يا ... عبدالله الحربي ... من أمن العقوبه أساء الأدب

لسيت المرة الاولى ولن تكون الاخيرة التي يتطاول بها هذا الشخص المعلق المدعو عبدلله بن مبارك الحربي ,على الكيان الكبير والعريق نادي الهلال السعودي.
وفي حقيقة الامر ان مادعاني لكتابة هذا الموضوع هي تكرار تجاوازت(تراكمات) هذا الشخص حيث لايوجد له حسيب ولا رقيب . احبتي ان من يقراء مابين السطور يدرك ويعي ما اقوله جيدا.هذا الشخص يجيد للاسف الضرب من تحت الحزام بطريقة للاسف غير نزيهه و اكل عليها الدهر وشرب .
وعلى سبيل المثال لا الحصر طريقتة في الاشادة بحارس الهلال خالد شراحيلي (بكلمة حق اريد بها باطل) في مايتعلق بعقد اللاعب مع الهلال وعرض الادارة له .
عبدالله الحربي يحسبن الناس (مدرعمين) ولايفهمون وهو مسوي نفسه ذكي !!
بناء على ماسبق اطرح علامات الاسـتــفـهام التالية :
اين لجنة المعلقين بعد وفاة المغفور له زاهد قدسي ؟
ومن يقول للمحسن احسنت وللمخطيء أخطأت من المعلقين بعد كل مباراة ؟
ومن الجهة والشخص المسؤول عن المعلقين امام الرأي العام ؟

كم كنت معجب بهذا المعلق ولاكن البارحة سقط بوصفة في تعليق

والله يأنت فاضي ولا تبي تسوي زحمه والشارع فاضي !!!

سقط على مثله مثل غيررره ما يضروون زعييم اسيا لو يبربرووون ليين بكرا
يا عبد الله الحربي ما اشوفك تتكلم على المخرج امس يوم انه فاااشل ما يعيد لقطة نامي ولا اغلب لقطات المباره ولا يوم يحط الكميرا على الجمهور والكوره بالملعب ؟؟؟

ولا خايف يا حربي هاه ههههههههههههه ما تقدر تنفس

قناااه فاااشله ورب الكعبه بكل المجالات ما صبرنا عليهم الا انهم يجيبون مباريات الهلال

اتفق معك اخي زيزو في الكلام اللي قلته.

الا وش قصدك ياملعق يامحترم بأن النادي بيعطيك شيك مفتوح بعد هذه المباراة تبغى اللاعب يصطدم مع النادي في مسألة تجديد عقده ياأخي هي ناقصتك بعد انت.

لا واللي قهرني اكثر بعد يوم يقول : ماكنت اتمنى ان اللاعب بينو النصرواي يطلع من المباراة بالكرت الاحمر بعد ما تعمد ضرب عبدالعزيز الدوسري لانه كان يقدم مباراة جيدة يعني يضيع مستقبل لاعب سعودي موهوب قادم بقوة عشان حضرتك تنبسط ، لكن على حد قولك انه كان من المفروض طرد عادل هرماش
لانه تعدى على عباس بدون كورة هالحين عاجبك هااللاعب اللي ماهو بفالح الا بانه طول المباراة قاعد يمغط هالكوره على غير سنع ، وتبيهم يطردون عادل هرماش اللي كان نجم المباراة بدون منازع ، ياأخي كان واضح جدا تحيزك للفريق النصراوي. وش تبي توصل له بس يامعلق

شكرا اخوي زيزو ، موضوعك هو اكثر واحد شدني لاني كنت اقول نفس كلامك ، ولأنه فعلا موضوعك لازم يوصل لرئيس النادي الامير عبدالرحمن بن مساعد ، وما ينسكت عليه. تقبل مروري وتحياتي

شكرا اخي العزيز Nomad
مرورك يشرفني وشهادتك اعتز وافتخر بها ...
ومبروك الفوز يابعد تسبدي والى الامام دائما
واتمنى ان تصل وجهة نظرنا انشاء الله لاميرنا ومحبوب قلوبنا الامير/عبدالرحمن بن مساعد الذي هو الرجل والمحامي الامين والدرع الحصين للزعيم بعد الله سبحانه .

طيب نجيب معلق مصري والله ننبسط عليه

معلق اثبت نصراويته البارحه بشكل واضح وصريح

ارجوا من اداراة الهلال طلب القناة الرياضية منعه من تعليق مباريات الهلال

شكرا

والله لوو علق عامر عبدالله كااان افضل منه بكثيررر

عبدالله الحربي في ليلة الامس شوي وينزل يلعب مع الفقر
لدرجهااني طفشت وانا اتابع المباراة
اتمنى يعلق لنا عامر عبدالله

عبدالله الحربي حسسني امس انها مباراة بين النصر السعودي وفريق اجنبي ..
معلق مفلس ولا يستطيع عزل ميوله عن تعليقه ..
عامر عبدالله والنفسيه وجعفر الصليع افضل معلقين بالرياضية السعودية

إقتباس الرسالة الأصلية كتبت بواسطة فارس العمري18 والله يأنت فاضي ولا تبي تسوي زحمه والشارع فاضي !!!

..................+1||عبدالله الحربي هلالي صميمّ||

والله انا ما اشوف في المعلق شيء ..
لا نصير نتصيد هفوات الناس ونكبر المواضيع في الاول والاخير هو انسان ...
بعدين لو فرضنا ( جدلا ) انه يكره الهلال .. ياخي الحب والكره من الله ...
ولو فرضنا ايضا انه يتعمد الاسقاطات على الهلال .. فما اتوقع ان كلامه راح يأثر على المباراة والا بيخسر الفريق لا سمح الله ...

في الاخير نقطة احب اوضحها ان هذا المعلق احنا الهلاليين نقول ان نصراوي والنصراويين يقولون انه هلالي ... في الاول والاخير هذا الكلام لا يقدم ولا يؤخر واهم شيء مواصلة الانتصارات للهلال ...

ياشباب تكفوون لا تخلون همكم الاول والأخير المعلق ...
صحيح انه غلط في موضوع شراحيلي يوم انه قال لازم يرفع سعره بس ولو ..
جعله ان شاء الله يقول الهلال فاشل وش علينا منه !!
ترا حنا مشكلتنا ان حنا نسمع كلام اي احد حتى لو كان متحدث نصراوي
لازم ان نحذر من هذا الجانب .. ترا همهم الاول والأخير إسقاط الهلال يعني لازم ننتبه من كل شيء يصير