لعيونك يا اخضر نحضر يعني نحضر (حمله يا شباب) - نادي الهلال السعودي - شبكة الزعيم

كاوديلو · #1 10/11/2011, 12:09 AM

السلام عليكم ورحمة الله وبركاته

بدون مقدمات الموضوع وما فيه منتخبنا بيلعب يوم الجمعه
بصراحه انا مستغرب من بعض الشباب اللي يقولون ما بنخضر وما ادري ايش
منتخبنا لو ماوقفنا معه في هالاوقات اوقات الازمات متى نوقف معه يا شباب اذا بيكون تفكيرنا بهذي الطريقه تروا بنطيح وطيحه كبيره
يا شباب لازم نكون حمله لتشجيع المنتخب
انا عن نفسي بجمع الشباب بالطيب بالغصب بأجيبهم معي الملعب
وكل واحد منكم يجيب معه اكبر عدد ممكن حتى لو كانوا مايفقهون في الكوره جيبوهم يستانسون معانا هذا الاخضر يا شباب
تروا ماينفع نقاطع المنتخب او مانحضرله بكذا نكون طبقنا هذي العباره (( غرق الغرقان اكثر)) وانا بصراحه متفائل بالفوز وبحضور كبير
(لعيونك يا اخضر نحضر يعني نحضر )
اللي يايدني يكتب :معك:يالله يا شباب

زعماوي 10 · #2 10/11/2011, 12:31 AM

كنت اتمنى يلعب المنتخب بـالشرقيه او بـجده او بالقصيم

لانه فيه حضور جماهير كثيف

اما بالرياض ما حولك احد ملهم عـيال استراحات

ما فيه جماهير تهز الملعب

لكن اتمنى تنعكس هالنضريه ويردون شباب الرياض على منتقديهم رد قوي

تحياااتي لك اخوي

معمر القذافي · #3 10/11/2011, 12:37 AM

الى الامام يا شباب لابد من مساندتكم للمنتخب

بالتوفيق للصقور الخضر

ʂįĺνєɾ · #4 10/11/2011, 12:46 AM

سوييت لك تصميم بسيييط

يا بعد الدنيا · #5 10/11/2011, 02:53 AM

المباراه و ين بس في ويمبلي ولا السنتياقو ولا الكانب نو

خلهم يحسون في معانات المشجع السعودي مع العساكر و سوء الخدمات

مع احترامي للمنتخب السعودي لن يستطيع التأهل و انا لن أحظر ليس لأن حظوظ المنتخب ضعيفه بل لسوء المستوى الفني للاعبين و المدرب

سعوديه والهلال ناديه · #6 10/11/2011, 03:05 AM

لبى قلبك انت وصاحب الموضوع
نعم من لايقف مع وطنه وقت الشده فلايشد فيه الظهر ابدا
وهنا تبان معادن الرجال المخلصين
نعم كلنا نعرف ان مستوى منتخبنا غير مرضي
لكن حضورنا واجب علينا
ولا عزاء للمتعصبين
كلنا مع الاخضر وبحول الله نشوفه يرجع ولما يلعب الكل هيابه