اهنيئك اخوي ع الموضوع الرائع والكلام الجميل

وارفع القبعه تقديرآ لك اخوي لخصت كل شي في سطور

ان شاء الله القادم احلى وبالتوفيق للجميع

وشكرآ جزيلا لك

انت تقوول مافي مركزيه
اان اختلف معك مافي تفااهم
لان الاعبين يلعبون مباراة وبعدين يوقف الدوري
او ينضمون للمنتخب
يعني المدرب مايلام
لاعبنا امام الاهلي ووقف الدوري
ولعبنا امام التعاون ووقف الدوري
ولعبنا امام القادسيه ووقف الدوري
والان لعبنا امام الرائد ووقف الدوري
يعني اصبر على المدرب يلعب ثلاث مبارايات رسميه ورا بعض
وبعدها الحكم على المدرب

نبي نشوف اللعب صح ابو فيصل قال بعد الجوله الـ9 الحين لعبنا تقريبا 8 جولات نصبر ونشوف يا بو فيصل ,, الله يوفق الهلال إن شاء الله .

الف شكر لجميع اللي ردوا قبل الرد المقتبس وماننحرم ردودكم

إقتباس الرسالة الأصلية كتبت بواسطة abo mansor يارجال وش عرفك انت بالتدريب ؟؟ حنا ماغير ننتقد واحد مسوي مورينهو والثاني غورديولا خلو المدرب يشتغل وبلا هبااال المدرب ماهوب رايح

يالغالي انا ماانتقدت بقدر مااني شرحت

بعدين هل انت لازلت مقتنع انه فيه اشياء تصير وحنا قربنا ننتصف من نص الدوري ؟

يالغالي باقي جولتين او ثلاث ونوصل لنص الدوري ... والهلال ماهو الهلال

اسيا قربت

وعلى فكره

ابوفيصل قال بلسانه : نستطيع ان نحكم على الجهاز الفني بعد تسع جولات ع الاقل

التاسعه هي الجايه

إقتباس الرسالة الأصلية كتبت بواسطة <هلاليه> انت صح وكلامك بالسليم بس نقدر بدل مانستغني عن دول نقعد معه ونطالبه باللعب كمباراة الاهلي والتنازل عن قناعاته الخاطئه لانه قدر يغير واثمر تغييره برباعيه مميزة في الاهلي

شوفي يالغاليه

المدرب حاله حال الـ 1- الطبيب 2- المعلم

مستحيل احد يملي كلامه عليه علشان ينفذ مايؤمر به

تعتقدين فيه مدرب بالعالم "بمسمى مدرب " يرضى انه احد يطلب منه باللعب بطريقه معينه ؟ ماظن

الله يسستر وآنـآ آخوك
مهـآجم وآآحد لين متـى ؟!
الله يسستر من الجـآي
لآهنت

إقتباس الرسالة الأصلية كتبت بواسطة عبعر تراها هلاليه :$ على اساس انك الحين بتقنع الاداره يغيرونه فكونا من هالمواضيع اللي بعد كل مباراة تشتت الفريق واحنا مو ناقصين خلوا اللعبين يثقون بالمدرب تخيل انك لاعب وجاي تقرا هالكلام ظنك بيثق بالمدرب ! والله بعد كل مباراة تنبط كبدي من المواضيع اللي كذا

يالغالي

الاداره مافكرت تسوي ملعب الهلال الا من كلام المنتدى

مافكرت بطريقه افضل لاعب من موبايلي الا من خلال المنتدى

مافكرت و و و

المنتدى صوته يوصل ...

انا مو متعجرف لدرجة التسرع ... هذا اول موضوع اكتبه عن دول .. وتقريبا عند الجوله رقم 9 .. وهو كلام ابوفيصل نفسه : بعد الجوله 9 نستطيع الحكم عن الجهاز الفني ...

رح قل لابوفيصل لاتحكم ع المدرب الحين .. خل اللاعبين يثقون فيه

على فكره

اللاعب العربي عموما والسعودي خصوصا ... تفكيره جدا غلط

اذا مااقتنع بمدرب من البدايه .. مستحيل يبدع معه لو يصير وش يصير لانها خلاص ركبت براسه

الاتحاد مع توني اوليفيرا

الهلال مع كالديرون

الرائد مع قوميز مع انه مدرب خطير لكن ركبت براس اللاعبين ... وش يفكها من راسهم

مشكور ع المرور

من عرفت الهلال والجمهور دائما ينتقد المدربين
يبن الحلال فايز 7مباريات ومهزوم مبارات وحده ولا اعجبك

كلآآآآآآآآآآم سليـــم..,,

آآآخ الله يستر من هلالنا..,,

إقتباس الرسالة الأصلية كتبت بواسطة احساسي ازرق اللي يقرا كلامك يقول الله يستر ما نهبط في نهاية الموسم ما يقول هذا فريق في الصدارة في كل عمل سلبيات وايجابيات ... والسلبيات مع الفوز أفضل من الايجابيات مع الهزيمة في كل عمل أمكانيات متاحة ... وتوماس دول يلعب بهذه الامكانات والعمل لا يخلو من السلبية وجهة نظرك احترمها ومع النقد الهادف لكني ضد البربسة والدليل قناعتك بإن 40% إصابات وغيابات وهذا الأمر صعب وأضف نقص 20% خط دفاع كامل يعني اللي يملكه دول 40% وفي الصدارة يحسب لصالحه ولا يحسب ضده أصعب المراحل اللي يمر في دول إيجاد تجانس لقريق جديد وبعدين ما دام انك مهتم بعد الجولات .. يعني انت مقتنع ان الجولة التاسعة هي المحك في تقييم المدرب والفريق كمعيار في عالم كرة القدم في النهاية أنا قلت رأيي ومتأكد انك تهتم بالنقاشات وتبادل وجهات النظر في الموضوع أكثر المرور العابر يعطيك العافية

يااستاذي .. 40% ماتعتبر ذاك العائق الكبير

تذكر السنه الماضيه يوم لعبنا مع الجزيره الامااراتي ؟

الهلال كان فريق كامل

الجزيره يلعب بالرديف

كان مدربنا كالديرون

وكان مدربهم ابيل براقا

تقدموا علينا 2-0

علشان تعرف انه الاصابات والغيابات ماتشكل اكثر من 40%

لعب بالرديف .. وكانوا بيفوزون علينا لولا الله ثم فاول ياسر اللي جاء بالحظ وضربت بالحيطه والا كانت فضيحه

تعامل براقا مع اكثر من 40% كان احسن من تعامل كالديرون وهو معه 100% تقريبا

وسالفة الجوله التاسعه ياحبيبي هذا مو كلامي

هذا كلام رئيس الهلال

قال نقدر نحكم ع الجهاز الفني بعد الجوله التاسعه ... وانا مستعد ابصم انه مو مقتنع للحين بتوماس دول بس يبي يعطيه فرصه .. والفرصه قربت تنتهي لانننا قربنا ننتصف في الدوري والهلال حتى الان غير مقنع

تحياتي لك

إقتباس الرسالة الأصلية كتبت بواسطة أبوعبدالـلـه حبيبي من الاخ ؟؟؟؟؟؟ مدرب اوربي والا برازيلي اتركوا التدريب لغيركم وطامروا مع الاهداف والانتصارات والبطولات ان شاء الله

تراك فاهم غلط اللي يجزاك خير

انا ماقلت المفروض انه يلعب كذا وكذا

انا قاعد اوصف اللي اشوفه

وعلى طاري الاخ .. السالفه تحليل عادي جدا .. لان البطي ماهو مدرب ولاالشنيف مدرب ولاالرومي مدرب .. عادي وجهة نظر لو مااعجبتك منت ملزوم ترد

ماننحرم

إقتباس الرسالة الأصلية كتبت بواسطة HILALI MADINI احترم وجهة نظرك لكن الإدارة ماجابت المدرب ال اوعارفه ايش مستقبل الهلال كل بعد جولتين يتوقف الدوري وتطالب المدرب بعطاء افضل انت لاحظت كيف الفرق بتواجه الهلال اقل تفسير لها بأنها مباراة مصيريه او نهائي عندي احساس بأن تومس دول بيكون افضل مدرب فالدوري في اخر جولة بتقول الكلام هذا ويعطيكم الف عافية

والله اتمنى انه توماس دول يكون افضل مدرب بالدوري من كل قلبي

بس يالغالي ترى التوقف على كل الفرق مو بس علينا حنا

الشباب متوقف مثلنا ... الاتفاق متوقف .. ويلعبون زين .. ليه ؟

حتى الاتحاد توه طالع من الاسيويه واكل القادسيه ثمانيه ... صفر وحنا دخل فينا 4 .. ليه ؟

اخليك تجاوب عليها براحتك

ماننحرم

بالفعل توماس دول ممتاز لما يهرج في الاعلام
لكن كمستوى داخل الملعب تحس اللاعبين يلعبون بدون تنظيم
وبدون منهجية
واذا بغيت الصراحة ليش نلوم توماس دول فهو مدرب مغمور وما عنده انجازات
فين ايام جيريتس كانوا اللاعبين شعلة من النشاط والحماس

إقتباس الرسالة الأصلية كتبت بواسطة رشيد القرنبعي العيب مو في المدرب العيب في اللعيبة اللي مايستوعبوا مايقوله المدرب ليش العربي تحركاته سليمة وايمانا كذلك بينما تلقى الفريدي والدوسري كل شوي يبون يسوون حادث مع زملائهم وكذلك الشلهوب ؟؟!!! المدرب عليه وضع الخطة واللاعب المحترف يطبق ماطلب منه هذا واقع كرة لقدم في العالم كله الا عندنا عشان كذا نشوف لاعبين يغيروون مدربين لأنهم مافهموا خطته ( الاتحاد مثال ) العيب ان لاعبين المملكة والعرب جهلة علميا وأغلبهم ماعندهم شهادات يالله يالله الثانوية بمقبول يعني مافي فكر علمي يساعد على تطبيق الفكر الاحترافي صدقوني لو سامي يلعب كان ابدع مع خطة دول لأنه متفتح علميا فالعلم والثقافة لها دور في الابداع لأن أي شخص يحتاج أدوات ليبدع وهي كالتالي : 1- التذكر 2- الفهم 3- التحليل 4- التركيب 5- التطبيق ... وهذي نفتقدها في اغلب مجالالت الحياة وهي اساسيات الابداع وباكورة الاختراع كيف تبي لاعب يبدع وهو مافهم أو مايستطيع تحليل الخطة مايواجه توماس دول هو نفس ماواجه ريكارد مع المنتخب اللي ماقدروا يطبقونه ماجعل ريكارد يرجع لهم انت مهاجم وانت مدافع وانت وسط يسار وانت يمين هههههههههه س : هدف الفريدي كيف جاء ؟؟ هل هو رأس حربة ؟؟!! س : أين كان العربي وأين كان ايمانا؟؟ عند بدء الهجمة ؟؟!! س : ماذا تسمى تلك الخطة هل هي الكرة الشاملة ؟؟أو تخبيص دول ؟؟ موال المهاجم يقعد عند القول والوسط بالنص والمدافع مايتقدم هذي انتهت من السبعينيات بس الواضح انها مانتهت عند لاعبينا

انا معك انه اللعيبه عليهم الشي الكثير ... لكن المدرب له الغالبيه العظمى بالسالفه

وكلامك عن المستوى التعليمي انا اتفق معك فيه 100%

إقتباس س : هدف الفريدي كيف جاء ؟؟ هل هو رأس حربة ؟؟!! س : أين كان العربي وأين كان ايمانا؟؟ عند بدء الهجمة ؟؟!! س : ماذا تسمى تلك الخطة هل هي الكرة الشاملة ؟؟أو تخبيص دول ؟؟

لا والله مااسميها كره شامله

لانها حصلت فقط قدام الاهلي

والاهلي هو النادي الوحيد اللي طبق الطريقه العقيمه والقديمه جدا واللي هي

مراقبة رجل لرجل اللي شرحتها في اول الموضوع

اما في حالة الضغط على حامل الكره اللي يطبقها الاتحاد 100% مع ديمتري والنصر مع كوستاس حاليا ... بتشوف كيف دول والكره الشامله وقتها

تقدر تميز كلامي من مباراه الرائد

في الشوط الثاني وقبل مايدخل فيهم الهدف .. كانوا يضغطون على ايمانا والفريدي والدوسري ... شف كيف الكره تنقطع بسهوله وبغرابه ... وهذا اللي اقصده

ماننحرم