إقتباس الرسالة الأصلية كتبت بواسطة عاآآآبر دول مدرب هجومي وكثير يقولون ان خطته 4-4-2 بس الغريب غيرها من جاء للهلال كل اللي اعرفه انه للحين حتى لو ما كان يقنع يحصد النقاط حل المشكله بسيط ((( لا للأجتهادات وتعديل الخانات ))) وصدقني بيبدع لازم يلعب كل واحد في خانته وبتشوف الابداع اتمنى انه يستمر لأن حنا في منتصف الموسم اخر الموسم يحلها الف حلال

حبيبي يابعد روحي ماينفع الحكي اللي قاعد تقوله
فكر معي بكل بساطه /
الآسيوية قرّبت ، و وضع الفريق حاليا مايسر ابدا ، وهما الادارة قالوا هذا الشيء
وسامي بنفسه قال ، بهذا المستوى لن نستطيع المنافسه على بطولة آسيا
لذا
من الواجب تصحيح الاخطاء من بدري قبل الآسيوية
والمدرب الجديد بيحتاج وقت للتأقلم ، والان هو انسب وقت
المحليه اخوي ماتهم ، طالما الآسيويه أهم

وانا واثق انو اللاعبين متى ماكانوا في مزاجيتهم ، بيجيبون المحلية لو بدون مدرب
لكن الآسيويه تحتاج إلى مدرب صارم يملك (روح و فكر و هجوووووم)

وطبعا الاختلاف بالرآي مايعني خلاف ، فديتك

إقتباس الرسالة الأصلية كتبت بواسطة << كبرياء هلالي >> ياناس ياعالم ،خذوا التأكيد مني ، ومن مصدر موثوق داخل البيت الهلالي تم الاتفاق مع (جيراردو مارتينو) لكن لن يتم الاعلان إلا بعد مباراة الشعلة لكي لا يؤثر ذلك على عمل المدرب ، وعلى اللاعبين وبنرجع لزمن رفعة الضغط دفاع ، دفاع ، دفاع ،دفاع ، ثم قووووووووووووووول في الوقت بدل الضائع

لالالا الله لايقدر ندخل مباراه الاتحاد بمدرب مايدي وش السالفه نتمنى في اقرب توقف نجيب المدرب

إقتباس الرسالة الأصلية كتبت بواسطة هلالية العشق لالالا الله لايقدر ندخل مباراه الاتحاد بمدرب مايدي وش السالفه نتمنى في اقرب توقف نجيب المدرب

هذا هو اللي مفروض يصير
بس للأسف بدت التخبطات يمين ويسار
واللي يزيد الطين بله .. ان المدرب دفااااااعي

ما اقول الا :
خلك على مجنونك لا يجيك أجن منه

إقتباس الرسالة الأصلية كتبت بواسطة محبوب الهلال. السلام عليكم ورحمة الله وبركاته مسائكم خير وبركه وحب في الله لعلك تجد ما يطيب خاطرك في هذا المقطع دمت بود وحب وقرب من الله ‫يا أمان الخائفين ‬‎ - YouTube

وعليكم السلام
ومساء النور والجوري

الله يجزاك خير حبيبي ويجعله في ميزان حسناتك

يا ناس الريال مع مورينهوه ما شرب طريقته الا بعد

موسم كامل ........ دول محتاج سنه كامله و على فكره

المدرب ما اختار اي لاعب جاء و الفريق كامل و فتره تعاقد الاداره معه

ما تساعده ابد على معرفه الفريق اكثرما يلام الرجال ابد

و الطريقه الالمانيه يبيلها سنتين حتى يعرف الاعب السعودي يطبقها صح


إقاله المدرب كارثه ان حصل ذالك فهو من اكبر اخطاء الاداره منذ توليها اداره الهلال

الصبر ماهو عيب نصبر الموسم هذا بدون بطولات وش اللي بيصير

قالها سامي الجابر من بدايه الموسم لالالالالالا تطالبونا ببطولات

نحن نصنع فريق قوي

إقتباس الرسالة الأصلية كتبت بواسطة << كبرياء هلالي >> هذا هو اللي مفروض يصير بس للأسف بدت التخبطات يمين ويسار واللي يزيد الطين بله .. ان المدرب دفااااااعي ما اقول الا : خلك على مجنونك لا يجيك أجن منه

ياجماااااعه أنتو من جدكم تتكلمون؟؟

هالمدرب لو جا حطوا اسيا و كاس العالم للاندية بعد بالجيب ..!
مدرب تتعب وانت تقول اسطوره , مدرب كبير كبير كبير ..!

لو قيل لي غيرتس والا باوزا والا هذا كان اخترت مارتينو بدون تردد ..!
قرائته للمباراة مميزه جدا .

لو جاء للهلال حطوا نامي هجوم و الزوري صانع لعب ما عندي مشكله ..!

ياااااارب يكون هالأسطورره من نصيب الهلال

إقتباس الرسالة الأصلية كتبت بواسطة الموج2022الهلالي يا ناس الريال مع مورينهوه ما شرب طريقته الا بعد موسم كامل ........ دول محتاج سنه كامله و على فكره المدرب ما اختار اي لاعب جاء و الفريق كامل و فتره تعاقد الاداره معه ما تساعده ابد على معرفه الفريق اكثرما يلام الرجال ابد و الطريقه الالمانيه يبيلها سنتين حتى يعرف الاعب السعودي يطبقها صح إقاله المدرب كارثه ان حصل ذالك فهو من اكبر اخطاء الاداره منذ توليها اداره الهلال الصبر ماهو عيب نصبر الموسم هذا بدون بطولات وش اللي بيصير قالها سامي الجابر من بدايه الموسم لالالالالالا تطالبونا ببطولات نحن نصنع فريق قوي

صاحي انت .. تبينا نصبر سنتين
لا والله اللي راحت البطولات واحنا ننتظر السنتين تجي هههههههههههه

وين نصبر والموسم راح نصفه ، ولم يقدم أي شيء يشفع له

مسااااء الخير للجميع ...

وش جديد المدرب الارجنتيني ...

لي بااااك قرررررررريب

إقتباس الرسالة الأصلية كتبت بواسطة ابو بندر 22 مسااااء الخير للجميع ... وش جديد المدرب الارجنتيني ...

عندي مصادر من داخل البيت الهلالي
تؤكد الاتفاق النهائي مع المدرب
والاعلان بيكون بعد مباراة الشعلة

للأسف مدرب دفااااااااااااااااااااااعي < تعبت وانا اكررها

والله مستحيل نتفق على مدرب
لكن كل الي اتمناه من ابو فيصل ومن معه
عدم السماع للجماهير والاعلام
في امور تهم الفريق وهم ادرى بها
ان شاء الله ان هدؤ ابو فيصل يبي فقط تهدى الاوضاع ويطلع ينفي الاقاله
ياناس لاتخلونا نضيع فريقنا بايدينا
انا نفسي ادري وش تبون فريق في المركز الثاني واقل خساره لنقاط
ومع هذا مو عاجبكم هذا نوع من كفران وجحود النعمه والتوفيق
والله جماهير غريبه المشكله يجونك يقولون مانبي بطولات محليه
طيب وش مزعلكم
والله اني خائفه جدا من العواقب
يارب اختار لنا ولهلالنا الخير وارضنا به

@ ali0alzhrani
علي الزهراني
أخفق توماس دول في إختباره الأول أمام الشباب وكاد أن يكرر إخفاقه أمام الإتفاق.. ياترى هل يتجاوز إختبار الإتحاد أم العكس؟ ننتظر نتيجة الأثنين!

إقتباس الرسالة الأصلية كتبت بواسطة << كبرياء هلالي >> حبيبي يابعد روحي ماينفع الحكي اللي قاعد تقوله فكر معي بكل بساطه / الآسيوية قرّبت ، و وضع الفريق حاليا مايسر ابدا ، وهما الادارة قالوا هذا الشيء وسامي بنفسه قال ، بهذا المستوى لن نستطيع المنافسه على بطولة آسيا لذا من الواجب تصحيح الاخطاء من بدري قبل الآسيوية والمدرب الجديد بيحتاج وقت للتأقلم ، والان هو انسب وقت المحليه اخوي ماتهم ، طالما الآسيويه أهم وانا واثق انو اللاعبين متى ماكانوا في مزاجيتهم ، بيجيبون المحلية لو بدون مدرب لكن الآسيويه تحتاج إلى مدرب صارم يملك (روح و فكر و هجوووووم) وطبعا الاختلاف بالرآي مايعني خلاف ، فديتك

انا عارف ان كلامي ما ينفع كلن له وجهة نظر
لكن انت شفت الموسم اللي راح كان كله ترقيع
ما نبي هالشي يتكرر لكن ممكن انه تكون فيه حلول
يكون سامي مساعد للمدرب
وانا لما قلت لا للأجتهادات اقصد انه ما يحط لاعب بغير خانته مثل هرماش حاطه باطرف ووسط الملعب مافيه احد ؟؟
كل هذي الاجتهادات ما تنفع لازم يلعب على الامكانات اللي عنده وبس بدون اجتهادات