اقترب مهاجم المنتخب السعودي ونادي الشباب ناصر الشمراني, من تسجيل الهدف المئوي في مسيرته مع نادي الشباب
وذلك حينما يلتقي فريقه مع التعاون مساء يوم الجمعة المقبل في الرياض ضمن مباريات الجولة السابعة من دوري زين السعودي للمحترفين, حيث كان الشمراني قد أحرز الهدف رقم 99 في مسيرته مع الشباب في شباك نجران في الجولة الماضية من بطولة دوري زين
بالرغم من ندرة المهاجمين المميزين في السعودية الا ان ناصر الشمراني يعتبر من افضل المهاجمين في السعودية وذلك لاقتناصه الاهداف من انصاف الفرص

نصها بلنتيات ههههههههههه

الف شكر اخوي

اكثر مايميزه التمركز الجيّد والحظ اللي يكسر صخر ماشاءالله
وأغلب أهدافه مقشرات + بلنتيات
صحيح هداف الدوري لـ 3 سنوات شي مو هين
لكن ماقدرت اقتنع بهاللاعب كمهاجم ممتاز من طراز رفيع ..

لآهنت ~

إقتباس الرسالة الأصلية كتبت بواسطة 14(البرنس اليمني)14 99 بلنتي وهدف صنعه وسجله ! ولآ عشآن مآنظلمه سجل 98 بلنتي هدفين من صنعه وتسجيله وش فيكم زعلآنين مآقلنآ إلا آلصدق ! نص آهدآفه بلنتيآت !

بلنتي فاول مو بلنتي وش اسمها بالنهايه اهداف

قول بس مشاءالله عليه والله يوفقه بحياته بدل الحقد

ما شاء الله تبارك الله عليه مبددع جداً صدق ياريته معنا
والي يقولون اهداافه مقشرة والله في بعض اللاعبين تعطيهم اهداف مقشرة ولا ينفع معهم
خلوا عنكم التعصب وقولوا الحق اجل هدااف موسمين متتالين وكل الأهدااف حظ والبلنتيات مايبيلها مهاارة وتركيز عاالي ولا كلامي غلط ؟!!!!

اللي مايعرف إن الشمراني اصيب مرتين بالرباط الصليبي قبل كم سنه مع الوحدة والموسم ماقبل الماضي مع الشباب وحقق بعد الاصابة الاولى هداف الدوري مرتين وبعد الاصابة الثانية حققها للمرة الثالثة
ماشاء الله عليه مكينه تهديفيـه , سواء بلنتيات او بغيرها لم يصل احد المهاجمين المتواجدين حاليآ لهذا الرقم

يعطيك العافيه ع الموضوع

ولا ننسى انه هداف كأس خادم الحرمين وهداف لبعض البطولات الودية
ولو يحقق الشباب بطولة في اسيا اعتقد ان الشمراني راح يكون هداف فيها ^_^

مآآشوف إن نسبة آهدآفه في ضربات الجزاء كثيرة ..

لكن نقول إن كلها ضربات جزاء .. ممكن تقولون لي وش طلعنا من آسيا 2007 قدام الوحدة مو ضربة جزاء ياسر ؟؟

و2010 ضربة جزاء ويلهامسون و 2009 ام صلال .. ضربة جزاء التايب والشلهوب

و إسطورة إيطاليا بآجيو ضيع ضربة جزاء في نهائي كأس العالم ومحد قآله شي .. عكس الرائد يوم ضيع المشعل قدام التعاون طردوه < شطحه بسيطه

ويبقى الشمراني من افضل المهاجمين تمركز ورجله ماتصيب الا الباب .. حتى في مباراة خيرية صار الهداف وقلتها قبل المباراة قولوله إنها مباراة خيريه لايصير هداف ماشاء الله تبارك الله

............... بعض الردود غريبة


............... المهاجم مطلوب منه يسجل بـس


............... مو لازم يكون مهاري وأبتسامتة أعلامية


............... صحيح ان معاه شوي حظ بس الاعب تمركزه جداً ممتاز


.............. والدليل سجل هدفين في اخر مباراة قدام الزعيم من تمركزه

ما أخطوا يوم سموه الزلزال

ماشاء الله عليكـ ياناصر

من افضل المهاجمين الحاليين إن لم يكن أفضلهم

لاعب جته اصابه رباط صليبي وماشاء الله تباركـ الله قدر يهيأ نفسه بشكل ممتاز

وعاد مثل اول وافضل بالتوفيق لناصر مع ناديه بعيداً عن الزعيم

بعد الـ 100 الظاهر بيسمونه ناصر قول

باقى له هدفين ويلا يسجل أهداف ..

الله يوفقه فى حياته الرياضية بعيدا عن الهلال

كبير يا ناصر وما عليك من كلام العذال

he is very good

وش هالتفكير الغبي عند بعض الناس وش حظ وش بلنتي

اقول الرجال جايب 100 هدف وهو افضل مهاجم سعودي شاء من شاء وابى من ابي

واللي ما يبي يصك راسه باي زاويه