السلام عليكم ورحمة الله وبركاته

ندخل في صلب الموضوع (تقديرا للمشجع الهلالي)

بإذن الله الكريم يوم الخميس 28/12/1432هـ
مسافر من القريات إلى الرياض
لعيون الزعيم .

بس المشكلة إني مالقيت حجز إلا يوم المباراة والمشكلة الثانية موعد الرحلة توصل للرياض العصر او بعد العصر
ومن المطار لازم اروح لفندق (يمدحون فنادق البطحا) رخيصة

المهم أروح للفندق لأني لازم انزل الشنطة وكياس معي مرسلتهن أمي لأم عويد ولد حمود

وانا معي 3 أفراد من اسرتي (عيالي)

ولا يمدي اقص تذاكر لأن الملعب يكون زحمة (والتذاكر نفذت)

الملعب صغير وإذا مافزعتوا اعتبر جيتي للرياض راااحت بدون فائدة

انا جيت على شان الزعيم وعشاق الزعيم قدها

أبي واحد منكم يهد صدرة

ويقص تذاكر عدد 4 لي ولعيالي ..... ياجماعة الخير

دفعت حق التذاكر 860 ريال لكل نفر يعني 3440 ريال

والله مو عاسرني حق التذاكر ....... بس الوقت ضيق


المهم أبي واحد يقصلي تذاكر

وإذا رااع الفزعة مطنووخ ابي حول الشيوووخ بالمنصة انا وعيالي

وكمان أبي طيارة خاصة ترجعني للقريات

خخخخخخخخخخخخخخخخ

لا والله أمزح حاجز رجعة ثاني يووم

بس نبي تذاكر


ملاحظة : رااع الفزعة يكلمني على الخاص


لا تقصرون معي ترى وربي استاهل والرابط هذا اكبر دليل

http://vb.alhilal.com/t886586.html

ابشر بعزك يالغاالي ارسل رقمك ع الخاص بتصل فيك واوصل لك التذاكر بأذن الله برغم اني ماراح احضر المباراه بحكم عملي في المطار بس اول ماتنزل ان شاء الله بتحصل التذاكر

أخوي بندر اتصلت والجوال مقفل
\
بس بعرف متى توصل رحلتك علشان استقبلك في المطار(( كوني موظف فيه )) واعطيك ايااها

واللي يقول حاحز وما قدرت تدفع قيمة التذكره >> اعتبرو ان الشخص نفسه هو نادي الهلال ويحتاج دعمنا

وبعدين وش بتضرك كلها 80 ريال خذها للرجال واعتبرها دعم للزعيم وجمهوره

إقتباس الرسالة الأصلية كتبت بواسطة فواز الزميلي أخوي بندر اتصلت والجوال مقفل \ بس بعرف متى توصل رحلتك علشان استقبلك في المطار(( كوني موظف فيه )) واعطيك ايااها واللي يقول حاحز وما قدرت تدفع قيمة التذكره >> اعتبرو ان الشخص نفسه هو نادي الهلال ويحتاج دعمنا وبعدين وش بتضرك كلها 80 ريال خذها للرجال واعتبرها دعم للزعيم وجمهوره

هلا فواز

انا رحلتي توصل الرياض الساعة 3.30 م يوم الخميس 28/12/1432هـ
وراجع ثاني يوم

وبالنسبة للجوال مقفل . يمكن الشبكة او شيء من ذلك

على العموم جاني رقم آخرة 703 اذا كان رقمك ابي اخزنه واكتب (مطنوخ الرياض)

الله يسعدك يافواز (قمت بعمل ادارة الهلال بدقة)

تم شرااء التذاكر يالغااالي قبل قليل

انتظرك وتوصل بالسلامه يالغاالي

http://www7.0zz0.com/2011/11/23/15/324655887.jpg


والعذر والسموحه منك ع القصور مارحت الا متأخر لسبب المرض >> حراره وزكمه وخلها ع ربك

إقتباس الرسالة الأصلية كتبت بواسطة فواز الزميلي تم شرااء التذاكر يالغااالي قبل قليل انتظرك وتوصل بالسلامه يالغاالي http://www7.0zz0.com/2011/11/23/15/324655887.jpg والعذر والسموحه منك ع القصور مارحت الا متأخر لسبب المرض >> حراره وزكمه وخلها ع ربك

كفوووو يالنشمي كفوووو

ماتشوف شر يالغالي وعساها تخفيف ذنوب ومعافا إن شاء الله

بكره إن شاء الله انا جاي وهديتك معي يالغالي

بالتوفيق للهلال في المباراة