|
المواقف الأكثر حرجاً ( موضوع تفاعلي ) !! * السلآم عليكم ورحمة الله وبركاته .. في علم الكيمياء والحياه الدنيوية وفي زمن إنشقاق الأمم عن حكامها ف من الطبيعي جداً إن أي شخص في هذه الحيآه أن يشطح أو بمعنى ألذ يجيب العيد :d والمواقف كثيره حتى وإن كنت أكثر سلامةً من الشطحات ف أمراً طبيعي أن أخوك وأمك أو واحد من العيال له موقف مسجل في مخيلتك قد يكون محرج ، مضحك ، ( مكس = محرج ومضحك معاً :d ) أرجوكم فكونا من الحزن !! أبذكر لكم نقاط قد تستعيد آكشن مسجل في مخيلة كل شخص مر عليها الزمان وتلاشت : - العصير في الزواجات وعلاقته الوطيده مع الثياب :d:smilie47: - ضرب أحد الأشخاص وكنت تشك إنه أخوك :d:smilie47: - ( أمك ، أختك ) ضاعت في السوق وتجي تسولف مع وحده بكل براءة :d:smilie47: -بنت مفهيه تتلفت في المحلات وفجأه تخم اللي قدامها وهي ماتدري :d:smilie47: هذي نقاط كتبتها وكما ذكرت علشان تسترجعون المواقف نريد أن يكون الموضوع أكثر تفاعلاً وتكتبون لنا مواقفكم ي الله بسم بالله :s5s::rose: ،، |
واللهي صآر لي موقف محرج مررررررررررررهـ ،، مره كنت موقف سيارتي في المحطه الي على شارع التخصصي ( قبال بنك الأهلي ) ورحت مع وآحد مشوار، ورجعت لــ سيارتي ع الساعهـ 11 تقريباً، طبعاً يوم نزلت من سيارة صديقي شفت سياره ( تشارجر ) مصفطه جنب سيارتي،، مصفطه مرررررررره حتى بالغصب قدرت آفتح باب سيارتي !! الموووهم ، يوم قربت من سيارتي وفتحت الباب وآناااااااااظر :s5s: وآشووووووووووف :s5s: إلا هذيك البنت المنسدحه على مرتبة الراكب في التشارجر :s5s: وآناظر قدامي مافي الا بقاله ( ولا آشوف آحد يشتري ) :s5s::s2: وآناظر يسسسار ولا آشووووف آحد :s5s::s2: وآناظر ورآ وإلا مآفيه آحححد ، ي نواف وش الحل :s2::s5s: جلست آنآظر شوي ، آشوف البنت حيه وإلا ميته وإلا تبي مساعده :s5s: وإلا الباب متقفل عليها :s5s: واللهي البنت منسدحه وراسها مايل والوضع مهب عآجبني مرررررررره :s5s: حسيت إن فييييييه شي :s5s: وآقرب خشششتي آبي آقز وش دآخل السياره وياليتني ما قربت :s2::s2::s5s: إلا هذااااااك الي طآلع من البقاله ويصااااااااايح ويكلمني : انت يا ....... ياللي فيك ومافيك والله لذبحك ويقرب مني :cry: طبعاً انا أول ما سمعت صوته وألتفت وشفته جايني بللللللللللللللللللللللللعت العافيه قلت ايه واللهي البلشه :s2::s5s: ويقرب مني ويحط خششششمه على خششمي ويقولي وش عندك تناظر ياللي ما تستحي ياللي ما تربيت ياللي فيك ومافييييك ، ( انا اناظر فيه مدري وشقول :s2::s2::s5s:) !!!! يوم جيت بتكلم والله بالغصب طلعت الكلمة قلتله هذي سيارتك :s2: قال ايييييييييييييييه يا .......... !!! وبعد ما آستوعبت الموقف :s2: قلتله اقول اركب سيارتك ولايكثر :s2: بس هو محترم الصراحه ولا بقسسني صح انه سبني الييين قلت بس :s2: بس ما تهووووووور :s2::s2: بعدين يوم شافني مدري وش آقول قال: اقسسم بالله لو آعرف انك سويت شي لها إني لذبحك ، رديت عليه بكل برود : طيب اسألها :s2: بعدين ركب سيارته ، وأنا ركبت سيارتي ( ماصدقت أركبها :s2:) ! ويوم شغلت سيارتي وناظرت ( آشوف الأخ ماذا يفعل :s2::s2:) لقيت البنت مفتحححححه عيونها وتناظرني وآشششششغل وآدعسسس :s2::s2: والحمد لله وصلت للبيت بدون أي آثآر تذكر :s2::s2: وبس :s5s: |
اشككرك ع الطرح :rose: نبدا : ( انا طبعا سييييدة المواقف المحرجه )s121s قصدي يعني من كثر المواقف الي تصير لي:cry: بقول واحد /// كنا بمجمع ومع بنات خالتي وسوالف ومتحمسيييين وفججججأأأه :ai: وانا اسولف حسيت اني ارتفعت وظهري لصق في انسان وراي. . . . !!!!!!!!!!!! اثارييييني واقفه على رجل واحد:stoned: ماطلع في ايدي غير اني :- انحااشششششششششششش:to: ورحت عنه بعيد وقعد يخز فيني وانا بعيده وجعع:s3s: يارب اني خفيفه اكيد ماكسرت رجلك ليش الخزز:cry: :d |
طيب انت اذكر لنا شي :d:smilie47: عشان نتذكر شي :smilie47::d __ مخاوي سلطان :d:smilie47: يبي لك كوي ي رجل :d:smilie47: وش اللي يخليك تقعد تخزخز في السياره :d:smilie47: |
مرة كنت بمكة أيام رمضان وماشي بأحد الاسواق وأمر من جنب طفلة صغيرة من هذولي إللي توهم يمشون وأنا ماشي وتمشي البنت من قدامي وأنا أعدي من جنبها وأنزل من على الرصيف وأمشي بالشارع وبعدين رجعت للرصيف والبنت طاحت لكن مو أنا السبب لأنها تترنح بمشيتها وطاحت من على الرصيف طيحة بسيطة أنا ألتفت عليها أبي أشيلها لكن أبوها سبقني وشالها ( طبعاً أبوها من مصر الشقيقة ) أبوها يفكرني أنا إللي طيحتها وقام وخذ لك سب وشتم فيني :mad: وأنا واقف اتسمع لا أنا دافعت عن نفسي ولا أنا مشيت :cry: المحرج الناس وقفت وراحت تناظرني وأنا واقف أنسب وانشتم طبعاً الرجل ليش كانت يسب من قلب لأني كنت أناظر فيه وأتبسم :d .. أنا كنت اتبسم لا إرادي لأني أضحك على الموقف وهو يفكرني مطيح بنته واستهبل عليه شوي وإلا صديقي يآخذني من يدي بقوة ويسحبني ويقول أنت مهبول وش شفيك واقف وتضحك ؟ :ranting: قلت له وشو بالله أنا كنت أضحك ؟ :to: قال إيه .. ما قهر الرجال إلا ابتسامتك الغبية . وأمشي كم متر وأناظر خلفي ابي أشوف البنت هي متعورة صار لها شي وكان أبوها لازال يناظرني وصديقي يرتفع ضغطه : وش فيك تناظر الرجال وتتبسم ؟ :mad: قلت وشو بالله أنا كنت أبتسم ؟ :to: قال صديقي الحمد لله إن أمك جابت غيرك . |
انا حالتي صعبه ..:s5s::s5s: من دحين اقرأوا الكلام كامل وبعدين احكمو ..:yes: .. يا اعزائي هذا الكلام كان بأول ايام عزا جدي الله يرحمه.. كنت بالجامعه ..خرجت منها على العزا على طول .. طبعا اتأثرت وبكى وحاله ..(الله يرحمه) المهم جاتنا عمتي تبكي ..تبكي من قلب ...ابوها وماحد يلومها .. المشكله هنا .. انا شفتها كنت بأفجر قنبله >>>>للأسف ضحك مسكت ضحكتي لدرجة ان عيوني دمعو ووجهي حمر .. ولما جات تسلم علي ماقدرت ..اللي بيقولي كلمه بأنفجر خلاص .. كل الموجودين مستغربين جالسه مبتسمه وبااااين ان فيا ضحكه.. وامي تطالع فيا انو "بس يابنت اشفيكي" ماتحملت رحت الحمام وضحكت ضحك احاول اسكت مافي احاول اوطي صوتي مافي .. ما اعرف ليش ضحكت كذا .. بعد ماخرجت كنت مغسله وجهي .. وبرضو ماهجدت استأذنت من امي ورجعت البيت .. بس دخلت بيتنا جلست ابكي ..:cry::cry::cry: الله لايعيده من موقف .. |
الموقف اللي صآآآآآر يضحححك :s2: :s2: ايام الجامعه خلاص رايحه البيت وبموووت نووووم :s5s: وادخل الميكرو بالصصف اللي ورى قلت بريح و آخذ لي غفوووه مادري اني بصككها نوووومه والبنغالي مو داري وصصصل البنات وراح يجمممع دفعه ثانيه ووصحيييييت مفجوووعه:ap: ومع النوووم شكلي يحزززن واصيييح (نوووووور)<<اسم البنغالي - وين موديييييني :ranting::ranting: طبعا النيه السسسيئه شغاااله ع طول فكرت بشيء ثاني :s2::s2: وهومسكيين يقول امي امي مادري انت موجود ههههههههه يوم شفت وجهه بريء ارتححححت :razz: -ذكريات كنت دايما اقوله نوووور قائد النممممور <<الحين يقولون مندسسه وبس سلآآآآآآآآآآآمتكم ومششششكور ي مملوح ع الموضوع التفاعلي :smilie47: |
موقف مستحيل انسـاه كنت نـايمه فبيت خـالتي .. وكان الاب توب ولد خالتي على سرير لي انا نـايمه فيه << الاني كنت قاعده عليه .. وطبعا ولد خالتي مفهمي لدرجه غير طبيعيه .. وغطا كان نازل حيل الى نص بطني .. دخل اخ وقعد على سرير وقعد على الاب توب لمده نص ساعه تقريبا .. وانا اتحررررك اتحررررررك يعني ياااخي قوووم ماحس فيني + نفسه ولد خالتي كنت في بيتهم وكنت رايحه المطبخ وبنت خالتي تقول لاخوها دخل عادي مافي احد وانا كنت تووني بدخل المطبخ تقريبا وماكانت علي عبايه يعني ركضضضضضضضت ابي دخل الغرفه .. هو حضرته مفهمي يطلع فيني ماهو مستوعب مين هذي مو معقوله انها ...... الاني تغيرررت من اخر مره شافني فيها + السنه الماضيه الترم اول فااضييين كنت اسولف منسدحه على طاولات 3 .. الا تدخل معلمه عربي مين هذي لي ماات< تستحي الا وتشووفني تقول لي وين قااعده ها في شاطى .؟ انا وجهي كذا :wub: مواقف كثييره |
المواقف لليييل خاصه بايرلندا هنا مره كنت بالكلاس وكان بدايه الاسبوع والطلاب اللي معي كلهم جدد ،، وانا عاده ينتهي دوامي على الساعه وحده الظهر ،، واغلب الطلاب على ١٢ ...فاا عاده اجلس مع المدرس لوحدي ساعه كامله نتناقش فيها واطور الانقليزي وكذااا لييين ما ينتهي الدوام على وحده ،،، المهم يوم انتهى الدرس ، المدرس كالعاده يودعنا ويقول اتمنى لكم يوم حلوو واشوفكم بكره ،، فكنت جالس وانتظر كل الطلاب يطلعون عشان اقضي ساعتي المتبقيه مع المدرس واحلى تمرين لانقليزيتي ،،، لما طلعوا كل الطلاب المدرس جلس يشيك عالاوراق وتوقيعات ومدري وشو ،، واستغرب !! شافني جالس !! قال احمد مالك نيه تمشي ؟؟ قلت لا لان دوامي ينتهي ١ قال والساعه كم الحين ؟؟ نظرت في الساعه !! الا والله وحده وخمس :D عاد شف وجهي ،، حاولت ارقع واشوف لي دبره من هنا وهنا بس ياخي ماينفع ... قلت اجل الطلاب يخلصون على وحده كمان :D قبل امس كانت ايفا الاسبانيه ( معي في الكلاس ) تقول لي عن موقف محرج لها ،، تقول مره رايحه اتسوق ومعي صديقتي ،، فكنا متوجهين على محل خاص باجهزه ابل قلت اشتري اكسسوار لايفوني وكان المحل باااابه من قزاز وبعد نظييييييف ،، تقول ماشيه متحمممسه مادريت الا وجهي صافق القزاز :D على بالي هو الباب! قلت لاشعوريا أححح ،،، قالت اح نص دقيقه بس ،،،،، لكن صديقتي اخذت تتشمت علي اسبوع :D تقبل مروري نشوفكم |
انا الموقف اللي ماانساه بعزى جدتي((من امي)) الله يرحمها شفت بنت خالي الصغيرة قلتله ابروح اسلم على خالاتي شوفي لي طريق مشينا يوم جينا الصالة قلت فيه احد ؟ قالت لي لا مابه احد امش يوم دخلت الا القى بنت خالي الكبيرة وخويته وانا اسحححب وررى قعدت اخانقه وقلت له انتبهي مرة ثانية المهم يوم راحن عن الصالة قلت وين خالاتي قالت يقلن خليه يدخل لمجلس الحريم مافيه احد يوم رحت هناك الا القى كل حريم امة محمد موجودات هههههههههههههه ثبتت بمكاني ماادري وين اروح ورى ولا قدام ولايسار ولا يمين ولا قدام ولا تحت ههههههههههههههههههه لقيت باب الحوش قدامي وافتحه واحط رجلللي واهججج ههههههههههههه ولا سلمت على خالاتي بسبة الفشيلة ههههههههههههههههههه |
والله انا ياكثرهن هالمواقف تصير لي ومحرررررررررجه مررررررررررررررررررررره ................................... بس اللي اقدر اقوله اني مره ايام زماااااااااااااااااان كنت بالابتدائي>وعاد كانت فرصتي لاجات الصرفه افل ابوها بالتحديد كنت ثالث ابتدائي ونزلت الشنطه وخليتها بالمدرسه ورحت مع صقيقتي وقلتلها امشي نروح البقاله ورحنا وحنا راجعين كان فيه عيال اكبر مننا يلعبون كوره والمدروخه صقيقتي تحدتني >عاد الا اللي يتحداني >ارحمي اهلنا بس يانمر بن عدوان المهم:تحدتني انها تسابقني وتوصل للمتعسه قبلي ونمسكها ركض وكنا نجري بنزله(دحديره)>^_^ واتعكرش بهذيك الحجره واتشقلب فوق ذا العوال حسبي الله على ابليس كلهم معصبين علي خربت لعبهم بس الحمد لله ماحد لاهاوش ولا ضرب>.*. من بعدها ماطلع من ذا المتعسه لين تجي الاخت المصون الكبير بس كبرنا الحمد لله اللحين بس ترى كنتصغيره >ترقع ههههههههه شكرا ع الموضوع |
مرآ طحت بسوق وبس , ,,,,,,,,,,,,,, |
موقفي مع الوالد الله يطول بعمره طبعا الوالد كان متوقع واحد يمره بالبيت والشخص هذا كان نشبه قالي الوالد اذا مر احد من عند البيت قله انا موفيه وطبعا انا على نياتي جاء واحد من الجماعه الشخص هذا له سنه تقريبا ابوي ماشافه رحبت به وسألني عن ابوي فقلتله الوالد موب موجود انا احسبه الشخص اللي يقصده ابوي وشوي الا ابوي يطلع يطلع من وراي:s2: أنا طبعا فهيت:shocking: ويطالع فيني الرجال ويضحك انا وجهي طاااح حسيت جاني شلل ف اللحظه هذي بس ماقصر الوالد فهمه السالفه.. +ياليت نبتعد عن ردود الشكر ونكتفي بس بالمواقف يعطيك العافيه. |
اتذكر موقف قبل صارلي قبل سنتين تقريبا ، كنت طالع من المسجد شفت وحدة تشحذ قلت شكلها محتاجة ولازم اعطيها ، طبعا بوكي نادر ماخليه معي ، فـ انا قاعد ادور بجيبي ريال ولا ريالين لقيت ورقة المقاضي :s3s: فحسبتها ريال لاني ماطلعته وشفته وعطيتها للي محتاجة فهي تسحبه ريال زيي ههههههههههههههههههههه وسحبت الورقة وانا اسحب خخخخخخخخخخخخخخخ هذا اللي يحظرني حاليا .. :d |
هههههههههههههههههههههه والله كل موقف يفقع بطني اكثر من الثاني من الضحك والدروخه>هههههههههههههههه |
كل المواقف اللي عندي طويله .. وعاجزه لكتب تحياتي لكـــم ... |
إقتباس:
|
حصل لي موقف في مكه في العشر الاواخر من رمضان قبل كم سنه كنا مستاجرين في عماره 7 ادوار وكنا ساكنين في الدور الرابع شقه 405 وبعد ماطلعت المصعد انفتح المصعد في الدور الثالث واطلع من المصعد واتجه على شقتنا من دون مااناظر رقم الدور او رقم الشقه لاني واثق والمشكله كان باب الشقه فاتح وفيه رجال عندها ولا دققت ولا ناظرت فيه حتى وهو صاحب الشقه وفتحت الباب ودخلت الشقه واناظر الشقه مليانه حريم مااعرفهم :to: والرجال يناظرني باستغراب وده يصفقني :ranting: يقول من هذا اللي داخل شقتي وعلى من دون سوال انا وقتها شفت الحريم ماعرفتهم وشفت الرجال صنمت مكاني :s5s: توقعت باكلي ككم كف بس ربي ستر اني اعتذرت من الرجال وفهمته السالفه وقعد يضحك وقالي توكل على الله وانتبه ثاني مره |
موقف صار لأختي كان فيه حفل في المدرسه والمعلمات متجمعات في الساحه جيت تبغي تشوت علبة مويه على وحده من زميلاتها وطارت جزمتها الله يعزكم بعيد قدام المعلمات والله قمة الاحراج |
كنت في مرحلة ثاني متوسط s13s وإنت عارف الإختبارات النهائية يكون تقسيم ثاني متوسط مع ثاني ثانوي وأولى متوسط مع أولى ثانوي.......إلخ عالشان مايكون هنا غش أعوذ بالله على العموم وبتحديد في الإختبارات النهائية على ما أظن الفصل الثاني:s5s::s5s: المعلم عطاني ورقة الإختبارات :s5s: وبعد قولي بسم الله والآيات المصاحبة لها:yes::yes: حلت الأسئلة ظني أنها ورقة إختبار ثاني متوسط :d:s2: وأنا خوك طلع المعلم غلطان وعطاني ورقة إختبار ثاني ثانوي بعد الحادثة كلمت وقلته يا أستاذ هذه الورقة حقت ثاني ثانوي فابتسم لي وقلي ماشاء الله حليتها:d وأنت لسى ماوصل المرحلة التي ذكرتها لك:s2::d:ap::s2::ds121s:ap::ap::ap::razz::razz::razz::d:d:s2:s121s:d:razz::razz::ap:s121s:s2: عوااااااااافي |
قبل اسبوعينكنت طآلعين من المدرسه ورايحين بقاله ظهر وحر وتعرف لازم ببسي مع الغدا ثم احلى نومه الا واحلف ماحد يدفع ريال وانزل للبقاله وكانت البقاله فيها ناس واجي ابي احاسب الا جيبي مافيه ولا ريال واجلس اصرف اروح للثلاجه واعود مليون مره اروح ببسي وارجع به الا الناس مطولين قلت يابن الحلال قل له شوي وراجع واسحب عليه ويجيه خووي ويدفع عني يعني ثاني مره لاتنزل الا وانت متاكد معك فلوس ولا تهايط عند اخوياك هههههههههه |
أذكر موقف ما يضحك بس أحرجني احراج غير طبيعي لمدة طويلة .. كان فيه عزيمة كبيرة وكنت قاعد بالمجلس وقبالي أخوي جنبه ضيف كبير مرة و ولد خالتي .. أخوي يأشر على الدلة يرسل لي إشارات قم صب للضيف وأشر عليه .. الضيف ناظره وفهم كلام اخوي .. انا حسبته يقصد قم صب لـ ولد خالتي لأنه جنب الضيف ( مدري وش احس فيه :d ) قلت لخوي : وين خله يصب لعمره ، وسمع الضيف ، واشوفه يلتفت يصرف منحرج .. أخوي عطاني نظره سريعة تقول : خلني استفرد فيك بس والله لأذبحك :ranting: .. ثم حاول يتصرف كأن ما صار شيء ويكمل سوالف مع العنز ( طفشت كل شوي ضيف ضيف :d ) المهم بعدين أول ما فهمت السالفة ركضت للسطح بأنتحر بس أشوى مسكني أخوي :s5s: << امزح :s2: بس جد انحررررررررجت المشكلة الضيف دايم اشوفه بالعزايم :to: تخيلوا بس كيف بالله حتى اسلم عليه بعد كذا :s5s: |
إقتباس:
إقتباس:
ههههههههههههههههههههههههههههههههههههههههههههههههههه بما إن أحد الاعضاء حط طاري الإختبارات و كذا .. انا في اختبار ثالث ثانوي الفصل الاوَّل آخر اختبار .. كان يميني طُلَّاب سنة ثانية و يساري سنة أولى .. المهم جاء الاستاذ و وزَّع الاوراق على سنة ثانية و انا متحمِّس >> عاد تعرفون آخر يوم :d و يوم يعطيني الورقة أطالع فيها .. - استاذ .. استاذ ذي مو أوراقنا ! ينظر لي نظرة مُرعبة ارتعشت خوفاً حقيقة منها :s2: و يقول لي بلهجة جافَّة و خالية من الود : إنت ثانية و إلا ثالث ؟ قلت له : أأأأأأأأأأأأأأأأأأأأ .. أنا ثـ .. ثــ. . ثالث .. و يرد عليَّ بنفس الإسلوب هع : طيِّب ذي أوراق ثالث .. أطالع فيها .. البيت الاوَّل في الصفحة ذا مو معنا يعني مستحيل تكون أوراقنا .. أجي أقول له في إصرار : ذي مو اوراقنا :d الطُلَّاب يطالعون فيني في استغراب .. أنا ارتبكت حقيقة :s5s: و بعدين أسمع كم واحد يقول للأستاذ : ما عليك منه .. ذي اوراقنا بس هو مفهِّي :s2: و بعد كم دقيقة على شان استوعب طلعت اوراقنا بس الاستاذ اللي حاط الاسئلة حاط بيت شعر مو مقرَّر في الحفظ :razz: |
اذكرر يوم توفى جدي الله يرحمه .. كان بالحيل تعبان وتوفى بنت عمي كانت معاه وهي كانت في المتوسطة ونا جالس مع عمي إلا شوي تـنط علينا وتضحك مبسوطة وتصفق: ( جججديييي مااااات جددددددي مااااااات ) ويسوووووقها عمي كففففففففففففف جلست اضحكككككككككك ويطالع في عمي وكففففففففففففففففف في وجهي .. عماني يبكون ونا وبنت عمي ضحك ض1 |
المواقف كثيرة ، : 1 - بنت خالتي كان عمرها شهرين تقريبا ، محطوطه باللفة و لون اللفة سماوي ، و الكنب جلد ازرق مع الضوء ما يبين شي ، و كان في الغرفة [نفر = من 3 - 9 :D ] من النساء و كنت منسجم مع سوالفهم اللي لا تكل ولا تمل ، و أجلس على رجول هـ الكتكوتة ، يمكن ربع ساعة ، أنا أحس فيه شي يتحرك و خالاتي ما غير يكركرون ضحك ، المهم قمت و اللقى البنت تحت ، صرت أبوس في رجولها . << قسم اني حنين 2 - على شاطئ الدمام ، قبل 3 سنوات تقريبا ، كان عمري 16 يعني توي مراهق ، و توي محلق على قولة الوالدة ديك ، توي نازل من السيارة و الف على السيارة اللي جنبي مظللة ، ما اشوف شي ، طبعاً قاعد اشوف القصة ، و الحركتات شوي اسمع ضحك مو طبيعي من داخل السيارة ، زوج و زوجة ومعهم ولدين ، يستلموني ضحك . 3 - عزيمة عند جدي بعد كل سنة دراسة ، و حفلة و كيكات و طراطيع ... إلخ طبعاً من قوة الحيا اللي فيني ، ما أشيل ، ما أكل ، ما أسلم ، .. أول ما دخلت سلمت على القراندات و القراندين و الأسرة المالكة ، من كثرهم - ما شاء الله - سلمت على الوالد بالخطا ، ابي اسلم على عماتي و خالاتي ، سألت فيه أحد ، ردت الشغالة ، لا دخلت و سلمت بدون ما أناظر في الوجه يعني حبة يد و أنت داعس ، شوي لمست يد صغيرة ، يعني واضح انها مراهقة ، [قبل ما أبوس !! ، بدون تفكير ] رفعت راسي و اللا بنت عمي ، وجهي صار قوس قزح !! من قوة الإحراج . سحبت يدي ، و البنات يضحكون ، لان من أول بنت سلمت عليها كلهم ما أكشف عليهم ، ، طبعاً الفرندين يحسدوني على هـ الموقف و خصوصاً واحد ، بغى يوديني في خبر كان 4 - موقف في المدرسة ، فيه مدرس الله يذكره بالخير ، يشبه لواحد من الأصدقاء كان يتوضأ ، طبعاً فيني حب استطلاع و لقافة ما هيب في أحد ، و أدخل يدي في جيبه على أنه صديقي و أسحب الجوال ، و المسبحة و أطلع برا المغاسل ، طبعاً انا اشوف الجوال ، أقلبه يمين ، يسار ما هوب جوال الولد ، و المسبحة نفس الشي ، قلت يمكن مع العيد أشترى ، و انا أقلب في المسبحة في أحد الأسياب ، و يمر من جنبي الولد ، يّ فلان ترا جوالك معي ، قال جوالي في السيارة ، قلت شوف ، قال لا مو حقي . يّ فلان ، يّ أبو علان ، قول غير كذا ، و افتح الجوال و على أول رقم ، دقيت سلام و عليكم السلام ، من صاحب الجوال ، أستاذ التفسير ، طبعاً انا من زود الموقف ما اعرفت وش اسوي ، امشي و الجوال في يدي ، و الوكيل ينادي يّ اللي معه جوال ، و انا أطنش أدور على المدرس [لانه ما حس يوم آخذ الجوال] ، وأعطيه الجوال و المسبحة ، طبعاً قالي شكراً ، أستغربت زيادة ، طلعت انا و هـ المعلم الفاضل في نشاط لا صفي ، في استراحة ، و امسكه على جنب ، يّ بو فلان ترا القصة كذا ، كذا ، كذا . و الحين من أعز المدرسين اللي مر علي ، يعطيكم العافية على حسن القراءة :D و سلامتكم |
إقتباس:
ههههههههههههههههههههههههههههههههههههههههههههههههههههههههههههههههههههههه :laugh::laugh::laugh::laugh::laugh::laugh::laugh::laugh: |
إقتباس:
:laugh::laugh::laugh: الله يرحمه |
| الوقت المعتمد في المنتدى بتوقيت جرينتش +3.
الوقت الان » 02:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd