15/10/2011, 03:00 AM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
  أخذت وقت طويل لـ استحضار كلام يليق في هالقمة , ومَ طلع معي شي يوفي حقهآ .. ’، فيه تعليقين ونظرة فنية للمباراة أعجبتني جدآ لـ Sْper Mou و Hilali 3asal أعجبتني الواقعية الكبيرة ..  ’، فعلآ / الطرفين متكافئين لـ درجة كبيرة من جميع النواحي والحظوظ بالمناصفه بينهم , المانيو يتفوق عناصريا ومتكآمل تقريبا وفي المقابل الليفر الاقل فنيا من ناحية العناصر بيكون في صآلحه الأرض والجمهور ومَ يحتآج نتكلم عن قوة الليفر بملعبهم بمبآريآت القمم , حتى بـ أردى الأحوال يقدمون مستويآت بطلة ليفربول قوته تقريبا في الوسط متى مَ إستحوذ تظهر القوة ومتى مَ تعطل الوسط يتعطل خط الهجوم الا بـ حل فردي اما من سوآريز أو غيره , فـ الليفر بوجهة نظري اذا دخل بـ 4-3-3 بتواجد جيرآرد بالوسط ومن خلفه لوكاس وتشارلي وبالمقدمه كويت وداونينغ وسواريز فـ هنا بنشوف تفوق لليفر من ناحية المستوى وبنشوف سيطرة وفي حال اعتمد دآغليش على خطته الـ 4-4-2 بتواجد كآرول على حسآب لاعب وسط فـ هنا أتوقع بشكل كبير انخفآض بـ مستوى الليفر وتباعد المساحات بين لاعبين الوسط بدون أي فايدة من الزيآدة العددية بالهجوم بتواجد كآرول اللي مع كل الاحترام لـ جماهير الليفر يسبب عك بالهجوم , ربمآ يقدم مستوى كويس ومُقنع لـ داغليش لكن ثنآئيته مع سواريز مَ نجحت الى الآن ومَ ارتقت لـ مستوى هـ الإسمين , وبرضو مثل مَ نشوف بـ اغلب المباريات هـ الموسم لـ الليفر كان مستواه عادي اذا بدأ داغليش بـ مهاجمين على حسآب لاعب وسط وآخر مثآل كان الجولة الماضية ضد التوفيز شفنا افضلية لـ التوفيز بسبب هذي التشكيلة اللي تسبب ضعف لـ وسط الليفر حتى بعد طرد رودويل شفنا التوفيز يقدر يوصل لـ مرمى الليفر وكان يهدد وتناصف الافضلية مع الليفر برغم النقص العددي وهذا برضو يرجع لـ البدء بمهاجمين على حسآب لآعب وسط .. فـ اذا بدأ داغليش بطريقة الـ 4-4-2 ربمآ يتعرض لـ المشآكل عكس لما يستحوذ على الوسط بتواجد ثلاث لاعبين بالوسط ولاعبين أطراف مع وجود الضرس القلق كـ مهاجم صريح مع مساندة كويت له بالدخول لـ منطقة الجزاء في بعض الأحيان كـ مهاجم ثآني وفي الطرف المقابل اللي يخص الزعيم مانشستريونايتد  .. إلزاما  يدخل السير بـ 4-5-1 متحوله لـ 4-3-3 بتواجد 3 لاعبين وسط مع اعطاء الحرية لـ الأطراف اشلي وناني بالمهام الهجومية ويكون تواجد الـ 3 لاعبين بالوسط لـ احداث التوازن ولـ الاستحواذ ولـ الحد من خطورة ثنائية تشارلي & جيرارد اذا حضرت , وبنفس الوقت تواجد الثلاث محاور يخلينا على أقل تقدير نحد من خطورة الليفر وعلى أمل اننا نتفوق عليهم بالسيطره  ’، نقآط القوية يمتلكون الطرفين تقريبا معطيات متساوية بالقوة , لكن بأتكلم عن نقاط الضعف .. اذا لعب السير بـ ايفرا - فيدا - الريو - جونز فـ دفاعيا الوضع مطمئن لليونايتد , الأظهره ودي يكون ايفرا ملتزم دفاعيا بما انه نكبه احيان ويتقدم ويترك المساحات وبطيئ في الرجوع للتغطيه , تقريبا هذي نقطة الضعف بالدفاع وحلها مثل مَ ذكرت بـ التزامه دفاعيا , في المقابل الليفر نقطة ضعفهم في كاراغار تقريبا ورآح تكون نقطة ضعف كبيرة لما يلعب أغير بالقلب وكارا بالظهير الأيمن , لآعب للأمانه مَ بقى عنده شيء يقدمه لـ نادي بحجم الليفر يبني ويطمح للعوده للبطولات , مَ علينا المهم بأنه راح يكون نقطة ضعف , ونقطة ثانيه هي العرضيآت وتعامل دفآع الليفر السيء معهآ .. هذي النقطتين ممكن تسبب مشآكل لـ الريدز ’، ننتظر هـ الملحمه وبـ اذن الله يكون التحكيم عادل للطرفين ونشوف المتعة بدون سلب اي طرف  ’،  الفيلآ / بيضوهآ وحافظوا على هالسجل , والله كشخه يوم تعدون 8 جولات بدون خسآره لو كآنت بـ الفيلآ بآرك كان ممكن نشوف مباراة متكافئة رغم قوة السيتي , لكن بـ السيتي اوف مانشستر وبنشوة السيتي صعبة جدآ ع الفيلآ , ممكن اذا قدموا الفيلا مباراة تكتيكيه بحته ولعبوا على نقاط معينه ممكن يخطفون نقطة من السيتي اما اذا تعاملوا معهآ كـ اي مباراة فـ اعتقد بيآكلونهآ ’،  مَ عطيتوهآ حقهآ للأمانه هالطرفين بـ الجوديسون بآرك تكون لقاءاتهم اقوى والسبب واضح "الارض والجمهور" اللي تلعب دور كبير لـ صآلح أي نادي انجليزي , لكن برضو بالستامفورد بريدج تكون اللقاءات بينهم قوية وفي الموسمين اللي طاافت كانت النتايج 1-1 وايفرتون كان وقتها يعاني , واللي قبله 3-3 اذا مَ خانتني الذاكره , وبرضو الموسم الماضي في الكأس وصلت المباراة لـ ركلات الترجيح , يعني الفريقين بالمواجهات المباشره دايم يكون فيه بينهم نديه واثاره حتى ولو كانت المباراة على ملعب تشلسي الأفضل منهم في كل شيء "مَ عدا مويس" من جانب تشلسي , الفريق يقدم مستويات ممتازه بشكل تصاعدي , في البداية كان يحقق فوز بعيد عن الاقناع لكن تصاعديا مع رجعة لامبارد بدأ تشلسي يظهر خطورته , صحيح المباراة الاخيرة مب مقيآس لكن كـ اقل تقدير رجع فيهآ عنصر مهم "لآمبارد" لـ مستوياته المعهوده .. ومن جانب التوفيز فـ هم رغم رحيل نجوم الفريق الا انه متماسك بـ فضل الله ثم فضل الاسكتلندي مويس استئناف ايقاف رودويل شيء ممتاز , لآعب يفيد بالوسط وبثر دفاعيا .. الأمور بالنسبة للتوفيز مش ولا بد بعد هزيمة السيتي ولحقتها الهزيمة من جارهم الليفر , فـ النقطة ع الاقل من البلوز مطلب مهم لهم لعودة الأمور لـ طبيعة حالها .. الكفة ترجح البلوز لكن بـ ارض الملعب دايم تحصل المفاجئات ويحصل عكس التوقعات ’،  سندرلاند وبداياته الضعيفه وضيف بالامارات ! اشوف انها سهله نسبيا للأرسنال في حآل دخولهم بالتشكيل الأمثل وفي تركيز عآلي وأخذ الأمور بجدية .. بروس يحب الفرق اللي تتهاون ويلخمهم فـ يلزم الأرسنال الجدية ’،  متعة الأحد .. السبيرز منتشين بتحقيق النتايج الايجابية بشكل متواصل خصوصا الفوز الأخير ضد الغريم أرسنآل .. فـ الأوضآع ممتازه وتكامل الصفوف لـ درجة كبيرة برضو شيء ممتاز , ونيوكاسل دايم بثر ومزعج على ملعبه .. اذكر بالموسم اللي فات كانت المباراة على ملعب نيوكاسل 2-1 للسبيرز او 1-1 مَ اذكر بالظبط لكن اللي اذكره بأنها كانت صعبه جدا على السبيرز وقدم نيوكاسل مباراة كبيرة وكانت ممتعة .. اتمنى تكرار المتعه وتكون نقاطها من نصيب السبيرز .. نشوف فيهآ لينون بـ اذن الله لو بديل , السبيرز محتاج لتفعيل الجهة اليمنى بشكل أكبر مع والكر الممتاز هجوميا .. الأديب على مَ اعتقد مصاب ..! الا اذا جد جديد وصار جاهز للمباراة , لكن هالشيء مَ راح يشكل عائق بـ اذن الله طالما فارت وديفو موجودين ..’، |
وجونز الثقيل لازم داونينج يستغله احسن استغلال 
+ فآرق الاهدآف 19 + محقق الدوري الـ 19 !!
الوضع العادي
