حكايات ميرو - نادي الهلال السعودي - شبكة الزعيم

algohmani · #1 12/11/2011, 03:46 PM

بسم الله الرحمن الرحيم

كيف الحال أعضاء مجلسنا وكل عام وانتم بخير

البداية بالعنوان ويازين الدلع على الشيبان

تحس إنه كابريس تسعاوي حاطين له زينة

ميرو هذا اسم الدلع حقي اللي اختارته المدام هههه .

يالله خلوني أتدلع

بس ماعجبني ...............>>>> وهو بكيفك

توي صاحي من النوم وساحب على الدوام ومن فرحتي قلت خلني اشوف جماعتي وربعي وحبايبي هنا وبعدين والله من زمان عنكم

عاد لاحد يقول وراك ساحب على الدوام أصلا . صحيت متأخر وقدامي 80 كيلو للدوام ولو تنازلت وغسلت وجهي يوميتي تقريباً ب 450 وقسيمة ساهر ب 500 بعد ماتتدبل

فغيابي أوفرلي بخمسين ريال . أعرف كويس ساهر اللي على طريق الملك عبدالله بأبها قسايمه قوية وتقصم الظهر فيقول الواحد لو نمت اصرفلي من قسيمة خذت حق الدوام .

ماعلينا . لكن مافي أصعب من ساهر مكة تخيلو مرة من المرات عمي بالطائف وكل مامر شقة مفروشة لقاها ب 500 وفوق فقال لعياله ننزل مكة وننام ببيتنا اصرف ههه تخيلو نزل من الطائف لمكة واكل قسيمتين هههههه يقول لو نمت بالطائف وراحت الفلوس بالشقة كان احسن من ساهر

لذلك أنصح كل المواطنين بإكمال النوم اذا صحيتم متأخرين ماله داعي تاكل مقلب .

ملابس نسائية في شنطتي

انا وزوجتي مانعرف شيء اسمه تخطيط الشيء اللي يصك بروسنا نسويه هع فتخيلو الساعة اثنين اقولها وش رايك نروح دبي الصبح هههه دخلنا موقع الامارتية ولقينا حجز وقررنا نسافر رغم اننا مواصلين

لكن المواصلة جابت العيد في صاحبكم

بعد ماوصلنا دبي نبغا الحقائب حقتنا

فلما جيت ادورها لقيت شنطة زوجتي ووراها شنطة بنفس حجم وشكل شنطتي وورا شنطة زوجتي بالضبط من الذكاء الزائد توقعتها شنطتي .

شلتها معي بس كويس اني ماشلتها للفندق معي . بعد ماطلعت الشنطة جاني شك غريب قلت خلني اتأكد من الاسم شفت الاسم الا والاسم فاطمة هههه قلت يمكن خطأ مطبعي ( قمة الغباء صح

) فتحت الشنطة وكويس فاطمة مو جنبي ولافي احد شافني . جات عيني على الملابس الداخلية واطالع مرة ثانية قلت ياولد تعوذ من ابليس ورجعها بسرعة قبل احد يشوفك ههه

رجعتها وشافتني وحدة شكلها صينية بس شافتني وانا ارجع مو افتح هع

قلت في نفسي عادي تحصل بأرقى العائلات

. وبعد مارجعتها انتظرت وشفت اسمي على شنطتي وشلتها هع . من الوسوسة قبل اطلع التاكسي شفت الاسم من جديد

جيعان وطلبت شاي

في مورسيوش كانت اللغة الابرز لهم الانجليزية ولولا زوجتي كان مت من الجوع

بيوم كنت جيعان مرة وزوجتي نايمه وتعبانة شوي ومارضيت اصحيها فرحت للمطعم ابغا اطلب ابغا اقول للعاملة اللي بالمطعم جيبي القائمة وبختار منها اي مصيبة

ان شاء الله لحم خنزير ( مزحه بس ماسويها لو اموت ) ماعرفت فلما جاتني قلت بليز تي يعني شاهي ( اخ ياحسن الالماس هذا اللي خرجنابه من تدريسك لنا تي ) يوم قلت تي قعدت تقول كلام كتير تبغا تقولي ان الشاهي انواع ومدري وشو قلت نو سبيك انجلش ههههه قلت تعال ويوم جيت عطتني اوراق شاي كتيرة واخترت واحد منها ومشيت وبطني يصرصر من الجوع . ابغا اقولها تشكن بس قلت ياولد بتجيب العيد وتحملت الجوع .

تتبرع للمطعم ؟

مطاعم دبي بعضها غالي بالنسبة لواحد مثل حالتي لكن ماحب الاستهبال اللي مرة في أحد مطاعم دبي طلبنا اثنين برجر واثنين بيبسي وطلع الحساب 292 أنا عن نفسي انصدمت متعود على برجر بثلاثة ريال واذا ضربته الحمى ب 16 ريال لكن 292 كان بالنسبة لي رقم كبير هع عاد هذاك الوقت الواحد يسوي ولاكن شيء حصل عادي خصوصاً انه قدام حرمته وإلا لو لوحده كان تضارب مع عمال المطعم .

لما جات الفاتورة العامل تكلم كلام مافهمته قلت لزوجتي وش يقول ؟ قالت يقولك دخل مبلغ تتبرع فيه للمطعم قلت لسا بعد 300 هذي بتترع قولوليه ولا درهم .

طالعت بوجهه قلت يارجال يالله كملها 300 وش فرقت قدك أكلت المقلب بالمطعم لا من زين البرجر حقه لو مسوي واحد بالفندق كان طلع احسن .

BMW والتصريفة حقتي

الاسبوع الماضي شريت بي ام مستعمل عاد أخوكم متعود على الياباني اللي تحط المفتاح في السويتش وتفركه لين تشتغل السيارة لا والمصيبة الثانية اني ماعمرت جربت قيادة سيارة اوتوماتيك .

لما دخلت السيارة ابغا اشغلها ماعرفت

قلت لحطتها وين كوكو والكامري والبرادو

خرجت من السيارة وقلت لصاحب المعرض مافي داعي اشغلها

باخذها على الوكالة ابغا افحصها قلي اوك خذها معك وافحصها

قلت لا ياخوي هذي بي ام وانت عارف السيارة مابعد شريتها واي ضربه فيها فيها بمبلغ وقدره قال اوك بنرسل معك سائق . طلعت مبسوط

لأني بفتك من الحوسة للتشغيل والقيادة .

لما طلع وشغلها لقيتها سهلة مرررة قلي بعد ماحركها تعال سوق عشان تختبر السيارة بنفسك لو فيها شيء ولا شيء قلت لا ماعليك بمركز صيانة الناغي راح يطلع كل شيء

طبعاً السيارة للحين بالمعرض من أسبوع وكم يوم بس يبغالها واحد فاضي ينقل ملكيتها . أو ارجع اسلم الأوراق للمعرض وهم يخلصوها وبس

لاحد يقول يعنني معاي BMW

الى اللقاء .

حروف الغلا · #2 12/11/2011, 04:59 PM

هلا بمشرفنا سابقا

عيدك مبارك و انت و المدام بصحة و سلامه

معروف الاكل بمطعم الفندق او اي مطعم راقي الفاتورة اضعاف مضاعفة

و فعلا الواحد يتحسر عليها ، حتى لو كانت من باب تغيير الجو

موقف الشنطة :

يصيبني وسواس عجيب غريب و انا اتريا الشنطة بالمطار و لو متأكدة منها لازم افتحها لزوم التأكيد

ولكم باك و الله يحلي ايامك مع المدام دووووووم

(اسير& المحبة ) · #3 12/11/2011, 07:10 PM

المفروض تكتب في الموضوع +18 لانك شاطح اشوي

يالله حي مشرفنا سابقا بس صراحه اعجبني الدلع ميرو مع اني لواشوف وجهك دريت ان مافيه اي مقارنه

لكن نمشيها عشانك مشرف سابق

ياانهم متشددين على المدرسين اللي يسحبون اول بعد الاجازه يعني الله يعينك وحسب ماقريت ان اليوم بيومين بعد الاجازه يعني 100 خصم بس تضل ارحم من ساهر

إقتباس


	. لكن مافي أصعب من ساهر مكة

ساهر مكه اكثر ساهر قد شفته اكثر من الرياض حتى مع فرق الشوارع لكن في مكه في كل شارع استاجرت سياره في مكه ووقفتها عشان مااخذ مخالفات لو سلمتها ووفرت فلوسي كان احسن لكن وش اسوي في كل شارع باص او باجيرو يعني صايدينك صايدينك الله لا يعوق بشر

بالنسبه لسالفه الشناط دايم في المطار اخم الشنطه اللي تشبه شنطتي والحمدلله ماغلطت ولا مره كلها تطلع شنطتي لكن شكلي يوم بجيب العيد والله يستر لا اطيح في شنطه عجوز بتطلع الشنطه كلها سراويل خط البلده

سالفه المطاعم مااحب اهايط فيها عشان مااتورط بفاتوره غاليه او اكل اللهم لك الحمد يااني اخذ شي طعمه حلو واثق منه واعرف سعره عشان مااتورط يااني اجلس بجوعي اصرف

ياخي اما سالفه المويه في الحمامات هذه ماخشت مخي ماادري كيف ينظفون بدون مويه

يخرب بيتهم ابو القرف ياشيخ الله يعين اللي يسافر برا يبغاله ياخذ دبه مويه مثل حق البر عشان يحل الوضع والا بيتورط

صح ياراعي البي ام بس مع اني انصحك لا تاخذه الا بعد ماتتسشير ناس معهم نفس السياره وتفحصها زين عشان ماينطبق عليك المثل يامن شراله من حلاله عله والله يبارك لك مقدما

رادويهـ · #4 12/11/2011, 10:53 PM

موضوع الشنط عمرها ما صارت لي الحمدلله ..

طبيعي لان شناطي مميزه اكثر وحده راايحه فيها على طول اسحبها ..

دايما ينفرط سحابها من المعامله الرقيقه ..

.......

والف مبروك البي ام ..

يعطيك خيرها ويكافيك شرها ..

ويعمي ساهر عنها ..

أبو عبدالملك الهلالي · #5 13/11/2011, 07:17 AM

حكايات رهيبة يبي لك تجمعها كلها في كتاب وتطبعه
تعليقات لنقاط :
1- الله يوفقك انت وزوجتك ويديم السعادة بينكم , ماشاء الله عشان ما تقول حسدناك

2- ياخي تعلم انجليزي مافيها شيء كلها كلمات وجمعها وتطلع كلمة مفيدة مافيها كلجات مثل العربي
3- غلاء فاحش برجر بـ 300 هذا برجر مرصع بالذهب , شكلي اذا فكرت اروح لدبي باخذ معي خبز وجبنة كرافت عشان ما اموت

4- الله يعطيك خير البي ام ويكفيك شرها ع البركة يا ميرو ............. يالبى ميرو ق1
5- تقبل مروري

sam-2007 · #6 14/11/2011, 10:20 AM

ميرو ،، ياخي انت حكايتك حكآيـه يعني لازم تطلع الفضائح ،،،،

طيب كان سويت فيها هناك كينغ مثل صاحبك < دايم اتفشخر واكلها سلفيات اذا رجعت الرياض خخخخخخخ

ع العموم البي ام حلوه بس ياكثر حساساتها < لبى الكامري بس هع