#1  
قديم 03/11/2011, 11:31 PM
زعيــم متألــق
تاريخ التسجيل: 28/08/2007
المكان: رومانيا
مشاركات: 1,128
Talking المواقف الأكثر حرجاً ( موضوع تفاعلي ) !!

* السلآم عليكم ورحمة الله وبركاته ..

في علم الكيمياء والحياه الدنيوية وفي زمن إنشقاق الأمم عن حكامها
ف من الطبيعي جداً إن أي شخص في هذه الحيآه أن يشطح أو بمعنى ألذ يجيب العيد
والمواقف كثيره حتى وإن كنت أكثر سلامةً من الشطحات ف أمراً طبيعي أن أخوك وأمك أو واحد من العيال له موقف مسجل في مخيلتك
قد يكون محرج ، مضحك ، ( مكس = محرج ومضحك معاً ) أرجوكم فكونا من الحزن !!

أبذكر لكم نقاط قد تستعيد آكشن مسجل في مخيلة كل شخص مر عليها الزمان وتلاشت :


- العصير في الزواجات وعلاقته الوطيده مع الثياب
- ضرب أحد الأشخاص وكنت تشك إنه أخوك
- ( أمك ، أختك ) ضاعت في السوق وتجي تسولف مع وحده بكل براءة
-بنت مفهيه تتلفت في المحلات وفجأه تخم اللي قدامها وهي ماتدري


هذي نقاط كتبتها وكما ذكرت علشان تسترجعون المواقف
نريد أن يكون الموضوع أكثر تفاعلاً وتكتبون لنا مواقفكم ي الله بسم بالله


،،
اضافة رد مع اقتباس
  #2  
قديم 04/11/2011, 01:22 AM
الصورة الرمزية الخاصة بـ مخاوي ابو سلطان
موقوف
تاريخ التسجيل: 16/04/2007
المكان: الـريـاض
مشاركات: 489

واللهي صآر لي موقف محرج مررررررررررررهـ ،،

مره كنت موقف سيارتي في المحطه الي على شارع التخصصي ( قبال بنك
الأهلي ) ورحت مع وآحد مشوار، ورجعت لــ سيارتي ع الساعهـ 11 تقريباً،
طبعاً يوم نزلت من سيارة صديقي شفت سياره ( تشارجر ) مصفطه جنب سيارتي،،
مصفطه مرررررررره حتى بالغصب قدرت آفتح باب سيارتي !!
الموووهم ، يوم قربت من سيارتي وفتحت الباب وآناااااااااظر
وآشووووووووووف
إلا هذيك البنت المنسدحه على مرتبة الراكب في التشارجر
وآناظر قدامي مافي الا بقاله ( ولا آشوف آحد يشتري )
وآناظر يسسسار ولا آشووووف آحد
وآناظر ورآ وإلا مآفيه آحححد ، ي نواف وش الحل
جلست آنآظر شوي ، آشوف البنت حيه وإلا ميته وإلا تبي مساعده
وإلا الباب متقفل عليها واللهي البنت منسدحه وراسها مايل والوضع
مهب عآجبني مرررررررره حسيت إن فييييييه شي
وآقرب خشششتي آبي آقز وش دآخل السياره وياليتني ما قربت
إلا هذااااااك الي طآلع من البقاله ويصااااااااايح ويكلمني :
انت يا ....... ياللي فيك ومافيك والله لذبحك ويقرب مني
طبعاً انا أول ما سمعت صوته وألتفت وشفته جايني
بللللللللللللللللللللللللعت العافيه قلت ايه واللهي البلشه
ويقرب مني ويحط خششششمه على خششمي ويقولي
وش عندك تناظر ياللي ما تستحي ياللي ما تربيت ياللي فيك
ومافييييك ، ( انا اناظر فيه مدري وشقول ) !!!!
يوم جيت بتكلم والله بالغصب طلعت الكلمة قلتله هذي سيارتك
قال ايييييييييييييييه يا .......... !!!
وبعد ما آستوعبت الموقف قلتله اقول اركب سيارتك ولايكثر
بس هو محترم الصراحه ولا بقسسني صح انه سبني الييين قلت بس
بس ما تهووووووور
بعدين يوم شافني مدري وش آقول قال: اقسسم بالله لو آعرف انك سويت
شي لها إني لذبحك ، رديت عليه بكل برود : طيب اسألها
بعدين ركب سيارته ، وأنا ركبت سيارتي ( ماصدقت أركبها ) !
ويوم شغلت سيارتي وناظرت ( آشوف الأخ ماذا يفعل )
لقيت البنت مفتحححححه عيونها وتناظرني وآشششششغل وآدعسسس
والحمد لله وصلت للبيت بدون أي آثآر تذكر
وبس

اضافة رد مع اقتباس
  #3  
قديم 04/11/2011, 01:45 AM
الصورة الرمزية الخاصة بـ سنفوره
زعيــم مميــز
تاريخ التسجيل: 24/01/2011
مشاركات: 6,754
اشككرك ع الطرح


نبدا :

( انا طبعا سييييدة المواقف المحرجه )
قصدي يعني من كثر المواقف الي تصير لي

بقول واحد ///

























كنا بمجمع ومع بنات خالتي وسوالف ومتحمسيييين وفججججأأأه
وانا اسولف


















حسيت اني ارتفعت وظهري لصق في انسان وراي. . . . !!!!!!!!!!!!


























اثارييييني واقفه على رجل واحد
















ماطلع في ايدي غير اني :-




















انحااشششششششششششش

















ورحت عنه بعيد وقعد يخز فيني وانا بعيده وجعع
يارب اني خفيفه اكيد ماكسرت رجلك ليش الخزز
اضافة رد مع اقتباس
  #4  
قديم 04/11/2011, 01:47 AM
الصورة الرمزية الخاصة بـ صـمـت
زعيــم مميــز
تاريخ التسجيل: 18/05/2010
المكان: ’،’,~’، فــي احـلى و اجــمــل وأرق ســطـح فـي الرياض
مشاركات: 1,593

طيب انت اذكر لنا شي

عشان نتذكر شي

__

مخاوي سلطان

يبي لك كوي ي رجل

وش اللي يخليك تقعد تخزخز في السياره


اضافة رد مع اقتباس
  #5  
قديم 04/11/2011, 01:54 AM
زعيــم متواصــل
تاريخ التسجيل: 01/10/2011
مشاركات: 165
مرة كنت بمكة أيام رمضان وماشي بأحد الاسواق وأمر من جنب طفلة صغيرة من هذولي إللي توهم يمشون وأنا ماشي وتمشي البنت من قدامي وأنا أعدي من جنبها وأنزل من على الرصيف وأمشي بالشارع وبعدين رجعت للرصيف والبنت طاحت لكن مو أنا السبب لأنها تترنح بمشيتها وطاحت من على الرصيف طيحة بسيطة
أنا ألتفت عليها أبي أشيلها لكن أبوها سبقني وشالها ( طبعاً أبوها من مصر الشقيقة )
أبوها يفكرني أنا إللي طيحتها وقام وخذ لك سب وشتم فيني وأنا واقف اتسمع لا أنا دافعت عن نفسي ولا أنا مشيت المحرج الناس وقفت وراحت تناظرني وأنا واقف أنسب وانشتم
طبعاً الرجل ليش كانت يسب من قلب لأني كنت أناظر فيه وأتبسم .. أنا كنت اتبسم لا إرادي لأني أضحك على الموقف وهو يفكرني مطيح بنته واستهبل عليه
شوي وإلا صديقي يآخذني من يدي بقوة ويسحبني ويقول أنت مهبول وش شفيك واقف وتضحك ؟
قلت له وشو بالله أنا كنت أضحك ؟
قال إيه .. ما قهر الرجال إلا ابتسامتك الغبية .

وأمشي كم متر وأناظر خلفي ابي أشوف البنت هي متعورة صار لها شي وكان أبوها لازال يناظرني
وصديقي يرتفع ضغطه : وش فيك تناظر الرجال وتتبسم ؟ قلت وشو بالله أنا كنت أبتسم ؟ قال صديقي الحمد لله إن أمك جابت غيرك .
اضافة رد مع اقتباس
  #6  
قديم 04/11/2011, 04:37 AM
زعيــم متألــق
تاريخ التسجيل: 30/08/2008
المكان: بين الحاقد والحاسد ((للأسف))
مشاركات: 1,045
انا حالتي صعبه ..

من دحين اقرأوا الكلام كامل وبعدين احكمو ..
..
يا اعزائي هذا الكلام كان بأول ايام عزا جدي الله يرحمه..
كنت بالجامعه ..خرجت منها على العزا على طول ..
طبعا اتأثرت وبكى وحاله ..(الله يرحمه)
المهم جاتنا عمتي تبكي ..تبكي من قلب ...ابوها وماحد يلومها ..
المشكله هنا ..
انا شفتها كنت بأفجر قنبله >>>>للأسف ضحك
مسكت ضحكتي لدرجة ان عيوني دمعو ووجهي حمر ..
ولما جات تسلم علي ماقدرت ..اللي بيقولي كلمه بأنفجر خلاص ..
كل الموجودين مستغربين جالسه مبتسمه وبااااين ان فيا ضحكه.. وامي تطالع فيا انو "بس يابنت اشفيكي"
ماتحملت رحت الحمام وضحكت ضحك احاول اسكت مافي احاول اوطي صوتي مافي ..
ما اعرف ليش ضحكت كذا ..
بعد ماخرجت كنت مغسله وجهي ..
وبرضو ماهجدت استأذنت من امي ورجعت البيت ..
بس دخلت بيتنا جلست ابكي ..

الله لايعيده من موقف ..
اضافة رد مع اقتباس
  #7  
قديم 04/11/2011, 06:25 AM
الصورة الرمزية الخاصة بـ valley dawn
زعيــم متألــق
تاريخ التسجيل: 15/07/2011
المكان: جــــــ ـــدهـ
مشاركات: 1,357
الموقف اللي صآآآآآر يضحححك ايام الجامعه

خلاص رايحه البيت وبموووت نووووم وادخل الميكرو

بالصصف اللي ورى قلت بريح و آخذ لي غفوووه مادري اني بصككها

نوووومه والبنغالي مو داري وصصصل البنات وراح يجمممع دفعه ثانيه

ووصحيييييت مفجوووعه ومع النوووم شكلي يحزززن واصيييح (نوووووور)<<اسم البنغالي - وين موديييييني

طبعا النيه السسسيئه شغاااله ع طول فكرت بشيء ثاني

وهومسكيين يقول امي امي مادري انت موجود ههههههههه يوم شفت وجهه بريء
ارتححححت

-ذكريات كنت دايما اقوله نوووور قائد النممممور <<الحين يقولون مندسسه

وبس سلآآآآآآآآآآآمتكم ومششششكور ي مملوح ع الموضوع التفاعلي

اخر تعديل كان بواسطة » valley dawn في يوم » 04/11/2011 عند الساعة » 07:37 AM
اضافة رد مع اقتباس
  #8  
قديم 04/11/2011, 10:09 AM
الصورة الرمزية الخاصة بـ دانـه
زعيــم فعــال
تاريخ التسجيل: 11/05/2010
المكان: الاحسـاء
مشاركات: 405
موقف مستحيل انسـاه

كنت نـايمه فبيت خـالتي ..

وكان الاب توب ولد خالتي على سرير لي انا نـايمه فيه << الاني كنت قاعده عليه ..

وطبعا ولد خالتي مفهمي لدرجه غير طبيعيه ..

وغطا كان نازل حيل الى نص بطني ..

دخل اخ وقعد على سرير وقعد على الاب توب لمده نص ساعه تقريبا ..

وانا اتحررررك اتحررررررك يعني ياااخي قوووم

ماحس فيني

+

نفسه ولد خالتي

كنت في بيتهم

وكنت رايحه المطبخ وبنت خالتي تقول لاخوها دخل عادي مافي احد وانا كنت تووني بدخل المطبخ تقريبا وماكانت علي عبايه يعني ركضضضضضضضت ابي دخل الغرفه .. هو حضرته مفهمي يطلع فيني ماهو مستوعب مين هذي مو معقوله انها ...... الاني تغيرررت من اخر مره شافني فيها

+

السنه الماضيه الترم اول فااضييين

كنت اسولف منسدحه على طاولات 3 ..

الا تدخل معلمه عربي

مين هذي لي ماات< تستحي الا وتشووفني تقول لي وين قااعده ها في شاطى .؟ انا وجهي كذا

مواقف كثييره
اضافة رد مع اقتباس
  #9  
قديم 08/11/2011, 05:13 AM
الصورة الرمزية الخاصة بـ سعودي أصيل
زعيــم متألــق
تاريخ التسجيل: 05/01/2004
المكان: طيبة الطيبة
مشاركات: 1,454
المواقف لليييل خاصه بايرلندا هنا

مره كنت بالكلاس وكان بدايه الاسبوع والطلاب اللي معي كلهم جدد ،، وانا عاده ينتهي دوامي على الساعه وحده الظهر ،، واغلب الطلاب على ١٢ ...فاا عاده اجلس مع المدرس لوحدي ساعه كامله نتناقش فيها واطور الانقليزي وكذااا لييين ما ينتهي الدوام على وحده ،،، المهم يوم انتهى الدرس ، المدرس كالعاده يودعنا ويقول اتمنى لكم يوم حلوو واشوفكم بكره ،، فكنت جالس وانتظر كل الطلاب يطلعون عشان اقضي ساعتي المتبقيه مع المدرس واحلى تمرين لانقليزيتي ،،، لما طلعوا كل الطلاب المدرس جلس يشيك عالاوراق وتوقيعات ومدري وشو ،، واستغرب !! شافني جالس !! قال احمد مالك نيه تمشي ؟؟
قلت لا لان دوامي ينتهي ١ قال والساعه كم الحين ؟؟ نظرت في الساعه !! الا والله وحده وخمس عاد شف وجهي ،، حاولت ارقع واشوف لي دبره من هنا وهنا بس ياخي ماينفع ...
قلت اجل الطلاب يخلصون على وحده كمان

قبل امس كانت ايفا الاسبانيه ( معي في الكلاس ) تقول لي عن موقف محرج لها ،، تقول مره رايحه اتسوق ومعي صديقتي ،، فكنا متوجهين على محل خاص باجهزه ابل قلت اشتري اكسسوار لايفوني وكان المحل باااابه من قزاز وبعد نظييييييف ،، تقول ماشيه متحمممسه مادريت الا وجهي صافق القزاز على بالي هو الباب!
قلت لاشعوريا أححح ،،، قالت اح نص دقيقه بس ،،،،، لكن صديقتي اخذت تتشمت علي اسبوع

تقبل مروري
نشوفكم
اضافة رد مع اقتباس
  #10  
قديم 08/11/2011, 02:48 PM
الصورة الرمزية الخاصة بـ عاشق التااايب
زعيــم نشيــط
تاريخ التسجيل: 20/09/2007
المكان: حائل
مشاركات: 613
انا الموقف اللي ماانساه بعزى جدتي((من امي)) الله يرحمها
شفت بنت خالي الصغيرة قلتله ابروح اسلم على خالاتي شوفي لي طريق
مشينا يوم جينا الصالة قلت فيه احد ؟ قالت لي لا مابه احد امش
يوم دخلت الا القى بنت خالي الكبيرة وخويته وانا اسحححب وررى
قعدت اخانقه وقلت له انتبهي مرة ثانية
المهم يوم راحن عن الصالة قلت وين خالاتي
قالت يقلن خليه يدخل لمجلس الحريم مافيه احد
يوم رحت هناك الا القى كل حريم امة محمد موجودات هههههههههههههه
ثبتت بمكاني ماادري وين اروح ورى ولا قدام ولايسار ولا يمين ولا قدام ولا تحت ههههههههههههههههههه
لقيت باب الحوش قدامي وافتحه واحط رجلللي واهججج ههههههههههههه
ولا سلمت على خالاتي بسبة الفشيلة ههههههههههههههههههه
اضافة رد مع اقتباس
  #11  
قديم 09/11/2011, 03:40 AM
الصورة الرمزية الخاصة بـ بثينه الصاعدي
زعيــم مميــز
تاريخ التسجيل: 21/07/2011
المكان: المدينه المنوره
مشاركات: 3,607
والله انا ياكثرهن هالمواقف تصير لي ومحرررررررررجه مررررررررررررررررررررره
...................................

بس اللي اقدر اقوله اني مره ايام زماااااااااااااااااان كنت بالابتدائي>وعاد كانت فرصتي لاجات الصرفه افل ابوها بالتحديد كنت ثالث ابتدائي
ونزلت الشنطه وخليتها بالمدرسه ورحت مع صقيقتي وقلتلها امشي نروح البقاله ورحنا وحنا راجعين كان فيه عيال اكبر مننا يلعبون
كوره والمدروخه صقيقتي تحدتني >عاد الا اللي يتحداني >ارحمي اهلنا بس يانمر بن عدوان
المهم:تحدتني انها تسابقني وتوصل للمتعسه قبلي ونمسكها ركض وكنا نجري بنزله(دحديره)>^_^ واتعكرش بهذيك الحجره واتشقلب فوق ذا العوال حسبي الله على ابليس كلهم معصبين علي خربت لعبهم بس الحمد لله ماحد لاهاوش ولا ضرب>.*. من بعدها ماطلع من ذا المتعسه لين تجي الاخت المصون الكبير بس كبرنا الحمد لله اللحين
بس ترى كنتصغيره >ترقع ههههههههه
شكرا ع الموضوع
اضافة رد مع اقتباس
  #12  
قديم 09/11/2011, 03:58 AM
الصورة الرمزية الخاصة بـ ولد هبآل
موقوف
تاريخ التسجيل: 21/09/2009
المكان: آلخبر
مشاركات: 1,290
مرآ طحت بسوق وبس ,
,,,,,,,,,,,,,,
اضافة رد مع اقتباس
  #13  
قديم 09/11/2011, 04:38 AM
زعيــم فعــال
تاريخ التسجيل: 30/05/2009
مشاركات: 393
موقفي مع الوالد الله يطول بعمره
طبعا الوالد كان متوقع واحد يمره بالبيت والشخص هذا كان نشبه
قالي الوالد اذا مر احد من عند البيت قله انا موفيه
وطبعا انا على نياتي
جاء واحد من الجماعه الشخص هذا له سنه تقريبا ابوي ماشافه
رحبت به وسألني عن ابوي فقلتله الوالد موب موجود
انا احسبه الشخص اللي يقصده ابوي
وشوي الا ابوي يطلع يطلع من وراي
أنا طبعا فهيت
ويطالع فيني الرجال ويضحك
انا وجهي طاااح حسيت جاني شلل ف اللحظه هذي
بس ماقصر الوالد فهمه السالفه..

+ياليت نبتعد عن ردود الشكر ونكتفي بس بالمواقف
يعطيك العافيه.
اضافة رد مع اقتباس
  #14  
قديم 09/11/2011, 04:58 AM
الصورة الرمزية الخاصة بـ fabri_4
زعيــم مميــز
تاريخ التسجيل: 06/09/2008
مشاركات: 5,836
اتذكر موقف قبل صارلي قبل سنتين تقريبا ، كنت طالع من المسجد شفت وحدة تشحذ
قلت شكلها محتاجة ولازم اعطيها ، طبعا بوكي نادر ماخليه معي ، فـ انا قاعد ادور بجيبي ريال ولا ريالين
لقيت ورقة المقاضي فحسبتها ريال لاني ماطلعته وشفته وعطيتها للي محتاجة فهي تسحبه ريال زيي ههههههههههههههههههههه
وسحبت الورقة وانا اسحب خخخخخخخخخخخخخخخ
هذا اللي يحظرني حاليا ..
اضافة رد مع اقتباس
  #15  
قديم 09/11/2011, 06:08 AM
الصورة الرمزية الخاصة بـ بثينه الصاعدي
زعيــم مميــز
تاريخ التسجيل: 21/07/2011
المكان: المدينه المنوره
مشاركات: 3,607
هههههههههههههههههههههه والله كل موقف يفقع بطني اكثر من الثاني من الضحك والدروخه>هههههههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:28 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube