بسم الله الرحمن الرحيم

السلام عليكم ورحمة الله وبركاته

تصفحت المنتدى وشفت نقد غير طبيعي للفريق ..
من حقك تتنقد
بس تقول الهلال (فاشل) في هذي أسمح لي

خذ وضع فريقك قبل لاتتنتقد

1- الإدارة:
شبيه الريح ما خلى ولا بقى وفرض أحترامه وإحترام ناديه في الوسط الرياضي
جاب لك أفضل اللاعبين المحليين والمحترفين وصرف دم قلبه وفوق هذا فاتح له حساب تويتر يخاطب به الجمهور بشكل شبه يومي لحرصه على إرضائك..
حسن الناقور ما خلى شي الا وتكفل به عشان يطلع المدرجات بأبهى صورة والخلل في بعض الجمهور سواء اللي ما يحضر أو اللي يحضر ولا يتفاعل (تكملة عدد يعني)
سامي الجابر قاعد يطور نفسه مع انه وصل لمستوى ممكن انه يكتفي مثل كل اللاعبين السعوديين , لكن هذا الشخص يطور نفسه لخدمة الهلال وأثبت وجوده كلاعب وكإداري وان شاء الله يثبت وجوده كمدرب.
ولايهون باقي الجهاز الفني والإداري.

2-الفريق
على الرغم من اننا مغيرين أربع أجانب ولكن الفريق في المركز الثالث مع أفضلية مباراة مؤجلة ضد الاتحاد وفي حال الفوز تكون متصدر!!

3-الألتراس
ناس ذابحين روحهم انا ما تعودت على أجواء الألتراس ودايم أحضر مباريات المحرق بالرابطه والمزمار والطرب لكن قوانين الإتحاد تلزمك أنك تشجع بهالطريقه
شباب يبح صوته يبي يحمس اللاعب ويبي يخدم الفريق
وانتوا ما غير طايحين بالألتراس فاشل و تعبان وما يصلح
انا كنت متواجد بينهم في مباراة الرائد وشفت شباب ذابح نفسه عشان يحمس اللاعبين
وانت تجي في الأخير وترمي عليهم كلام يضايقهم
بدل ما تشكرهم وتآزرهم وتشد على يدهم !!

في النهاية
اقول حق كل واحد يبي ينتقد (خاف ربك في اللي تقوله )
وتذكر
كلام أشرف الخلق وخير الأنام

عن أبي هريرة رضي الله تعالى عنه أن رسول الله صلى الله عليه وآله وسلم قال : (( من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره ، ومن كان يؤمن بالله واليوم الآخر فليكرم ضيفه )) رواه البخاري ومسلم