لو مثل هالمباريات اول مره تصير كان قلت تصريحكـ ياتوماس دول خاطئ

وأنتقدناه لكن تكرر هالشيء اكثر من مره

فريقنا اذا سجل هدفين او ثلاثه في الشوط الاول يدخل الشوط الثاني

وكان المباراة انتهت

بأعطيكـ امثله ان كلام دول صحيح ان المشكله في عقلية اللاعبين

مباراة النصر الخماسية - الاهلي الموسم الماضي في كاس ولي العهد

الغرافه في دوري ابطال اسيا - القادسية بالامس

بالتوفيق للزعيم

إقتباس الرسالة الأصلية كتبت بواسطة ياسرالثنيان ابوثنين اللي يبغى اسيويه يجيب مدرب عالمي لايتدخل احد في عمله اما بهالطريقه لن نشم ريحة الاسيويه مدرب عليمي والسياره قرنبع مدرب يقولون طموح وفريق دخلت به عناصر جديده .........وكل سنه( اصبروا حنا نبني) وين البناء تفريط بياسرورادوي والان فريدي وهوساوي ويقولون يبون اسيويه (بالعيد)

ياسر الثنيان ابو ثنين اسمك لحاله يبيله منهج تفسير دكتور نفسي عالمي
وعلى فكرة دول ماحد يتدخل في شوؤنة ومن الي كل سنة يقول نبني ...!؟ انت تتكلم عن الهلال السعودي..؟
ياسر ورادوي هم الي طلبوا يروحون وش نسوي نغصبهم او نسجنهم بالنادي ..!


وتعال تعال وش علاقة قرنبع وسيارة ومدري ايش في موضوعنا

اتمنى فقط ان يكون قبل التسجيل بمنتدى الزعيم اختبار منطق ,,!

كلام المدرب صحيح واوافقه الراى بنسبه 100%

فعلا من زمان والهلال اذا تقدم بنتيجه قام يتفلسف ويتفنن قدام المرمى

واقرب مثال مباراه الهلال والنصر 5 _ 3 والهلال والغرافه بعد ما صكيناهم بالرياض بثلاثيه

يالله تاهلنا بالدوحه

اتمنى من الاعبين يستفيدون من عقليه الالمانى دول بقوة الطموح والاصرار والتحدى

.

تدري وش المشكله ؟

ان المشكله معروفه منذو مبطي .. وهي سبب علل الهلال كلها الاطراف الخلفيه ممثلة بالثنائي المرح ( الزوري ونامي )

ومعهم المرشدي ( اكثر واحد يفلت كور بالعالم ) , يعني اذا كانت اظهرتك شوارع وعندك قلب دفاع يفلت شي طبيعي يصير دفاعك شوربه ... الهلال خطييير وسطا وهجوما .. لكن المصيبه كلها من الاطراف وصدقني ماراح اتطمن على الزعيم تماما الا لين يجيب اطراف صح

وجهة نظر .. مثل ما انت كاتب موضوع وتنتقد هذا الشيء

فيه اخوان فاتحين موضوع عشان هالنقطة اعجبتهم مثل هذا الموضوع

اعجبني شيء واحد بعد المباراه هو ـــــــــــــــــــــــــــــــــــــــ

اخوي ..
توماس دول حتى ولو له اخطاء لكن فعلاً هو صادق

وهالعقلية مو بس باللاعب الهلال .. العقلية هذي مو جودة في كل شخص في العالم

انه خلاص الشوط الاول سجل خمسة وضمن النتيجة والشوط الثاني تراخى واستسهل الفريق اللي قدامه ..
بداعي انه خلاص ضمنا النتيجة نكمل باقي المباراة باقل جهد ..


عموماً
انا اتمنى اونتظر اليوم اللي الهلال اذا سجل 5 في الشوط الاول يسجل 6 في الثاني ... !

لي عوده للموضوع ......... !

الله يعطيك العااافيه لاهنت