باص لكل هلالي .. [ فكرة حلوة واتمنى تعجبكم ~,.
السلام عليكم ورحمة الله وبركاته
صباح / مساء الخير ياجماهير الملكي
أنا اليوم دخلت على موضوع في منتدى اعضاء جماهير الهلال وقبل لا أدخل على الموضوع كنت فاهمه غلط [ يعني حسبته يتكلم عن موضوع كان في بالي ولمّا دخلت عليه لقيته يتكلم عن شئ ثاني ] << مسوي يعرف للمقدمات شكلكم مافهمتوا شئ
المهم :- الموضوع اللي كان في بالي أن الرئيس الامير / عبدالرحمن بن مساعد الله يحفظه لنا . يحط 6 باصات أو اكثر في كل حي بحيث يقوم بنقل الجماهير الهلالية إلى الملعب وكل واحد يدفع 10 ريال اذا كانت المباراة في إستاد الملز و20 ريال اذا كانت المباراة في إستاد الملك فهد ويكون كل باص أو باصين في منطقة معينة .. مثلا في البديعة 6 باصات يكون باصين عند نادي الهلال ويكون باصين عند البديعة مول وباصين عند اي مكان بعيد شوي عن هالمنطقتين .
يمكن البعض يقول يقول وين 6 باصات في كل حي تكلف كثير يعني ويمكن ماتنجح الفكرة .. لا أنا اقول في البداية نحط باصين في منطقتين يعني في العريجاء اثنين وفي السويدي اثنين واذا نجحت الفكرة نجيب 4باصات زيادة ونحط اثنين في البديعة واثنين في الشفا واذا شفنا الفكرة ناجحة نكثر الباصات في كل احياء الرياض .
أنا طلعت من هالفكرة 3 إيجابيات وهي :-
1- الحضور الكبير في كل مباراة هلالية .
2- توفير للإدارة الهلالية المال .
3- توفير على الجماهير يعني اللي يجي بالتاكسي . [ التاكسي يوصل الى استاد الملك فهد بأربعين ريال تقريبا اما الباص راح يكون بعشرين ريال فقط ]
اذا شايفين فيه شي سلبي بالفكرة ياليت تقولونها وش هي عشان نعدّلها
اذا اصبت فهو من الله واذا أخطأت فهو من الشيطان ومن نفسي
والسلام خير الختام
الوضع العادي
