عندي مشكله في جهازي - ياليت اصحاب الخبره يحلونها لي - نادي الهلال السعودي - شبكة الزعيم

هلالي ورااسي عاالي.. · #1 26/10/2011, 02:15 AM

السلام عليكم ورحمة الله وبركاته ..

كيفكم يا اعضاء هذة الشبكه الرائعه

بأختصار مشكلتي هي اول ما افتح اي مجلد في جهازي مثلاً ( المستندات )
يفتح معي وبعدين يعلق وتجي لي الرساله هذي :

بعدين ما اقدر اتخذ اي اجراء او افتح اي ملف الا اذا ضغطت على اغلاق الرساله واذا
ضغطت على اغلاق الرساله يسكر المستند اللي فتحته او المجلد وبعدها
تطلع لي هذة الرساله :

واضغط على عدم الارسال ..
وفحصت الجهاز عن طريق الكاسبر الاصلي ولكن لم يظهر لي شيء يبين الخطاء
الموجود في جهازي ..

ياليت اي واحد منكم له خبره يتكرم ويقولي وش معنى الرسايل هذي ..

وشاكر لكم مقدماً على الرد

~

احساس مجنون · #2 26/10/2011, 05:13 AM

وعليكم السلام ورحمه الله وبركاته
بخصوص مشكلتك الاولى ..

حمل هالتحديث وثبته اذا نظامك وندوز اكس بي عربي هنا ..

بخصوص مشكلتك الثانيه

جرب اضغط بزر الفاره الايمن على جهاز الكمبيوتر .. اختر خصائص
ثم خيارات متقدمه وبعدين الاعلام عن الاخطاء ..

واختر تعطيل الاعلام عن الاخطاء .. ثم موافق

وياليت تتاكد من الكاسبر اذا محدث ولالا .. لان هالمشكله تكون اوقات سببها
تعطل برنامج الحمايه وانتشار الفيروسات بالجهاز

ملاحظه .. يفضل لو تسوي رستارت للكمبيوتر بعد تثبيت التحديث

هلالي ورااسي عاالي.. · #3 26/10/2011, 07:26 PM

لبىىى قلبك يا احساس مجنون ما قصرت ان شاءلله بجرب
ويارب تضبط

هلالي ورااسي عاالي.. · #4 26/10/2011, 07:39 PM

يالغالي انا الوندوز حقي اكس بي عربي
وحملت اللي قلتلي عليه وبعدين سويت تشغيل وطلعت لي الرساله هذي :

وضغطت على موافق ..
ما ادري وشرايك الواضح من الكلام ان اللي حملته عندي .

احساس مجنون · #5 26/10/2011, 07:45 PM

بعد تطبيق الخطوات واعاده التشغيل
المشكله مستمره ؟

هلالي ورااسي عاالي.. · #6 26/10/2011, 08:05 PM

إقتباس

الرسالة الأصلية كتبت بواسطة احساس مجنون


	بعد تطبيق الخطوات واعاده التشغيل المشكله مستمره ؟

بعد اعادة التشغيل ولا زالت المشكله موجوده لأني دخلت على جهاز الكمبيوتر
وسويت نفس الخطوات اللي قلتلي وبعدين جربت وفتح المستندات ورجعت
لي الرساله الاولى وضغطت ( اغلاق الرساله ) وطلعت لي رساله جديده وهي :

اما بالنسبه للتحميل او التحديث اللي حطيته للويندوز
حملته وطلعت لي الرساله هذي :

؟؟؟؟؟؟؟؟؟؟؟؟؟؟
فزعتك

احساس مجنون · #7 26/10/2011, 09:10 PM

طيب خل التحديث على جنب ..
بخصوص هالمشكله الجديده طبق هالخطوات ..

افتح الاكسبلرور .. وروح ادوات .. ثم خيارات الانترنت
اختر خيارات متقدمه .. وطبق مثل ماهو موجود بهالصوره

ورح ابدا .. ثم بحث
واختر كافه الملفات والمجلدات ..

وسو بحث على iexplore.exe
واحذف ملف IEXPLORE.EXE-27122324.pf اذا لقيته .. وهذي صوره للتوضيح

هلالي ورااسي عاالي.. · #8 26/10/2011, 09:16 PM

طيب متصفحي ليس اكسبلورر
متصفحي فايرفوكس

احساس مجنون · #9 26/10/2011, 09:36 PM

المشكله بالجهاز وماله شغل الفاير
فطبق الخطوات مثل ماوضحت بالشرح حتى مايطلع لك نافذه الخطآ

في حال انحلت مشكله النافذه ان شاء الله وقتها نكمل بالحمايه المثبته بجهازك

هلالي ورااسي عاالي.. · #10 27/10/2011, 05:23 AM

اخوي ..
بالنسبه للخطوه الاولى سويتها ووجودت خيار :
( تعطيل تصحيح البرامج النصيه ) مفعل سابقاً

اما بالنسبه لخيار البحث فهذا الذي وجدته :

وحذفته زي ما قلت لي وتركت الباقي.

احساس مجنون · #11 27/10/2011, 08:06 PM

ماوضحت اذا مشكلتك انحلت ولالا ؟

هلالي ورااسي عاالي.. · #12 28/10/2011, 10:54 AM

إقتباس

الرسالة الأصلية كتبت بواسطة احساس مجنون


	ماوضحت اذا مشكلتك انحلت ولالا ؟

للأسف الى الآن ما انحلت بعد التفعيل و الحذف ..
نفس المشكله تطلع لي عند فتح اي مجلد

احساس مجنون · #13 28/10/2011, 01:52 PM

هالصوره بس هي اللى مستمره للحين ؟

هلالي ورااسي عاالي.. · #14 29/10/2011, 08:22 AM

^
لا يالغالي .. بعد ما افتح اي مجلد
يفتح المجلد معي وبعدين تطلع الرساله هذي :

وبعد ما اضغط اغلاق الرسالة
تطلع لي هالرساله على طول :

طبعاً بعد ما اضغط اغلاق الرساله و اغلاق
يسكر المجلد اللي انا فتحته تلقائي ..!
هذي المشكله بأختصار .

احساس مجنون · #15 30/10/2011, 03:59 PM

.

شوف لي برنامج الحمايه المثبت بجهازك اخوي اذا محدث ولا لا ,,
ويفضل لو تصور لي ؟!