السلام عليكم و رحمة الله و بركاته
كيف حال الحلوين عساكم بخير
أول شئ و قبل كل شئ أي واحد خايف من الإختبار يطلع !
أي واحد يقول أنه إختبار تعجيزي لا يكمل قراية !
أي واحد يقول أنه إختبار لـ زرف الفلوس ما نحتاجه !
خلاص قضيتوا ما بقى إلا الناس اللي تبي تاخذ درجات عالية
طبعا معكم الأخ I B R A H E M < قل قسم
طالب زيّ زيكم السنة اللي راحت كنت أختبر قدرات بس السنة هذي صرت كبير و بالجامعة
درجتي و لله الحمد و المنة (
غير قابلة للنّشر 
) بس أنها صاقعة السقف اللهم لك الحمد
بأحاول أعطيكم بعض النصائح اللي أعتقد أنها أفادتني في تحصيل هالدرجة !
أول شئ زي ما قلت لكم بالبداية اللي داخل الإختبار وهو يفّكر أنه أختبار تعجيزي أو زرف أو غيره من الأعذار ما راح يفلح أبد !
الإختبار عادي جدا و لكن بعض الناس تبرر فشلها بإطلاق مثل هذي العبارات !
لا تبرر فشلك وحاول دائما أنك تزيد درجتك إلى أعلى درجة ممكنة
نجي للكلام حول الإستعداد للإختبار
أول الشئ الإختبار يعتمد على عاملين العامل الأول هو الحالة النفسية للطالب ! و العامل الثاني هو مهارات الحل و خلّونا نبدأ بالأول
الحالة النفسية : صدقوني و من واقع تجربة أنها تأثر و بشكل كبير جدا على درجة الطالب اللي يأخذها
طيّب كل الناس تقول خلّك مروق وقت الإختبار صح ! مستحييييييييل هذا مجرّد كلام
وشلون أصير مروق و أنا قاعد أختبر ؟
أختبار مهم مستحيل هذا إختبار موب مباراة حاضرها ذذ ؟
هو صحيح أنك ما تقدر تصير مرّوق لكن لا تصير متوتر و أحذر كل الحذر من التوتر !
خلّك طبيعي و ريلاكس نفس وضعك الحين طيب كيف تصير كذا !؟
أول شئ أنت إنسان مؤمن بالله لازم توقن إيقان كامل بأن
الله هو اللي يرزقك و هو اللي راح يوفقك لدخول أي كلية تبيها
( دراسة - قدرات تحصيلي ) كلها مجرد أسباب نؤديها
و الله هو الذي يوّفقنا لأي شئ نريده <<
هذا موب بس مجرد كلام تقراه هذا أمر لازم توقن فيه إيقان كامل
توقن فيه لدرجة أنك ما تفكر أبدا بأي كابوس أسمه ( القدرات أو التحصيلي راح تدمرني )
ثانيا و هو أمر مرتبط بالأول :
التفاؤل و حسن الظن بالله
صدقوني و من تجربة شخصية هالأمور مهمة جدا جدا في الإختبارت و قد تكون أهم أو بمثل أهمية مهارات الحل
جربت مرة أدخل و أنا مرتبك خايف راح أؤدي الإختبار معتمد على مذاكرتي قبل و نفس الخوف و نفس كل الطلاب و بالأخير درجة خاسفة !
و المرة الثانية رايح بثقة بالله و تفاؤل عجيب ما أدري من وين جاني
و الله أني أذكر قبل الإختبار كنت أقول لأخوياي ( بإذن الله أني بأجيب تسعين )
و ما عليكم كم جبت
و في آخر إختبار كنت أستهبل و أنا أحل ذذ و كل ما مر المراقب قدامي شفته و تبسمت < طبعا كنت مروّق و ما وراي شئ
و زادت درجتي أكثر !!
عشان كذا أقول لكم مرة و مرتين و ثلاث ركزوا على الجانب النفسي بقوة و عدم التوتر قدر الإستطاعة و اللي بيوصل إلى درجة الروقان فهذا كنق
ممكن أكون ركزت على نقطتين أنا أشوف أنها أهم نقطتين و كل واحد عارف نفسه زين و يعرف كيف يتعامل معها و يهئّها نفسيا كويس قبل يوم الإختبار
طبعا ما أعتقد أني لازم أذكر الدعاء لأنه شئ طبيعي كل الناس تعمله
مهارات الحل :
مرة ثانية كل واحد أعرف بنفسه !
أنا أدرك تماما أن اللي يصلح لي ما يصلح لك و كل واحد له طريقته الخاصة اللي لازم يعرفها ! قد أكون جيد في المسائل الرياضية و سئ في اللفظي و آخر سئ في الرياضيات جيّد باللفظي طبيعي موش كلنا لازم ندخل دورات أو كلنا لازم ما ندخل دورات فيه فرق بيننا
لكن بشكل عام إذا بغينا نتكلم عن الكتب بالنسبة لي متأكد تماما أن هذين الكتابين راح يفيدون أي شخص
1- كتاب المركز الوطني للقياس (
كتاب يصدر من نفس المركز يعني أختبار تجريبي كامل موجود عندك )
2- كتاب قدرات واحد لـ فهد البابطين (
الكتاب جاء منه أسئلة بالنص في إختباراتي ) و تماما نفس طريقة و أفكار قياس و هو غالبا مكوّن من أسئلة سنوات سابقة
بقية الكتب مالي فيها علم و لكن أي كتاب تحس المسائل فيه معقدة و حلها ياخذ أكثر من 4-5 سطور و يحتاج حاسبة أحرقه حرق ترا ما منه فايدة
بالنسبة لي كنت من الآن كل يوم أو يومين أفرغ نفسي نص ساعة و أختبر قسم واحد بس و أحط الساعة قدامي عشان أمرن نفسي عالوقت و من ثم أصحح لنفسي و أشوف الأخطاء و أحاول أتعلم منها
بالنسبة للدوارات برضوا ما جربتها و ما أحب أفتي من راسي ذذ
يوم الإختبار : أحرص تحضر بدري ولا تأخر نفسك أبد
2- لا تقرأ أي سؤال أو معلومة يوم الإختبار ترا هالشئ يزيد توترك !
3- جيّد أنك تستغفر و تكثر من قول (
اللهم لا سهل إلا ما جعلته سهلا و أنت تجعل الحزن إذا شئت سهلا )
3- الظاهر تعرفون تاكلون و تنامون زين منتب بزارين
أي واحد ما عرف يحل مسألة كمّية يحطها هنا إن شاء الله نقدر نساعده ..
الرسالة هذي كنت بأرسلها لحبيب ألبي خالد ( هلالي معالي ) لككن قلتها أحطها هنا يمكن يستفيد منها شخص آخر ؟
السلام عليكم و رحمة الله و بركاته ..
![[ ديوانية ] الطلاب المخصصة لإختبارات قياس ( مواعيد - خبرات - تجارب )](iconimages/t1056810_rtl.gif)
الوضع العادي
