عبر برنامج "كورة" : السماح للسيدات بحضور المباريات من الملعب ... قريباً - صفحة رقم 4 - نادي الهلال السعودي - شبكة الزعيم

زعماوي 10 · #46 30/10/2011, 01:18 PM

بدل ما يطورون الكوره السعوديه بالمعسكرات المفيده

والملاعب النظيفه والخدمات المميزه

ويطورنها بجلب البطولات

يريدون يطورونها بدخول امهاتنا واخواتنا للملاعب

خسئتم وخسئت يا نواف بن فيصل

هلالي مضيع · #47 30/10/2011, 01:34 PM

ويييييييين

لأ ان شاء الله مايصير

بطريقه غير مباشره راح يخلون المرأة تسوق

اذا وافقوا على دخول العوايل رآح تسوق المرأه والله أعلم

لأنه بترفع شكوى للرئاسه العامه لرعايه الشباب انه مابه احد يودييينا للملعب

ونبي نسوق

مأقول الا الله يستر من العقوبه

هند الشمري · #48 30/10/2011, 02:41 PM

فاضين وربي ..!
سنعوا ملاعبكم اللي تفشل ، بعدين فكروا بحضور السيدات للملاعب
ومستحيل يصير هالقرار وراس الأمير نايف يشم الهوى
الله يخليه لنا ويخلي لنا أبو متعب

شكراً

FOLDY · #49 30/10/2011, 02:56 PM

الحين رجال الامن عجزو ينظمون الرجال فقط

اجل كيف لاصار فيه رجال وحريم

الهنووف الهلاليه · #50 30/10/2011, 03:03 PM

شي كنت اتمناه من زمان وكنت منهبله ابي احضر

بس فكرت فيها
اول شي /البنات القليلات ادب طبعا مو كلهم بتجي الميك اب وضيق وكأنها في زواج

ثاني شي/ بيكون فيه صراخ ورقص وهذا شي يغضب الله قبل كل شي

لا تقولون وين رقص معه ايه بترقصين منتب ماسكه نفسك مع الطق

تخيلوا بنات يصارخون..!! وعند مين عند الرجال !

ثالث شي/اللي تحمسوا للفكره ترى ملاعبنا مب الكامب نو ولا السنتياغو ولا ويمبلي

ملعب الاخدود اللي عساه يكفي العيال

ماحولكم الا استاد الملك فهد

وبعدين شي صععب يصير لان لو حطو لازم يوسعون بالمدرجات ويكبرونها وهذا يبي له وقت تخيلوا بس يتاجل الدوري عشان تزين المدرجات

واخييرا مافيه ازين من التشجيع في بيتكم والاكل متوفر والمشروب متوفر ودورات المياه (وانتم بكرامه)زينه نظيفه وش تبين اكثر من كذا

...............................
لو بيسمحون اسمحوا لمباريات المنتخب
واتمنى من نواف يهتم بالاشياء اللي اهم من كذا
اجل منتخبنا السعودي وش دخله بافريقيا
عشوائية المسابقات ماتنفعنا
ارفعوا مستوى الكره السعوديه قبل تدهور مرره

زعماوي 10 · #51 30/10/2011, 03:19 PM

الشباب الجنس ثالث ودنا يمنعونهم وش عاد البنات

قرار غبي جدا اتمنى عدم تنفيذه

AbdulRahman bin Mohammed · #52 30/10/2011, 03:22 PM

إقتباس

الرسالة الأصلية كتبت بواسطة FOLDY


	الحين رجال الامن عجزو ينظمون الرجال فقط اجل كيف لاصار فيه رجال وحريم

اي والله كيف بينظمونهم عاد البنات ماتبي الا رايها يمشي

ʂįĺνєɾ · #53 30/10/2011, 03:48 PM

قاعد أتخيل شكل الملعب عوائل

مابقى إلا يقولون ممنوع دخول الشباب !!

إن شاء الله تفشل خطنهم

قصة عشق مع الزعيم · #54 30/10/2011, 04:13 PM

يحلمون

----------------------------------------------
ادري انه حلم

بس بعد هالقرار جلست افكرواقول

هم رجال الامن بيتعاملون مع البنات

مثل مايتعاملون مع الشباب ونفخ وصراخ وضرت وتفتيش

والا بيخلونهم يدخلون براحتهم والكلام الزين والتعامل الراقي

بس خوفي بعد مباراتين يعلقون على باب الملعب

لافته كبيرة

( للـعــوائل فـــــــــقط )

---------------------------------

ايه وعندي سؤال ثاني /

انت يالشاب الي عاجبتك الفكرة ومؤيد لتطبيقها

ترضى اختك تحضر للملعب

موسوعه هلاليه · #55 02/11/2011, 12:25 AM

إقتباس

الرسالة الأصلية كتبت بواسطة كدبــووري


	وين المشكلة ؟ واللي يقول بتصير فضاايح ومدري وشو ، ياخي اللي يبي هالاشياء بيلقااهاا بـ أي مكان !! وقفت على الملاعب

أول شي معك بنت
ثاني بيصير تفتح بزياده
ماوقفت على الملاعب
وأنت لاتسوي فيها يعني عادي
قابلني إذا خليت أحد من أهلك يروح للملعب
ياشين الحتسي اللي ماله سنع

هلالي موت ؟؟؟ · #56 02/11/2011, 03:21 AM

بوجود نآآيف طال عمره إن شاء الله مايصير ,,!

تـــرآنيم الســـماء · #57 02/11/2011, 04:35 AM

هيه هيه وش فيكم >احم سوري

اساسا م نبي نروح للمــلأعب وش حلاة المباراه تحت التكييف

والقهوه وذاك الحماس >قلبتهآ جلست حريم

بس ردودكم تقول شيبان من العصر الحجري>>سلكوآ سلكوآ

لا انشاء الله م يصير والخ

faisal332211 · #58 02/11/2011, 05:44 AM

وين المشكله ودي اعرف وين ؟؟؟؟؟؟؟؟؟؟؟؟؟؟؟؟؟؟؟؟؟

اعتبر انك مطلع اهلك الكورنيش في ناس حولك حواليك محد اكل اهلك

اغلب المجتمع السعودي هياط وبس مستعد احط بذمتى ان نسبه كبيره من الي رافضين الفكره ما يعرفون الصلاه

بس عيب كل شي جديد عيب

ترى مباره كوره قسم عوائل مداخل ومخارج خاصه فيهم وخلصنا

.... نادي عراه هو ....

لازم نتقبل اي فكره جديده اهم شي مو حرام وبعدين نشوف الباقي

انا اول واحد بيحضر مع اهله للملعب

فآ‘إْلديفيآ‘إْ · #59 02/11/2011, 02:48 PM

لحظه لحظه ؟ وش دخول الحريم الملاعب ؟ الحرمه مكانها بيتها وبس ؟ وش لها في الكوره ؟

تحب الكوره تتفرج فيها في البيت ؟

قال يسمحون لـ الحريم بدخول الملاعب

ماصارت في عـهد الرسول عليه الصلاة والسلام فـ تصير الحين

شوقي هدية · #60 02/11/2011, 02:59 PM

اذا وضعنا الحين في دخول الملاعب مشكلة

اذا سمحو للعوائل كيف بيكون الوضع

لا لا مو معقول يا رب تفشل الدراسه...