,
نحمد الرحمن عالم كُل غيب
مايشئ يمحوا ويثبت فالكتاب
الأله اللي على خلقه رقيب
مُحيي الاموات في يوم الحساب
كاتب أجآل البشر حكمه مُصيب
من تراب إنا ونرجع للتُراب ..
إرتضينا بالمقدر والنصيب
مُؤمنين ومالنا إلا ألأحتسآب
حسبُنآ الله العظيم المُستجيب
كثر مادعوات خلقه إستجآب
يآحُزن بالوقت تنزاح وتغيب
ومن رحل سلطان غيبت الغياب
كل مالك اكثر واكثر قريب
وين طبعك ياحُزن أمرك عُجاب
أعذرك فالكون في موقف مُهيب
آه ياكبر المُصيبه والمُصاب
الوطن ياعم في ضلوعه نحيب
والدموع أمطآر وعيونه سحاب
ليه وجه المملكه شاحب كئيب
إبتسامتك اختفت هذا الجواب ..
ياعجيب العطف يآالعطف العجيب
يآصعيب الوصف يآمُفني الصعآب
مُفني الأيام طيبٍ بعد طيب
كآفل الأيتآم فكاك الرقاب
يالنجيب القرم يالقرم النجيب
ياعضيد المُلك من فجر الشبآب
سيفه البتار فالوقت العصيب
غيثه المدرآر كان الوقت طاب
من صباك الفذ لأطراف المشيب
أصطفآك المجد قمه وأكتسآب
بك يحق الفخر و يزين ويطيب
كيف عاد أن كان لي فيك أنتسآب
كان جت لطيب يالصدر الرحيب
فـ أنت منشئ الطيب فقدوم وذهاب
وكان جت للعزم فـ ألامر الرهيب
فـ أنت حزم وجزم مقدآم ومُهآب
وكان جت للجود فأنت بدون ريب
سيد أهل الجود مافيها إرتيآب
ياعذاب الجود من فقد الحبيب
ياحبيب الجود في فقدك عذاب
للنُبل والخُلق والجود الغريب
مابلغنا الوصف جانبنا الصواب
ماكتب ربي لنا حتمًا يُصيب
مرت الايام وأكملت النصاب
ياآله الكون يالرب الحسيب
أعتقه من حر نارك والعقاب
وأسقه من الكوثر بيد الحبيب
وأجعل الفردوس له أجر وثواب ..
صح لسآنك يآأبو مسآعد آمِينْ آسفه إذا فيه أخطآء