اليوم انا رحت متبرقعه

الله يستر علينا

بعدين في نقطه صح البنت طلع وجهها وكذا
لكن ما اظن العالم للحين متخلف وبيحاسبها المسكينه بدون ماسوت شي

في فرق بين اني افضح عمري وبين اتصور وتنتشر صوري بدون ارادتي

الحمدلله كثير شفت مستوعبين اللي حصل صح

واتمنى ماتطلع قرارات ....

إقتباس الرسالة الأصلية كتبت بواسطة Eman -al saad أهلاً بك , حتى أصدقك القول أنا لا أمانع من إنزال عدة مقاطع لي وليس مقطع واحد فقط وأنا كاشفة لوجهي ! لكن القبيليه المقيته التي نشأت عليها تدفعني لفعل مالا أريد فعله ! , اممم , ربما أستطيع امتلاك حياتي الخاصه والتي سينسح لي فيها اتخاذ كافة القرارات التي تخصني يوماً ما ! من يدري ربما تراني في أحد القنوات الفضائيه حتى ! .. كشف الوجه ياعزيزي " حلال " وليس " حرام " ! لا أعلم حقيقه ماهي الفائده الدينيه الحقيقيه التي خرجتم بها من تعليم دام لمدة 12 سنةً على التوالي ! لا شيء على ما أظن ! تفكير متشدد "طالباني " لا يمت للإسلام " القديم اليسير " بصله . .. عجيب هو أمركم ! مسألة الشرف هذه تؤرقكم لحد الجنون وكأنكم تقيسون كيان انثى بنزوه بسيطه لاتذكر أو صوره أو مقطع " غير فاضح " .. أستنكر فعل هذه الفتاه لأنها تصرفت تصرف غير مسؤول وكأنها لاتعلم عن التبعات التي ربما ستحلق ببعض الفتيات ! ربما تكون احد تلك التبعات حرمان فتاة طموحه من " الدراسه للأبد " , وأنا مؤيده تماماً لأؤلئك الذين يدعون الى معاقبة تلك الطائشه أيما معاقبة .. مجتمع كل مافيه " خاطيء "

طيب يا أم التطور والانفتاح ليش جالسه الى الحين بالمجتمع الخاطى ليش ماتمشين لمجتمع كل مافيه صح

وأما بالنسبه انك ما تشوفين اي مشكله بتصوير نفسك فهذا يدل على التخلف والرجعيه في شخصك وتفكيرك

وأما بالنسبه لنتاج الدراسه اللي تخرج لنا متشدديين فأنا أفخر بإتباع سنة الحبيب محمد صلى الله عليه وسلم ولو كان العالم ضدي

واللي يناظر ردك يتأكد انك استنساخ من وجيهه الحويدر ومنال الشريف وشرذمة بنو لبرال اللي يحاولون نزع الحياء من شباب و شابات الأمه

اسمح لي يا وليد أعلق بأريحية بحكم الميانة اللي بيننا

طال عمرك حنا ابتلينا بلوة بتقنية البلاك بيري ! بسبب استخدام الأطفال الخاطئ للبلاك بيري شوهوا أم التقنية واستخدموها لنشر الإشاعات والرعب في المجتمع ..
بالنسبة لموضوعك أخذت لفة خلال دقيقتين لقيت كل السالفة مقطع واحد فقط نشر عن الجامعة وتقريباً له فترة ..
وحسب خبرتي في أخبار البلاك بيري ومتابعتي المستمرة للمحقق كونان استنبطت أن السالفة مجرد شخص تافه سخيف استغل قضية المقطع المنشور وحب يسوي ضجة لا أقل ولا أكثر ..
لأن لا القناة موجودة ولا المقاطع موجودة .. هو فقط مقطع واحد ولا يوجد غيره , والمقطع هذا في اعتقادي قبل الرسالة اللي وصلتك بالبي بي !!

هذا الاستنباط الذكي والأسطوري من عقلي الكبير يقودنا إلى نقاط مهمة كثيرة من أهمها :
أن أغلب مستخدمي البي بي ( أغبياء ودلوخ وحمقى وبقر ) !!
لأن شخص واحد حقير وكذاب يضحك عليهم ويستخف بعقولهم بل ويستخدمهم لنشر أكاذيبه وهم كالبقر يعيدون نشر كذبته حتى تبلغ الآفاق ..

أنا أكثر من يعاني من هالعينات رغم قلة المضافين في اللستة (20) شخص ..
رسائل من نوعية : " محمد 20 سنة انخطف من أمام بيتهم تكفون دوروا له وأعيدوا نشرها تخيل إنه أخوك أو قريبك وش بيكون شعورك " .. يا عيني عليكم خلاص عرفته من اسمه وعمره ! يلعن حريشكم وش تحسون فيه !
وخبر مثل نوعية : " مكسرات مسرطنة تباع في بندة انشر والله لا يسامح اللي ما ينشر "
وغيرها من الرسائل الدينية والأدعية غير المشروعة والأخبار الكاذبة والإشاعات التي لا مصدر لها !!
المصيبة عندي إن اللي يرسل لي مثل هالرسايل أشخاص أعرفهم كبار وعاقلين ماهم بزران أو متخلفين عقلياً .. وهذا اللي يخليني أعجز عن تفسير هذه الظاهرة !!

شخص واحد يؤلف من نافوخه كذبة وينشرها للستة .. وتجيك الدرعى اللي ترعى ونسخ ولصق وتنشر كذبته بدون ما يكلف الواحد نفسه يستخدم العقل الصغير اللي في راسه الكبير ويبحث عن مصداقية الخبر أو يبحث عن مصدره !!

نرجع لخبرك يا وليد .. أنت الآن وصل لك خبر في البيبي وما كلفت نفسك تفكر شوي هل التهديد هذا قبل المقطع أو بعده؟ وهل القناة باليوتيوب اللي فيها المقطع مذكور فيها التهديد هذا أو لا !!
هل حاولت تربط أو تبحث عن خيوط تربط صاحب التهديد بصاحب المقطع؟ والا مع الخيل يا شقراء وصلتك الرسالة مع المقطع واعتبرتها حقيقة وخلاص؟!!
والسؤال الأهم .. هل عملت نسخ ولصق لرسالة التهديد وأرسلتها للستة؟؟ أكيد نعم .. وهذي هي المشكلة لأن غيرك نفس الشيء بيرسل .. وبكذا ننشر الرعب في بنات الجامعة بأنفسنا وتركنا شخص تافه يتلاعب بنا !!

الله يرضى عليكم يا أصحاب البلاك بيري .. هالتقنية من أجمل وسائل التواصل ولا مانع من الترفيه لكن حاولوا تستعينون بعقولكم شوي بس وتفكرون هل اعادة نشر رسالة بدون مصدر وبدون ما نتأكد من حقيقة المصدر وحقيقة الخبر هل فيه فائدة والا لا؟

إقتباس الرسالة الأصلية كتبت بواسطة Eman -al saad أهلاً بك , حتى أصدقك القول أنا لا أمانع من إنزال عدة مقاطع لي وليس مقطع واحد فقط وأنا كاشفة لوجهي ! لكن القبيليه المقيته التي نشأت عليها

دام هذي قناعتك .. أبد ولا يهمك ارسلي للأخ المقاطع بينك وبينه ومحد بيدري لا القبيلة ولا شيخ القبيلة ولا حتى طرطشلي خويهم ..
دامك بس خايفة من حركات القبايل القديمة أبد ارسلي له وعلى مسؤوليتي والله محد يشوفها غيره وبيحذفها على طول وأي ضمانات تبينها هو مستعد !!

اذا موافقة عطينا خبر هنا بالموضوع عشان نشوف هل أنتي قد كلامك , والا بس قاعدة تطقطقين علينا

إقتباس الرسالة الأصلية كتبت بواسطة Eman -al saad جداً . لست خائفه ! إنما أنا انتظر قدوم الوقت المناسب فقط . أجبت على كلام الأخ الفاضل قبل قليل ولك أن تراجع ردي عليه . لروحك الطاهره " كما أظن " !

شوفي يا بنت الحلال ..
كشف الوجه فيه خلاف عليه بين فقهاء المذاهب الإسلامية , وطبعاً ما يجوز لأحد أن ينكر عليك رأيك في جواز كشف الوجه لأن المسألة بسيطة ولا يعقدها ويهوّلها إلا من نشأ على السمع والطاعة وعطّل العقل والفكر حتى أصبح لا يرى إلا ما يرى علماء السعودية وينتقص ممن يخالفهم ..
الدين الإسلامي غير محصور في السعودية وعند علمائها الأفاضل .. فكما أن عندنا علماء نفتخر بهم فعند غيرنا علماء يفتخرون بهم , أحياناً يكون عندنا الحق وأحياناً عندهم وأحيانا عندنا جميعاً ..
فمسألة كشف الوجه من يرى جوازها فهو قد استدل على أدلة شرعية وعلماء أجلاء ولا يجوز أن ننكر عليه أو نتهمه بالعلمانية وغيرها ..

هذا بالنسبة لرأيي من ناحية الشرع للتوضيح لك أن ردي السابق لا علاقة له بالدين أو غيره ..
وإنما كان الرد على أسلوبك فيه وتحقيرك بقصد أو بدون قصد للعادات والتقاليد !
فإذا كان تغطية الوجه من العادات والتقاليد وش المشكلة العظمى فيها حتى تشتميها؟
فكري بعقلك شوي .. بتشوفين إن المسألة بسيطة ! فإذا كشفتي وجهك وش الفايدة؟ وإذا غطيتيه وش الضرر؟ أشياء بسيطة ويمكن الفائدة أكبر بعد ..
من العادات عندنا أن لبس الجنز في العزايم والمناسبات عيب .. لذلك نلبس اللبس الرسمي الثوب والشماغ والعقال ..
إذا جاء واحد منا ما يحب يلبس الثوب ووده يلبس برمودا مثلاً في زواج .. بنمنعه طبعاً حتى ما يفشلنا !! فهل من حقه إذا منعناه إن يسبنا ويقول عننا جهلة ومتخلفين و و و ؟

بعض العادات والتقاليد صح إنها جهل وظلامية لأن فيها ضرر على البعض مثل التزويج بدون شور المرأة وغيرها .. لذلك كلنا نتفق على إنها من الجاهلية !
لكن مو معنى هذا إننا ننسف بكل العادات والتقاليد ونهاجمها ولا نحترمها لمجرد إنها ( لا توافق أهواءنا ) !!

لك الحق يا إيمان بإبداء آرائك ... ولكن ابتعدي عن ( التطرّف ) !!

اقول خلاص مسكوا البنت الحقيرة الله ياخذها ..
اسمعوا ارسل سلامي مع نسيم الصباح وروقوا :P

الله لايوفقها والله يبينها ويفضحها قدآآآم العالم

ياسلطان ياحبيب قلبي . طبعا ماشفت الخبر على البي بي ونزلته على طول
لارحت اشوف هل هو منتشر في النت او لا ..
ولو تلاحظ سالفة الهيئة والجامعه صحيحه ..

أقسم بالله ناس فاضيه

إقتباس بالنسبة لموضوعك أخذت لفة خلال دقيقتين لقيت كل السالفة مقطع واحد فقط نشر عن الجامعة وتقريباً له فترة ..

المشاغب

حسب ماقالوا لي
كانت المقاطع كثيره
والبنات جالسات ماخذات راحتهم

لكن الحمدالله سرعه التجاوب من هيئه الامر بالمعروف والنهي عن المنكر وبالتواصل مع المباحث مسكوا البنت وحذفوا كل المقاطع


شباب اكبر غلط ان الواحد من * لقافته الزايده* يدعي للبنات بالستر بعدين يروح يشوف المقاطع !
فكروا بعقولكم تكفون

هلالية انا دخلت القناة وفيها المقاطع . لكن اليوتيوب حذفوا المقاطع
بس شفت صورة المقطع . البنات كاشفات وواضحه خششهم الله يسترنا
ويخسف فيها هالبنت