلله ومايحتاج اتكلم اكثر من كذا وامام الشباب والله قدمنا افضل من الشباب لكن خليل جلال وعوايده وارجعوا للمباراة وبتشوفون الاهداف كانت من 3 هجمات والهلال عنده اكثر من 5 هجمات خطرة وماكان لدول ذنب لان الاهداف كانت اخطاء دفاعية من المرشدي والقرني
وامام النصر ووش سوا دول والله لعب بتكتيك ذكي جدا صراحة ماقدر اشرحه لانه مهما يكون اكبر من مستواي لكن شوفوا كيف كتم على النصراويين طول المباراة واتاحته الفرصة للعناصر الشابة مثل سالم الدوسري واعتقد انها كانت اكثر مباراة مهمة له وثقته بنفسه
والي ماقتنعوا بتوماس عندكم مباراة الاتفاق وشوفوا وش بيسوي فيها الزعيم باذن الله لان مستوى الاتفاق في تحسن ومااتوقع يلعبون بتكتيك دفاعي لانهم يحتاجون نقاط المباراة وبتكون مباراة متقاربة
وبعدها هجر وبعدها الشباب وانا اراهن على عضويتي لو ماقدم في مبارتي الشباب والاتفاق المستوى والنتيجة
ثالثا هوساوي ياناس اتركوه وصدقوني من الافضل له وللهلال احترافة وللكرة السعودية وان شاء عندنا عناصر شابة مبدعة مثل رضوان الموسى الي اتمنى ياخذ فرصته وسلطان البيشي
رابعا ايمانا الي اشوف الكثير يجامله والله هذا الاعب عنده مشاكل عائلية والي يقول توه مانسجم مع الفريق انا اشوف انه انسجم وهذا اكثر شيء يقدر يقدمه وحتى لو انسجم سلبياته احس انها بتبقى معاه الي هي الحفاظ على الكورة بشكل اكثر من الازم وتقديم الكورة على نفسة والتضييع امام المرمى
وياليت يكون بديله ويلي الي شارينا وعاشقنا واكثر مايحتاجه الهلال الحين هو ويلي وكذلك العربي حرام التفريط فيه لاني اشوف انه مهاجم بمعنى الكلمة ويسجل من ارباع الفرص ويكفي انه هداف الدوري
وكذلك ويلي صانع لعب من طراز عالمي وهذا مايحتاجه العربي
خامسا صراحة انا ضد التفريط بالكوري واتمنى اعطائة فرصة لانه راجع من اصابة قوية ومالعب مباريات اساسي الا هجر والاهلي والتعاون والنصر وهذي قليلة على 11 مباراة
ولعب 4 مباريات بديل الي هي الشباب والانصار والفتح ونجران والانصار مثل ماشفتوا لعب باخر دقيقتين ومع الفتح اقل من 10 دقايق والشباب 15 دقيقة ونجران الشوط الثاني تكفون وللامانة من فيه لاعب راجع من اصابة وبيسوي شيء بهذي الفرص والله لاعب مبدع لكن لو كان بيكمل الدوري على هذي الحاله اتمنى ابعادة واحضار مدافع ضهير ايسر يجيد اللعب الدفاعي اكثر من الهجومي وارى ان بقلب الدفاع ماعلى الهلال خوف ان شاء الله بوجود خيرات والمرشدي ورضوان والبيشي
سادسا سعد الحارثي اشوف انه لاعب كبير ومايختلف عليه 2 وانا صراحة احب هذا الاعب من ايام النصر لكن والله ماعتقد انه بينفع الهلال اكثر من المحياني والعربي والكوري وصراحة اتمنى مايكمل 6 اشهر لان باذن الله ياسر بيرجع ومافيه له فرصة وياليت ابو فيصل يهتم بالصفقات المحلية بهذي الفترة الثانية لكن على الي يخدمون الفريق
سابعا كثير انتقد مستوى فريقنا في اغلب مباريات الدوري صراحة انا اعتقد السبب الثاني ان لم يكن التكتيك الدفاعي المغلق من الفرق المقابلة لنا اتوقع انه يكون بسبب عدم انسجام الاعبين مع بعض بالشكل المطلوب كما تعلمون الهلال تغير جميع اجانبه وتغييرات كثيرة مثل اعارة ياسر ولابد من الصبر عليهم وباذن الله نرى نتائج تبيض الوجه باسيا
ثامنا تكفى يابو فيصل لاتفرط بعيسى وياليت يعطى الفرصة مثلة مثل العربي وياليت مايقدمون الحارثي عليه لانه لايوجد مقارنة بينهم والمحياني اذا اعطي الفرصة بتشوفون وش يسوي ولاتنسون باخر الدوري الماضي من مباراة القادسية وكاس الملك لعب 7 مباريات سجل 8 اهداف كل الي يبيه هذا النجم الفرصة بس ولاتفرط بويلي الي مستحيل يجد الهلال مثله مهما كان ايمانا او غيره ويلي لايمكن ان يعوض (ومن شرانا شريناه) واتوقع شفتوا حواره الاخير وعشقة للكيان الهلالي على عكس نيفيز الي بعضكم يريد عودته وتصريحه الاخير الي اشوف انه ماحترم الجمهور الي قدره ‘ وياليت ياميرنا ماتفرط بالفريدي مهما كان لانه يخدم الفريق ولو كان بنصف مستواه وكذلك الكلام ينطبق على العربي
تاسعا الي ينتقد الزوري والله الزوري لاعب كبير ويمكن تستغربون حرص المدربين عليه صحيح انه لعبه الهجومي لك عليه لكن بالدفاع مايختلف عليه 2 واتمنى يجربه دول قلب دفاع وان شاء الله بالتوفيق له ولجميع الاعبين
عاشرا: ياسر حبيب الملايين صراحة ماحبيت روحته للعين لكن اشوف انها جابت ثمارها الحمدلله واكثر ماسعدني من تعاقدات الهلال واعاراته الى الان انتقال ياسر اتوقع اغلبكم يشوف المستويات الي يقدمها ياسر بالدوري الاماراتي واعتقد من اسباب عدم تقديم المستوى المطلوب منه بالدوري السعودي الظغوط النفسية الي صارت له وثانيا اشوف الجمهور يطبل له على اي شيء عادي يسويه على عكس باقي الاعبين والي اشوف انه مالقاها بالعين والحمدلله
وصراحة انا شفت جسمه قبل اعارته وجسمه الان صراحة وزنه نازل وهذا يبشر بخير وان شاء الله يرجع لنا بسرعه ويقدم المطلوب منه واكثر
اتمنى اذا بترد تحكم بعقلك وماتحكم بقلبك
وكلامي يحتمل الصواب ويحتمل الخطا
فان اصبت فمني والشيطان وان اصبت فمن الله
والسلام عليكم
الوضع العادي
