La Liga 13 .. قمـة الجـولـه الخفافيش × الملـوك - نادي الهلال السعودي - شبكة الزعيم

Gran Atlético · #1 20/11/2011, 01:55 AM

الحقيقه آستمتعت بـ مشاهدة لـقاء فالنسيا و ريال مدريد , وجماهير المستايا كـ العادة هي الفارق في نادي فالنسيا ..

أعتقد بأن آميري قام بالآختيار الخاطىء حينما آشرك الحارس دييجو آلفيس لأن أشوف الهدف الثاني و الثالث لـ الريال
كان بسبب دييجو ألفيس ..

وعودونا الرياليه لازم كل مباراة يكون هناك وقفة من الحكام

Hala Madrid · #2 20/11/2011, 02:05 AM

^

أحلى شيء انهم يوصفونك بالمرتزق ويصرح رئيسهم ودنا نفوز عليهم بهدف تسلل
وتجي تفوز عليهم بتحكيم

ابو دحه حبيبي انت شف من الي يتكلم مشجع للاتلتيكو هههههههههههههههههه هو فيه احد يشجع الاتلتيكو ؟
الوعد الاسبوع الجاي بس بيقلبها صياااح لحاله يعني بيصيح مع نفسه هههههههههههههه

hilalemooot · #3 20/11/2011, 02:11 AM

قهر والله

من يقول الكورة تعطي اللي تعطيها بالله قربوه مني اتودس ببطنه

مع الغيابات الكبيرة بالذات غياب توبال و بانيغا .. وركنه بابلو على الدكة .. مع ذلك تقريباً فالنسيا كان افضل بمجمل المباراة .. فيغولي طووول كثير بالملعب .. ممكن اتفهم انه الافضل من بابلو في الفترة الماضية بس اللي اعرفه ان بابلو مزاجي ويتفلت بالذات بمثل هالمباريات .. الله يصلحك يا ايمري

الحكم .. لا تعليق .. دايم في مباريات الفريق مع البرسا والريال بالذات في ملعبنا ما يكون عندي ادنى شك ان الفريق راح يقدم مباراة كبيرة .. بنفس الوقت وبنسبة كبيرة اكون واثق اننا بننزرف .. ماني متكلم عن اي شي بس الوضع الطبيعي طردين اقل شي للريال + بلنتي + الهدف الثالث للريال فاول على اوزيل لما ارتقى على البيلدا اعتقد .

الحمدلله على كل حال .. خسارة قبيحة مرارتها ان اللاعبين كانوا يستاهلون نقطة على اقل تقدير .. مبروك لعشاق الريال .. سولدا

اعتقد الوقت مناسب جداً ومن الظلم انه ما يكون بتشكيل المنتخب الاسباني .. حالياً افضل مهاجم اسباني مع يورنتي بلباو من وجهة نظري

فريق يشّرف .. شكراً فالنسيا

زيد حلو النظام حقك .. اجل نكاية بتصريح رئيسنا يصير الزرف جميل خخخخخخ .. ما تترقع يا صديقي .. ترى عادي تقول زرفناهم بس لا تسوي انك مستمتع بالفوز بهالطريقة

.. مبروك لك ولابو دحة بعد يستاهل :$

Night$Wolf · #4 20/11/2011, 02:24 AM

إقتباس

الرسالة الأصلية كتبت بواسطة hilalemooot


	.. ماني متكلم عن اي شي بس الوضع الطبيعي طردين اقل شي للريال + بلنتي + الهدف الثالث للريال فاول على اوزيل لما ارتقى على البيلدا اعتقد .

معليش ياخوي بس ممكن تقولي من اللاعبين اللي لازم ينطردون من الريال
مشكلة إذا قلت اوزيل ومارسيلو!!!

وإذا بنتكلم عن الحكم
ابي اعرف كرت كريس على اي اساس
مع إن ضربة البيدا قبلها بدقيقة حسبها فاول بدون كرت رغم إنها تعطيل هجمة صريحة للريال
كرت اوزيل على اي اساس وهو واقف لحاله في الحيطة!!

ظهير فالنسيا اليسار واللي الحمد لله نسيت اسمه
قالبها كورة سلة كل مالمسه احد فاول والمشكلة إن مافيه ضرب من اوزيل اندفاع بدني لا اكثر ولا اقل
بالله وش بيسوي إذا راح الدوري الانجليزي!!
مورينهو بغى يتفلت وينزل يجلده من كثر تمثيله

سولدادو زي ماذكر ابو دحة مابقى احد ماتهاوش معاه
ويكفي كورته مع مارسيلو الحكم يعطي مارسيلو كرت ويحسب له فاول وقايم يهاوش ويطاق
خير إن شاء الله !!

اختصار للمباراة
فالنسيا عارف إنه ماراح يقدر يجاري الريال في الملعب فحاول يخلي اللعب برى الملعب
استفزازات وتمثيل كلها عشان يجرون لاعبين الريال نفسيا بره اللعب
وندخل معركة نفسية راح نخسرها لأننا على ملعب المستايا

لكن فنيا و11 ضد 11
ماعتقد فالنسيا راح يشكل ند قوي للريال

هاردلك لك
ولعشاق فالنسيا

وعلى البركة استمرار صدارة الليجا
لعشاق الملكي

VALENCIANISTA · #5 20/11/2011, 03:08 PM

إقتباس

الرسالة الأصلية كتبت بواسطة Night$Wolf


	فالنسيا عارف إنه ماراح يقدر يجاري الريال في الملعب فحاول يخلي اللعب برى الملعب استفزازات وتمثيل كلها عشان يجرون لاعبين الريال نفسيا بره اللعب وندخل معركة نفسية راح نخسرها لأننا على ملعب المستايا لكن فنيا و11 ضد 11 ماعتقد فالنسيا راح يشكل ند قوي للريال

معليش يا غالي .. بس كيف فالنسيا ما جارى الريال ؟ إرجع لـ المباراه و شوف بـ عينك .. الريال أمس ما كان له أي خطوره بـ إستثناء إنفراد رونالدو
أساساً الملخّص يبين لك إن فالنسيا كان أفضل .. الهجمات أكثر .. التسديد على المرمى كان أكثر .. الريال كان ماسك اللعب الشوط الأول لكن بدون خطوره
بـ العكس هذي كانت أفضل مباراه لـ فالنسيا ضد الريال بـ الذات من يوم الـ3-0 قبل 3 مواسم .. أما حكاية الإستفزاز و التمثيل فـ الفريقين عملوها
عموماً المباراه راحت بـ خيرها و شرها ، و مبروك لكم و لو إنكم ما تستاهلون

Hala Madrid · #6 20/11/2011, 02:28 AM

إقتباس

الرسالة الأصلية كتبت بواسطة hilalemooot


	زيد حلو النظام حقك .. اجل نكاية بتصريح رئيسنا يصير الزرف جميل خخخخخخ .. ما تترقع يا صديقي .. ترى عادي تقول زرفناهم بس لا تسوي انك مستمتع بالفوز بهالطريقة .. مبروك لك ولابو دحة بعد يستاهل :$

احمد انا قايلها استهبال على خوينا الي فوق يقول متعودين ومدري ايش وانا ادري ان فريقنا ما زرف من فالنسيا شيء , بالعكس حنا
الي انزرفنا المفروض كوستا مطرود من قبل ما تبدأ المباراه لكنه كملها كلها , خوردي البا مصخها بالتمثيل اي احتكاك يطيح ويبي فاول وكرت المفروض يلزخه الحكم بكرت عشان ما يعيدها ومشاها له الحكم اكثر من مره , كريس يتدخل عليه البيلدا وما يعطيه كرت ومن اول فاول لكريس وعلى البيلدا نفسه ياخذ كرت

سولدادو قلب المتش حلبه مصارعه كل شوي متضارب مع واحد وما يجيه شيء , البلنتي الي تقول عنه ناظر يد البيول زين والكوره بطريقه له رفع ايده وصقعت صدره الا اذا انت تشوفها شيء ثاني هذا شيء راجع لك , مادري وين الزرف الي تقولون عنه ؟ 7 من لاعبيننا ماخذين كروت صفر

وش هالزرف الي انقلب علينا هههههههههههه