مساءكم معطر بالورد يازعماء

أدخل في الموضوع ع طول


في أغلب المباريات نحصل على كرات ثابته ولا نستغلها بالشكل الصحيح

حنا عندنا لاعب متخصص في الكرات الثابته لماذا المدرب لايمنحه الفرصه في الكرات الثابته..؟ لماذا يتجاهله..؟ هل المدرب ليس لديه علم بأنه يجيد تنفيذ الكرات الثابته..؟ أم ماذا..؟ متخصص في الكرات الثابته ويسجل من بعيد ومن قريب لماذا لانستغله في الكرات الثابته وأعتقد الجميع يتفق معي على هذه النقطه

اللاعب الكوري يو بيونج سو

اللي يقدر يوصل الكلام هذا لرئيس النادي في التويتر عشان يوصل الكلام للمدرب ويقول له ترى الكوري اللي اسمه يو بيونج سو رقمه 7 ومركزه مهاجم عشان يصحصح المدرب ويتذكره زين

نبيه في الكرات الثابته هو الأول في تنفيذ الكرات الثابته ويأتي بعده هرماش ومن ثم الأخير الشلهوب اللي أزعجنا كثير في الكرات الثابته وأضاع منها الكثير وهي فرص أهداف محققه


أتمنى كلامي يوصل للإداره أو المدرب أهم شي يوصل تكفون يازعماء طلبتكم صدقوني ننهي مباراه من كره ثابته وبالذات إذا لعبنا قدام فريق متكتل دفاعيا عشان بعد تحقيق الهدف من الكره الثابته نفك التكتل الدفاعي وتنحل المشكله ونسجل زياده



لاتنسون توصلون الكلام. ترى تابعت مقاطع للكوري في الكرات الثابته كلها أهداف ماشاء الله وخصوصا اللي من نصف الملعب


وأخيراً ودي لكم.

إقتباس الرسالة الأصلية كتبت بواسطة Jeddah Boy 15 اللاعب الكوري على ما اعتقد انه كان مصاب في مباراه الامس .... الله يعطيك العافيه على موضوعك تقبل مروري

الكوري مصاب صحيح لكن أقصد من أول مالعب مع الهلال من المباريات الوديه إلى مباراة الأهلي أكثر من سبع أو ثمان مباريات لم يسدد أي كره ثابته


وأشكرك أخي على مرورك

إقتباس الرسالة الأصلية كتبت بواسطة هلالي عيال وايل إلا الشلهوب شفته أمس ضيع خلاص !!! يابوي أفضل لاعب في الهلال يشوت فاولات ما أقول إلا بالتوفيق للشلهوب مع الهلال

ضيع أمس بس ((بس أمس )) ياخي كم مره يضيع مانبيه يشوت

وحنا دايما تأخذنا العاطفه تجاه اللاعبين ...قال إلا الشلهوب قال

الشلهوب نقول يجيب في العشر وحده لكن الكوري يضيع في العشر وحده وقد لاتضيع



وبالتوفيق للشلهوب ووجميع اللاعبين



أشكرك على مرورك




وأشكر جميع من مر من هنا

إقتباس الرسالة الأصلية كتبت بواسطة rafa-nadal نعرف لكن وين اللي يسمع لنا

هذي هي المشكله

فيه بعض الجماهير تتواصل مع الأمير عبدالرحمن أو سامي الجابر يحاولون يقولون له الفكره هذي بأي طريقه عشان يوصلونها للمدرب


شاكر لك مرورك