الكل شاهد المستويات التي يقدمها الفريق الاولمبي الهلالي صراحه شي يرفع الراس ويحسسك ان مستقبل الهلال بالطريق الصحيح هذا كله كان مجرد شعور في بداية الدوري وكنت اتوقع انها لضعف الخصوم وليس لقوة الهلال
لكن بعد مبارة الهلال والاهلي تغيرت قناعات كثير حسيت الشباب عندهم طموح عندهم ولاء يحبون الهلال
حسيت ان الي يلعبون جمهور ماهو لاعبين من كثر ماهم جالسين يحترقون لاجل الهلال لعبو 90 دقيقه من بدايتها
الى نهايتها بنفس الرتم بنفس الحماس بنفس الرغبه رغم النقص رغم التحكيم الي ما اتوقع انه كان شايل معه
بطاقات ملونه الا البطاقه الحمراء الي اظهرها لبدر المرشدي رغم العنف الي كان عليه لاعبين الاهلي لكن ابطالنا
كانو بالموعد وحاولو بكل شي لكن هذي الكوره اهداف وانا اشوف المباراة كنت متحمس بحماسهم وكنت اشعر ان فريق زي هذا حرام يخسر فريق قطع الملعب طول بعرض لكن من اليوم قررت
اني ادعم الفريق هذا والمفروض الجمهور كله يدعمه هذا الفريق مستقبل الهلال بغض النظر عن من يكون بالتشكليه
نبي الروح القتاليه الي عندهم نبي حبهم للشعار ولائهم اتمنى لهم التوفيق ويستاهلون شبابنا واذا تسال عن اي روح قتاليه اتكلم عنها شف فرحتهم بعد هدف التعادل