06/03/2003, 02:41 AM
|
| زعيــم متألــق | | تاريخ التسجيل: 13/12/2002 المكان: الرياض
مشاركات: 1,323
| |
|
تنكرت بزي بنت وبغيت انطخ برشاش
[c]
في واحد من الشباب المسكين ماعمره تعرف على بنت وكانت امنيه حياته الشيء هذا
كنا دايما نجلس في الحاره ونسولف عن البنات كل واحد يسولف عن خويته وهو المسكين ماغير ساكت ماعنده سالفه يهرج فيها
وجاكم الملقوف اخوكم مسوي بيلعب على الولد
واتفقت انا واحد من الشباب على اساس اني البس عبايه امي وامر في الحاره واسويلكم حركات وانتم ترقموني
اتفقنا او وصاحبي على اني امر في شارع الحاره وانا لابس عبايه على شرط انه يكون خوينا الدلخ جالس
وفعلا اشكلك العبايه المخصره والبرقع ياعني طلع شكلي مثل ( زيتونه زوجه بباي ) ولا العيون من جد عيون تور حمره ومتنفخه بس على قولتهم لبس العنز برقع تطلع نوال الز غبي ( كلام سليم )
والله وانا امر في الشارع الا خوينا جالس عند بابهم وخوي الي متفق انا وهو جالس معاه احنا اتفقنا على اذا انا مريت يقوله رح رقم البنت هذي لا تخاف هي تعطي وجه اي واحد
الولد تشجع شوي وانا ما قصرت عطيتيه عمزتين على الطاير ويجيك مجاوب
ويمشي وراي وانا مسوي اني اكلم في الجوال وانواع الضحك بس ماعليكم ( نقلد صوت البنات شوي )
والله الولد يمشي وراي الين اشرتله على الجوال ( يعني عطني الرقم ) ماصدق خبر ابو الشباب وعلى طول يعطيني رقم بيتهم , ياعيني على الرقم كأنه عداد كهرب مفصول
المهم هو بعد ما اعطاني الرقم انا رحت في الحاره الثانيه وكنت موقف سيارتي بعيد عن الناس شوي ةالله وركب سيارتي بدون ما احد يشوفني واحط رجلي على البيت .
بعد يومين اتصلت عليه من جوالي وانا عارف انه ماعنده كاشف : :
وقمت اسحب فيه واعطيه من الكلام الرومنسي الي الولد داخ وقامت تحوم حوله العصافير ( مسوي سبيس تون )
المهم جلست اسحب في الولد الين تعلق وذاك اليوم مريته انا وواحد من الشباب علشان نتطلع للبر وقال والله اعذروني ما اقدر مريض وحرارتي مرتفعه ( نصاب يستنى الاتصال )
المهم قلناله على راحتك ومن يوم طلعنا من عنده وانا ادق عليه .. وقام يخور الولد قالي : فينك الله يهديك صارلك 3 ايام ما تصلتي حرام عليك تسوين فيني كيذا والله انا من جد حبيتك ( عاد انا معطيه اسم على كيفكم البندري )
قلتله اسمع انا عندي ظروف ما اقدر اكلمك على طول اخاف يدخل علي ابوي او امي وبعدين انا يمكن ما اتصل عليك الا بعد 3 ايام لاني ابي اطلع الشرقيه
المهم انا جحت الولد لمده شهر ماعاد اتصل عليه ......
الولد قام يغيب عن دوامه وقام يمرض وبس تلقونه سرحان وعقله شارد
الربع قالولي حرام عليك يا شيخ من جد الولد متعلق قلت خلوه على وجهه بس
واتفقوى اثنين من الشباب انهم يعلمونه بالحقيقه
وفعلا راحو يمه وقالوله ترى الي كان يكلمك فلان وانا واقف معهم قالنا ياشيخ روح انت واياه ماني فاضي لمزحكم تراني ماني برايق
قلناله ايش فيك يا ولد الناس نكلمك من جد احنا عاد انا قلتله بعض الحوار الي دار بيننا على التلفون وهو ينجن ويركض للبيت ويروح يجيب الرشاش احنا حسبناه راح يبكي من الومقف (على باله فلم هندي )
ما ندري الا الرجال طالع في الرشاش وموجهه يمي وانا حتى سروالي طاح الله يرجه بس ربك ستر الرشاش كان فاضي والعيال مسكوه وهدوه
وانا مسوي فيها فتك 3 ايام ماطلعت من البيت قلت هذا خبل والله يذبحني
ما اطول عليكم المهم بعد اسبوع رحت للولد واعتذرت منه وانتهى الموضوع بس من جد كانت صدمه له قويه
ـــــــــــ
منقووووووووول
[/c] |
الوضع العادي
