الخير جاي ان شاء الله والحلول بتجي بإذن الله خلو أملكم بالله كبير ثم بعبدلله بن عبدالعزيز

روقان هلاليه

فهمتي مقصد الموضوع غلط ..

صاحب الموضوع لم يتكلم عن الامن والامان ولا على الحكام ..

تقارنين دولة خليجية بدول افريقية !

لماذا لا تقارنينها بالامرات وقطر !

.......

az3eem-4-ever

كلامك صحيح فيه خطة ان شاء الله تنفذ لايجاد حل مشكلة السكن الخاص..

انا انصح الشباب يسون اي مشروع صغير يعني كافتريا بجامعه ولا كشك بسوق او اي شيء والله راح يكسب
شوفوا محلات الكب كيك انا اجزملك الربح الصافي 2مليون بالسنه ماراح يخسر الي يفتح مشروع او حتى اللي يبيعون خظار المكسب 15الف بالشهر تصدقون ؟

لانقارن نفسنا بالامارات و قطر لانهم ينعدون بالأصابع بعكسنا ماشاء الله تبارك الله

وبدل السكن راح ينفذ ، جاكم نايف ياوزراء جاكم عالي الشان قوي الباس

والله العظيم اني ما استفدت ولا ريال من مكرمت الملك ولابعمري طلبت اني استفيد فيكيفيني فخرا اني انتمي لهذا البلد
ابوي بالقطاع الخاص
وامي ماتشتغل ولا سجلت لابحافز ولا بغيره
و انا اكبر اخوتي وإلى الأن ما اخذت اي راتب من الحكومه حتى راتب الجامعه لسى ما اخذته
فلاتقول ان لسعودي مايهتم غير بنفسه ويشوف وين مصلحته لاني مصلحتي الوحيده وهدفي ليس الماده بل طاعة ولي الأمر و الحفاظ على دوله إسلاميه لأن بذهابها نعلم ان الإسلام بعد لله لن يستمر او بالاصح سيواجه صعوبات لاننا نحن من لدينا الحرمين برحيل مليكنا الله لايقوله سترى إيران وذئابها ينقضون علينا

إقتباس اقول .. احمدو ربكم على العافيه اللي انتم فيها وعلى نعمة الامن والامان .. روح شوفو سوريا ومصر وليبيا واليمن .. اقسم بالله راح تبسوون ارض هالوطن الغاليه ... وبعدين الموظفين بدل ما يحمدون ربهم اللي رزقهم بالوظائف وتجيهم رواتب اخر الشهر ومو عاجبهم الوضع ويبغووون سكن وبدل سكن كماان ... فيه ناس مساكين ماعندهم هالنعمه اللي عندكم ... اقولك اقضبو ارضكم ... والله يديم علينا هالنعمه ولا يغيرها علينا يارب ويعز آل سعود ويحفظهم

هل تعلمين إن ميزانية سوريا + مصر + ليبيا + اليمن .. مآتسوى شي قدامنا



لو راتبي 12 الف .. وإجآر الشقة 36 الف سنوي .. 3 الاف كل شهر ..

يبقى 9 الاف .. إقساط سيارة نقول 2,500 يبقى 7,500

سآهر يآخذ على الاقل 1,500 .. يبقى 6,000

متطلبات شخصية بين 3,000 و 4,000

وبرضو المتطلبات العائلية .. كم يبقى 100 إو 50 ..

وهذا وضع الإنسان اللي حالته متوسطة وعنده عائلة ومآله طموح في الحياة يبي يستمر على هالوضع حتى يموت

كيف اللي عمره 50 و رآتبه 2,500 ويصرف على 15 شخص ؟؟؟؟

طبعا ماحبيت إتكلم عن اللي يطمحون للزوآج .. لاني راح اتعب كثير

..

اشكرك اخي على طرح الموضوع ,, و اتمنى من الاخوه الاعضاء الكرام عدم الاساءه
لصاحب الموضوع او التقليل من شانه وان يبقى الاختلاف بما طرح فقط , دون اساءات شخصيه ..

شكرا لكم

إقتباس الرسالة الأصلية كتبت بواسطة روقان هلاليه الملك بنا 500 الف وحده سكنيه والحين جاي يطلب بدل سكن... وصرف رواتب لجميع العاطلين 2000 بالشهر .. تخيل وانتا جالس بالبيت وتجيك 2000 ريال شهريا وانت عااطل ..؟ فين تلقاها هذي .. بس الطمع شين .. ومعروف الشعب السعودي بس يتشكى ..

أختي روقان ،،

مب صحيح العاطل يستلم 2000ريال !
مقارنةً بإحدى الدول الخليجيه حالتنا سيئه ،، في الكويت الطفل من يوم يولد يصرف له راتب حتى بلوغه وعند زواجه يُعطى أرض و و و و ..
الشعب السعودي ضحيه في كل شيء ، تنزل مكرمه ملكيه زيادة رواتب ويزود معها السلع والمواد الغذائيه يعني ما إستفدنا من الزياده.. وللمعلوميه 70% من السكّان ساكنين في إيجار هذا دليل الشعب حالته الماديه يُرثى عليها ومع ذلك أغلب التبرعات والمساعدات تذهب للخارج وحنا أولى فيهاا .

موضوع مهم وحساس وياليت الدوله تهتم فيه

تجار العقار يتلاعبون بالشعب والحكومة لا حس ولا خبر

انا امنيتي امتلك شقة حتى اتزوج لكن ارتفاع الاسعار الحاصل عندنا مايساعد اني احقق امنيتي

الدولة مابيها تعطيني شقة او ارض او قرض لكن ابيها تراقب التجار اللي يتلاعبون بالشعب

واللي يقول لانقارن انفسنا بقطر والامارت بالحقيقة استغرب منه هذا الكلام

ليه مانقارن انفسنا فيهم صادرات النفط عندنا ضخمة وايراداتها ما شاء الله

هذا غير الموارد الاخرى

والتجار الدولة ماهي مقصره معهم عطتهم تسهيلات ضخمة سواء بالاراضي او القروض

بالرغم من ذلك نسبة السعودة عندهم عالية في الوظائف البسيطة ورواتب ضعيفة

اما الرواتب العالية استفاد منها الاجانب فقط .

اتمنى من الدولة تحط حد اعلى للأيجارات ومن يتعدى هذا الحد يعاقب .
واتمنى ايضا مراقبة اسعار الاراضي وارجاعها لوضعها الطبيعي ومعاقبة التجار على تلاعبهم .

إقتباس والله مو معقول واحد جالس في البيت ورا الاب توب ويبغى البيت والزوجه تجيه لحده .. ادرس اجتهد اكرف .. وبعدها راح تتخرج ووتوظف وتتزوج بعد ما تكون نفسكــ والا لو كان الحال كل واحد بيجي له بيت وينزل له راتب وتجيه الزوجه لحده ما كان احد اشتغل وكان الكل جلس في بيته وبعدين وشهو له يآخذ سااهر ..؟؟ يعني لازم تسرع .. ؟؟ متطلبات شخصية .. 4000 ريال بالشهر حشاا والله لو انك ملك ما صرفت هالمبلغ بالشهر انا زوج اختي يستلم 2000 ريال .. وعايشين حياتهم احلى ما يكون ومبسوطين ورراضيين بحاتهم ... ااما سالفة الشقه 36 الف حشى الظاهر انك بتستاجر فله والا قصر تزوج ما احد قال لك لا تزوج بس لاتخلف الا على قد فلوس ... مو تخلف 20 وانت راتبك الفين .. الله ما شفنااه بالعين عرفنااه بالعقل .. وبالاخير كلها ارزاق

إولا : إثبتت تنآقضك .. إنآ إذكر تقولين إن 2000 ريال تجيك وإنت في بيتك .. والآن العكس ..

ثآنياً : لا إحبّذ الحديث عن سآهر لإنك مآجربتيه

ثآلثا : المتطلبات الشخصية تشمل بآنزين السيارة .. تجديد اشتراكات .. تصليح إجهزة .. العاب بلايستيشن .. إعمال يومية روتينيه عشآءء غداءء وإعتقد 4 الاف قليلة إيضا

رابعا : إيضا لا إحبّذ الحديث عن هالنقطة .. لإن واضح ماعندك خبرة في العقار

خآمسا : في بعض الدول الخليجية تصرف على الطفل حتى يبلغ الـ15 سنة وبعضهم 13 سنة .

سآدساً : علمني وآلدي نقطتين .. لأطيل بالنقاش مع إنثى + ولا إمشي على رأيها

سابعآ : هذا آخر رد لي عليك

ثآمنآ : حسيت إنكم تقرون قرار ملكي

بارك الله بكم جميعا

الف شكر

إقتباس الرسالة الأصلية كتبت بواسطة روقان هلاليه اقول .. احمدو ربكم على العافيه اللي انتم فيها وعلى نعمة الامن والامان .. روح شوفو سوريا ومصر وليبيا واليمن .. اقسم بالله راح تبسوون ارض هالوطن الغاليه ... وبعدين الموظفين بدل ما يحمدون ربهم اللي رزقهم بالوظائف وتجيهم رواتب اخر الشهر ومو عاجبهم الوضع ويبغووون سكن وبدل سكن كماان ... فيه ناس مساكين ماعندهم هالنعمه اللي عندكم ... اقولك اقضبو ارضكم ... والله يديم علينا هالنعمه ولا يغيرها علينا يارب ويعز آل سعود ويحفظهم

وأنت أو انتي تقارن وضعنا بوضع الدول المذكورة !!

احنا من أكبر الدول المصدر للبترول وكثافة السكان نعتبر بالترتيب السادس بين دول مجلس التعاون

الظاهر انك متسدح ببيتكم ماتدري وين ربي راميك ولا انت شايف كيف الغرفتين ببعض المناطق وصلت لـ 30 الف ريال

لا تنسى أن 80% من سكان المملكة بدون بيوت أو حتى اكواخ ملك لهم

إقتباس الرسالة الأصلية كتبت بواسطة روقان هلاليه الملك بنا 500 الف وحده سكنيه والحين جاي يطلب بدل سكن... وصرف رواتب لجميع العاطلين 2000 بالشهر .. تخيل وانتا جالس بالبيت وتجيك 2000 ريال شهريا وانت عااطل ..؟ فين تلقاها هذي ..

وين الـ 500 الف وحده ذي

وبتغطي مين ولا مين الـ 500 الف وحده سكنية ؟؟؟

تعداد السكان 26 مليون واللي يتملك سكن 20%

يعني عشان تحل مشكلة السكن يبغالك 3000000 مليون وحده سكنه عشان يبدأ المواطن يتنفس

وبالنسبة لبدل السكن أو توفير السكن جزء مهم وحق لكل مواطن سعودي دام ربي مكرمنا بواسع فضلة


اخوي صاحب الموضوع

كل الشكر على طرحك ومشكلة السكن انها طاحت بيد مجلس الشورى
والطرح حقه غلط من الأساس عشان الطريقه اللي يتناقشوا فيها تساعد على الغلاء ولا تمسك الأسعار الحالية أو تخفظها

حل المشكلة بسيط ان شاء الله وهو بيد ابو متعب وهو توفير السكن الخاص لكل مواطن بأقرب وأسرع وقت ممكن

كل الود

المشكلة الدولة ما عندها مشكلة ببدل السكن ولو انها تصرفه من اول لكان افضل

لكن صراحة الخوف يصرفون بدل السكن وترتفع الايجارات لأن العقاريين والتجار حتى لو اشاعة رفعو الايجارات

المشكلة الحين اي شي يصير على طول ارفع اسعارك ولنا في ابوجميل مثال يحتذى به

اول ما جت مشكلة اليابان ارتفع كل شي حتى المنتجات الاوربية

الشركات عالميا ربحها السنوي ما يتعدى 25% وان زاد خفضت قيمة المنتجات عشان كذا نشوف تفاوت بالمنتجات الا عندنا

رفعو الرواتب 15% اول مرة كل شي زاد

رفعو مدري وشو كل شي زاد

مدري وش صار وارتفع الرز حتى لما جاء الدعم من الدولة ما نقص ووزير التجارة ابويماني وزينل للحين يمشون بمدأ انها وزارة التجّار

منع استيراد السيارات اللي عمرها اكثر من 5 سنوات قلنا اوكي مو مشكلة عشان كل السيارات القديمة كانت تجي عندنا وتسوي مشاكل وقلنا يمكن ولعل وعسى

وهالقرار استفدنا منه في توفر قطع الغيار المستعملة وتسبب انها صارت منتشرة وقل اسعارها نوعا ما يعني تخيلو ماشاء الله مكينة لكزس 400 ب1500 ريال مع الرجيع

لكن يجي زينل ويصدر قرار قبل فترة لعيون وكلاء السيارات ان حتى السيارات المقصوصة ما تدخل حتى لو قطع غيار يعني والله اني خايف اللي اخذو الثقة ومسكو المناصب هم اللي بيتسببون بانفجار في احد الايام ان لم ينتبه ولاة الامر من هالناحية

عندنا الشركات توصل ارباحها الى 150% والمراعي كمثال السنوات الماضية تحقق ارباح بين 50 الى 70% ولما هالسنة صارت الارباح وصلت لمستوى اقل من ال50% رفعو اسعارهم وقبل كانو يقللون الكميات ومعروف ان المراعي رائدة الحركات النص كم

وكل شي يرتفع بس ماينزل وان سألت شي قال ارتفاع الخام

البترول وارتفاعه له علاقة؟ ليه زيت السيارة الحين طاق ال16 وال17 ريال للعلبة ومن 6 سنوات بس كانت العلبة ب8 و9 ريال وبعضهم ان طق طق ب10

شكلي بفتح بنشر لادراسة ولا هم والله البناشر ماسكها واحد ولا احد يقول له شي هو اللي يرفع اسعارها بمزاجه والعالم ترفع وارفع وارفع والله يستر من القادم