30/11/2011, 08:37 PM
|
 | عضو تحرير مجلة الزعيم | | تاريخ التسجيل: 13/02/2011 المكان: المدينة المنورة ، أرض الطمأنينة .
مشاركات: 1,099
| |
|
اعذروني لازم افضفض ... ضغط المدرسة
السلام عليكم ورحمة الله وبركاته ...
بتكلم بالعامية عشان توصل الصورة بشكل افضل.،.
لما نجلس في فصول المدرسة 6 ساعات متواصلة اكيد شيء يزهق ، ولما نطلع من الفصل عقاب كاننا اطفال ( توقف باقي الحصة ) ، ولما تخلص الحصة يكتفي الاستاذ باطلاعنا على اسئلة الواجب عشان نحلها ، واحلى شي عند المدرسين لما يقولوا ( الواجب كله ما ياخذ نص ساعة ) ياسلام عليك طيب مادتك نص ساعة والمواد الاخرى كل مادة على نص ساعة ، على كذا ضاع يومي ، ويا حليلهم لما يجي يوم الأربعاء يقولوا ( الاختبار يوم السبت ، وتصحيح الواجبات يوم السبت ) ، الإجازة وُضعت علشان نستفيد منها مو نقضيها حل واجبات .
انا ماهو قاهرني الا المدرسين الكسالى ، يدخل الفصل يقول ( يافلان اقرا ، ويا فلان اقرا ، خلاص فاهمين - نضطر نقول ايوا لانه لو قلنا لا تبدا انواع الشتائم انت .... ماتفهم وغيرها  - ويطلع من الفصل ويقول ترى انا جنبكم لا أسمع صوت  ) .
الفسحة وما أدراك ما الفسحة ، هي المدة الوحيدة التي يمكنك فيها فعل كل شيء من
( دخول دورات المياه - وانتم الكرامة - ، الشرب ، الأكل ، الوقوف في صف المقصف ، الكلام ، حل الواجبات ، مراجعة الاختبارات ، بعض الأحيان النوم ) ، كانهم حاطين الفسحة عشان لايجي احد ويقول ابغى اطلع من الفصل والمشكلة الفسحة كلها نص ساعة ووقفة المقصف 10 دقايق ولا مطعم البيك  .
وبعض المدرسين - هداهم الله - كأننا في عسكرية ، الممنوعات في الحصة ( التأخر ، اكل اللبان ، المسواك ، اكل الأظافر ، عدم لبس الشماغ ، الهمس مع زميلك حتى لو تقول ابغى قلم ) هذا غير وجه المعلم لما يدخل الفصل تقول شايف جني بسم الله  ، ومطفشنا بكلمة ( احترام الطالب ، وقوة الشخصية ) وهو مايدري اننا ساكتين عشان الدرجات ماهو حباً في شخصه العزيز جداَ على قلوبنا .
لكن في جانب ايجابي للمدرسة مثال ( تتعلم تصير قوي من كثر المضاربات ، تصير محترف لعبة حركة ستوب لانك تجلس في الفصل كالصنم ) .
في بعض المدرسين والله ندعيلهم ، طيب وحبوب وماحد يحقد عليه مادته سهل يسهلها زيادة ، لو يعطون دروس للمدرسين المتقاعسين المنفرين .
اختم بـ(لو كنت فضاً غليظ القلب لانفضوا من حولك ) .
اعذروني على الإطالة وووووووووو اسمحولي افضفض.
لكم ودي 
|
الوضع الشجري
