هلالنا ما يطمن...والله يستر علينا

يمكن تقولوا اني متشائم او تشككوا في هلاليتي. بس بالله عليكم فكروا في كلامي شويه وبعدين احكموا:

تصفيات اسيا على الابواب واحنا نص فريقنا ما بين اصابات وابعادات ومشاركات منتخبات . السد عنده سيرجيو و روماريو يعني هجوم صاحي ويخوف. الدعيع لسه نايم والدفاع مستواه عادي جدا وهجوم السد يبغاله دفاع صح. الاهلي والاتحاد والنثر جايبين اهداف كثيره ووصلوا للاربعينات واحنا اهداف بالقطاره. الناس يفوزوا بالخمسات والستات واحنا بالاتنين ونشوفها انجاز حتى القادسيه جاب الاربعه واحنا ما وصلناها. اجانبنا نظريا كويسين بس فين المدرب اللي يشغلهم صح. بلاتشي ما عنده جديد للهلال وما بيده شي يسويه اذا اللعيبه طفشانه وما عندها روح للعب. نفسي ما ندخل المربع لاننا حناخذ هزايم تاريخيه اذا استمر الحال على ما هوه عليه. لا وكاس ولي العهد اول مباراه مع القادسيه وربنا يستر

تقولوا متشائم ولا عميل ما يهم لانه ليالي العيد تبان من عصاريها ومن جد خايف من ثلاثه هزايم من الثلاثي الاصفرين والاخضر. لانه اذا شباب ونجمه ما اكلنا معاهم عيش ايش حنسوي قدام البقيه؟؟؟؟؟؟

بداية الخلل كانت يوم ما راح ارثر جورج. الراجل كان شغال صح قامو جابو النكبه ماتورانا اللي اخد كل شي عالجاهز وجانا بلاتشي وزاد الطين بله

سيبي بدره حالف براس امه كرت اصفر كل مباراه واحمر كل خمسه(كانه بيجمع غطيان مسابقة بيبسي) والله يذكر بالخير ابوثنين والعويران. كانشلسكس كويس بس طريقة جنح وارفع دي ماتنفع كل شويه وخصوصا مع التنح الدوخي اللي ما رفع كوره صح من زمان . سوفو ماشي حاله بس هل سامي والعلي حيلعبوا معاه ولا حيطنشوه عشان يمشي زي سوماليا. نواف مستواه لسه ما ارتفع والشلهوب يكرف لوحده والغامدي كمالة عدد.
الصالح مو زي زمان وعزيز محور للمنافس علينا. الخثران تبوه ظهير ولا وسط حددوا بالضبط؟واللسته طويله

احسن لنا انه نعد الفريق للموسم المقبل ونعطي فرصه للبرقان والصويلح وشلة الشباب لانهم مستقبل الهلال.
واللاعب اللي حاسس انه لازم يعتزل يعتزل ومشكور على ما قدم .

تسلم أخوي ..

أتفق معاك ...

بس خلونا متفائلين والله يستر