|
لا تدخل الا إذا حال النادي مب عاجبك .!! بسم الله الرحمن الرحيم السلام عليكم ورحمة الله وبركاته تصفحت المنتدى وشفت نقد غير طبيعي للفريق .. من حقك تتنقد بس تقول الهلال (فاشل) في هذي أسمح لي خذ وضع فريقك قبل لاتتنتقد 1- الإدارة: شبيه الريح ما خلى ولا بقى وفرض أحترامه وإحترام ناديه في الوسط الرياضي جاب لك أفضل اللاعبين المحليين والمحترفين وصرف دم قلبه وفوق هذا فاتح له حساب تويتر يخاطب به الجمهور بشكل شبه يومي لحرصه على إرضائك.. حسن الناقور ما خلى شي الا وتكفل به عشان يطلع المدرجات بأبهى صورة والخلل في بعض الجمهور سواء اللي ما يحضر أو اللي يحضر ولا يتفاعل (تكملة عدد يعني) سامي الجابر قاعد يطور نفسه مع انه وصل لمستوى ممكن انه يكتفي مثل كل اللاعبين السعوديين , لكن هذا الشخص يطور نفسه لخدمة الهلال وأثبت وجوده كلاعب وكإداري وان شاء الله يثبت وجوده كمدرب. ولايهون باقي الجهاز الفني والإداري. 2-الفريق على الرغم من اننا مغيرين أربع أجانب ولكن الفريق في المركز الثالث مع أفضلية مباراة مؤجلة ضد الاتحاد وفي حال الفوز تكون متصدر!! 3-الألتراس ناس ذابحين روحهم انا ما تعودت على أجواء الألتراس ودايم أحضر مباريات المحرق بالرابطه والمزمار والطرب لكن قوانين الإتحاد تلزمك أنك تشجع بهالطريقه شباب يبح صوته يبي يحمس اللاعب ويبي يخدم الفريق وانتوا ما غير طايحين بالألتراس فاشل و تعبان وما يصلح انا كنت متواجد بينهم في مباراة الرائد وشفت شباب ذابح نفسه عشان يحمس اللاعبين وانت تجي في الأخير وترمي عليهم كلام يضايقهم بدل ما تشكرهم وتآزرهم وتشد على يدهم !! في النهاية اقول حق كل واحد يبي ينتقد (خاف ربك في اللي تقوله ) وتذكر كلام أشرف الخلق وخير الأنام عن أبي هريرة رضي الله تعالى عنه أن رسول الله صلى الله عليه وآله وسلم قال : (( من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره ، ومن كان يؤمن بالله واليوم الآخر فليكرم ضيفه )) رواه البخاري ومسلم |
صدقت ياخوي عساك عالقوه يآرب،،واللهم وفق هلالنا |
مشكووور ع هالطرح وبالتوفيق للهلال إن شآء الله |
صحيح الادارة نادي الهلال قدم شي كبير عمل صباح وليل ليكون نادي الهلال بواجهة الدوري اشكرك اخي عبدالله على الموضوع الجميل تحيتي لكـ |
الاداره عملت عمل لاينكره الا جاحد والالتراس عساهم ع القوه ماقصروو لبى قلوبهم بالنسبه للعيبه ينقصهم الانسجام وشوية احساس باحتراق الجمهور على فريقه وانت يامورينهو <<< مع اني ما اطيق ذا الاسم الا انك لبى قلبك ماتقصر تكفي عنوتك من المحرق للرياض حتى تدعم فريقك اخوووك alrssam 472 |
ياداراه نبي اضهره مساء الخير يازعماء كلمو الامير نيبه سلطان اليامي والشهراني ناس تعرف تلعب وسلامتكم :rose:::test:::alzaeem: |
ماني متفائل بالفريق في هالموسم ،، مدري ليش :( |
عجبتني لقطتك مع شبيه الريح في توقيعك. |
إقتباس:
إقتباس:
|
يعطيك الف عافيه وجزاك الله خير على كلامك الراائع والالتراس ماابغى احد ينتقدهم ياتكون معاهم ياتسكت يعمل عمل جددددا رائع |
مشكور اخوي وكلام في الصميم وبالتوفيق للزعيم |
يعطيك الف عافيه وجزاك الله خير على كلامك الراائع |
مورينهو عساك سالم,, كل الكلام اللي ذكرته عالعين وعالراس,, الاداراه,,الاجانب,,المحليين,,==توب ون,, بس الخوف كل الخوف من المدرب,, صحيح كان هو الخيار الوحيد,, وماقدامنا احد ثاني,,ولوفيه ماقصر شبيه الريح,, بس خلاص هو الموجود,, الخوف من توماس بس انشاءالله يخيب ظنون نقاده وينجح,, |
آدآرتنآ تقولِ آصبروِ , وآحنآ صآبرين ي آبو فيصِل , كل آلشكر - |
الاداره ما قصرت والامير قال اصبرو وان شاء الله الفريق راح يصير ع قد الطموح والمنافسات وع دول با العكس يعجبني تفكيره وشغله بس يا ليت الاعبين يساعدونه في تطبيق طريقة اللعب اشكرك اخوي ع الطرح |
## يٌ ليتٌ آغلبٌ آلجمآهيرٌ تكونٌ بنصٌ عقليتكٌ ذى يعععطيكٌ آلعآفيهٌ |
يعطيك العافيه اخوي مورينهو على الكلام الرائع |
كلاآآآآآم سليييم.... يعطيك العافيه |
الكل أعتقد يتفق بأن أداء الفريق حاليا لا يرتقي لفريق يفترض به أن ينافس ويحقق بطولات خاصة الأسيوية المستعصية ولا أحد يستطيع أن يلوم الجماهير الهلالية الغاضبة وهذا الغضب والنقد هو من يشحذ همم الفريق وليس التطبيل والمديح واصبروا وبالنهاية خسارة بطولات والموعد الموسم الجاي لكن في نفس الوقت يفترض بالجماهير المحتقنة أن تخفف النقد للمدر والأجانب لأنهم جدد على الفريق والحكم عليهم يعتبر اجحاف ولكن اللاعبين المحليين خاصة من مثلوا الفريق في الثلاث مواسم الماضية على مستوياتهم عدة علامات استفاهم وعموماً , الادارة تنتقد وبشكل كبير على تقصيرها في جلب لاعبين محليين يسدون جوانب النقص بالفريق التي يعرفها أصغر مشجع هلالي وهي الأظهرة وسنتر مع أن المدرب يلام لأنه مازال يضع ثقته في لاعبين حرام يرتدون قميص الزعيم فضلا عن تمثيل الفريق فلا أعلم حتى الأن ماذا يريد الهلال من حارس مثل العتيبي أوظهير مثل نامي أو ستنر مثل المرشدي ولا يهون الزوري المحصلة النقد يجب أن يوجد لأن هناك قصووووووووووووووور |
الف شكر لك كلامك على متمه وارجو من الجمهور الهلالي المسانده وعدم التجريح |
~ صح عليك ، بدال ماتنقد كذا اصبر ع الفريق ، وشجع !! |
إقتباس:
أعتقد انه مغبون من معاملة الأندية الهلال في حال أراد التعاقد مع أحد لاعيبها الصفقة مع أي لاعب محلي تكون بمثابة إبتزاز أكثر من كونها صفقة انتقال !! ولايهون الأصفرين |
مشكووور ع هالطرح وبالتوفيق للهلال إن شآء الله |
ما يسبك الا اللي يحبك اخوي احنا اذا انتقدنا من حبنا للهلال ولو لم ننتقد لم يصل الهلال الى ما وصل اليه تخيل الهلال بدون جمهور وبدون نقاد كان صارعنا على الهبوط واللي معجبه مستوا الفريق لا يفقه كوره انا ما اعرف اجامل وانافق بقول الحق الهلال مستوا ه سيء والاجانب مو قد الطموح و المدرب ايضا مو قد الطموح الاداره ما قصرت وبذلت الغالي والنفيس لكن الى الآن لم توفق بإذن الله تتغير الاحوال وانا متأكد انك انت يا كاتب الموضوع لم يعجبك وضع الفريق لكن تجامل والدليل كتابتك للموضوع لم تكتب هذا الموضوع من فراغ على العموم تحياااتي لك وتحياتي للامير عبدالرحمن بن مساعد وتحياااتي للجمهور الهلالي |
صدقني سبب دخولي للموضوع هو ان كاتبه انت ! صدقت صدقت في كل كلامك , وصدقني بطولتين رآح تكون من نصيب الهلال بإذن الله ! والمدرب عطوه وقت , نقدر نحكم عليه بالانتقالات الشتوية , لأن وقتها راح يكون عدت 14 جولة , ! |
إقتباس:
لكن لما يجي سب , او كلمة سلبية تحطم من الهمه ! ليه كذآ ؟ ماتسوى والله يعني لو انتقدنا قلنا (ي فلان انت اليوم كذا وكذا لكن لو تسوي كذا اتوقع يكون افضل !) ماراح يضر شي الا بيرفع من الهمه احيانا احس ان قسم منتدى جمهور الهلالي , هو ملتقى المحللين ض1 كل عام وانتم بخير |
إقتباس:
الادارة بذلت الغالي والنفيس أتفق معك تماما الى الآن لم توفق, بطولة الدوري مرتين على التوالي وبطولة كأس ولي العهد و نهائي كأس الملك ياليت تقول لي في ايش لم توفق ؟!!!! |
إقتباس:
كتبت الموضوع لأن أحدهم وفي هذا المنتدى كتب الهلال فاشل !!!!!!!! |
إقتباس:
شوف لا تشره في ناس يشوفون ان البطولة الوحيده اللي تعتبر بطولة هي دوري الابطال , والدوري والكأس , اشياء مو مهمه ! مع ان نظرية العالم العكس الاهم هو الدوري لأنه يثبت قوة الفريق ! , ,, يبغون بطولة أسيا عشان لما يشوف اصحابه الاصفرين يقدر يهايط عليهم ويقول احنا وصلنا للعالمية واحنا حققناها 7 مرات , بس مايدري ان كل شوي راح يطلعون عيب فيه لو توصل لأتفه الاشياء مثل ماوصلت حاليا لما يحاولون زعزعة افراد الزعيم , , وهذا حال المنتدى ع فكرة اذكر العام اخر 6 مباريات للدوري كيف كان كل يتفلسف وكيف كلهم يقولون ألعبو هالمبارتين بجد وهذي تراخو , ومن هالكلام في النهاية الزعيم ماخسر ولا مباراة وحقق البطولة , سبحآن الله وبحمده سبحان الله العظيم :smilie47: |
الله يوفق الهلال يارب ويكتب فيه الخير لزعيم . |
الألتراس عساهم ع القوه ماقصروو لبى قلوبهم |
آدآرتنآ تقولِ آصبروِ , وآحنآ صآبرين ي آبو فيصِل , كل آلشكر - |
صدقت ياخوي عساك عالقوه يآرب،،واللهم وفق هلالنا - ,, |
| الوقت المعتمد في المنتدى بتوقيت جرينتش +3.
الوقت الان » 09:14 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd