الثـآنوية العـآمة "تعذيب ولا تصعيب" على الطلاب , وليه كذآ يا وزآرة التربيـة ..؟! - صفحة رقم 2 - نادي الهلال السعودي - شبكة الزعيم

بطلة · #16 10/10/2011, 04:46 AM

صباح الخير ,,

إقتباس

الرسالة الأصلية كتبت بواسطة داق لطمة


	التعليم فاشل من اولى ابتدائي الى اخر سنة بالجامعه

وإنت الصادق أغلب الشباب فاشلين بالدراسة ويرمون فشلهم عالمناهج

بدليل الكثيرين يروحون أهليه عشان يمشونه بالدرجات ولا يدققون بالاختبارات

ماننكر إن في سلبيات بـ التعليم لكن ماتوصل إن:
ارمي أغلاطي عالغير + ألغي كل الإيجابيات بالتعليم

,,

عالعموم صعبها تصعب سهلها تسهل , والله يوفق كل مجتهد ومجتهده
وتذكروا كلاً على نيته يلقى توافيقه

,

الله يعطيكم العافية

شكر لكم
بطلة

الشلهوب -10- · #17 10/10/2011, 05:19 AM

والله ي اخوي وش نقول بس !

ايآم الثانويه كآنت ايآم التعآسه

ايام الكرف والتعب

بس اكثر الناآس ثاني ثنوي يروحون اهلية الدرجآت

و وزاة التربيه والتعليم حاطه فصول المكيف حقه له 20 سنه ماتغير !

الفصل حرر وكتمه ! والطاولات قديمه ! مكتوب عليها بالطامس 1419

يعني من عآم 1419 ماتغيرت ! سلامآت

وسجآدات الصلاة من اول مافتحت المدرسه ماتغيرت ريحتهآ اعوذ بالله

انا احط شماغي عشان اسجد عليه ومع ذلك تطلع الريحه بعد ّ ! الى متى

وبعد نصصلي في ذا الشمس لا مكيفات ولا شي !

مدري متى نتطور ّ

أبو ياسر الهلالي · #18 10/10/2011, 06:28 AM

الحمدلله عدت على خير

انا كنت في مدرسة حكوميه ومن أشد المدارس لتطبيق النظام

والله كنت اعيش في رعب كان المدرس حق الرياضيات يعطينا اسبوعيا اقل شي 12 سؤال و في بعض المرات 40 سؤال ويعطينا واجب في الإجازات واجب ابو 300 سؤال @_@

اقسم بالله اني ماأكذب

بس الحمدلله شدتهم خلتني احس الحين بالسنة التحضيريه اني بدلع مع ان غيري متوهق الحمدلله على كل حال

20يحلمون20 · #19 10/10/2011, 02:14 PM

حاب اشكركم جميعا سواء اللي كان معي او كان ضدي ..!

بالنسبة للي يقول الافضل الذهاب لاهلية الحين 60% من الاسئلة من الوزارة و مراقبة عليهم و مدري كيف يعني سق امها ..

والاخوان اللي يقولون فلها اقول لهم والله لو انك معي كان تحمد ربك على الدوام ولا على الجلوس في البيت

واللي يقولون انها تجهيز للجامعة يا ابن الحلال الجامعة كم مادة و الثانوي كم ، الجامعة ما تتجاوز 7 مواد ..!

وبعدين لما انك تنقص درجة كنك نقصت 6 او 4 درجات هذااا ظلم و اكبر ظلم ..!

وبعدين اختبار القدرات المقصد منه ليس تعليمي بل "ماااادي" لانك انت تدفع 200 وكل طلاب ثاني و ثالث ثانوي يدفع 200 ريال , خلونا نقول ان عدد طلاب ثاني و ثالث ثانوي في السعودية "2 مليون"

اضرب (200×2000000=400000000) اربعمئة مليون من الاختبار الواحد , وفي السنة فيه اختبارين يعني (800000000) ثمانمئة مليون في السنة !!!!!!!

واللي يقولون اختبار الوزارة اصعب , عاادي باذاكر و باجيب درجة لكن اختبار الوزارة ما يخلي الدرجة بـ6 او 4 درجات !!!!!!!

اتمنى اكون وضحت فكرتي

أعاتب طيوفك · #20 10/10/2011, 02:45 PM

بالنسبه لـ كثرة المواد وأنها تعتبر عائق للفهم سواء أو لتحصيل الدرجات

.

الحل موجود يا أخوي ..

بس بشرط .. أن الطالب يكون " راعي دراسه "

وهالحل .. ماراح يحل المشكله من جذورها ,
هو بالأول والأخير يعتمد على الطالب نفسه

عندك " نظام المقررات " أو النظام المطور الجديد

هو ما راح يحل لك كثرة الدروس المقرره عليك !
لكن هو بيرتبها لك .. و بيفكك من " لحسة المخ اللي حاصله "

,

يعني بدل ما تدرس ( رياضيات - E - فيزياء - أحياء - كيمياء - .. إلخ باقي المواد )
تقدر ترتبها أنت على حسب قدرتك ..

يعني الفصل الأول تدرس رياضيات وفيزياء
الفصل الثاني كيمياء و أحياء .. و هكذا

لكن ما راح يحل مشكلة الدروس
لأن المناهج هذي بتكون مكثفه عليك !
يعني بالنظام القديم .. يعتبر أنك تدرس الماده فصل أول وفصل ثاني بالنظام الجديد !

( بالعربي المنهج يجيك دسم وما يقل عن 250 صفحه )

< هذا اللي عندي وياليت قدرت أفيدك

وبالنسبه للي ما فهم شي من اللي قلته

ماهي مشكله يسيّر علي بالخاص

موفقين يارب

shosho 6al 3omrha · #21 10/10/2011, 03:07 PM

-

آمآنةَ شدني موضوعك

!
شوف آحنآ آلآن عندنآ آزمة " تطوير " ,
هم يحسبونه يطورون مَ دروآ آنهم يتخلفون ويرجعون ورى آكثر

!

يعني يعٌقل كآئن بشري في " أولى ثآنوي " يختبر 16 مآدة

!
وعنده 21 كتآب

غير طبعاً آلموآد آلي مآله لزمة يعني " تعبير - مطآلعة - عملية " وش لزمة آمهآ في آلحيآة !

ولآ مشتهين يكثرون عَ خلق آلله , ولآ تعآل شوف آلشنآط -> تسسبب أزمة !
غير بآليوم يكون عندك 8 موأد

يعني 8

كٌتب 8 دفآتر

و 8 ملفآت

!
يعني ع طول ديسك

!
قسسم بآلله تجيك آلشنط آثقل من آلطلآب :

-> جربته وآنسحبت

!

أحبآط آلدرآسة في آلسعودية " ترآكمي - قدرآت وتحصيلي - سنه تحضيرية "
وهآبين هآلنسة يقولون ترآ فيه أختبآر " قبول مَ قبل آلجآمعة " ,,

آلله آلله ع آلتعليم , فعلاً تعليم رآقي , يعني حفر لآ تجيب نسبة , يعني مو لآزم تدخل جآمعة

!

؛ لكن يعني عشآن م نهضم آلحق ولآ نصير ننتقد بس !
آنآ آلحين آدرس " مقررآت " أولى ثآنوي , 7 موآد بس طول آلترم !
في آليوم عندي 5 أو 6 حصص

!

يعني آلنظآم مٌريح جداً , ومو صعب , لكن يبغى لك شويه آجتهآد
في آلموآد آلعلمية يعني " آلرموز بِ أنجليزي " وفي آلأحيآء عندك مصطلحآت لآتينيه

!
صحيح بتتعب في آلبحوث حبتين

وفيه ملفآت " آلإنجآز " وقروشة لكن مقبول جداً , وكيذا آلدرآسه يبي لهآ " آجتهآد "

وبس طولت وآنآ آتلفلسف

يعطيييككَ آلف عآفية , لك ->

مقطوع راسي · #22 10/10/2011, 04:10 PM

أصلاً بأمريكا الواحد يتخصص من أولى ثآنوي ، وهذا الصح ،،
أدرس كيمياء ليش وأنا بتخصص إدارة أعمال ،، ؟! معلومات عامة ،، ؟!
يآبوي طلع لي جيل حمير ما عندهم أي معلومات عامة بس إذا جيتهم بتخصصاتهم فآهمين ،،
أما اللي صرنا له اللحين لا فلحنا بتخصصاتنا ، ولا اللي بالمعلومات العامة ،،
والدعوة موب رآيي ورآيك ، النظام هذا نظام عالمي وكل دول العالم الأول تطبقه ،،
يعني خلاص أكيد ناجح ، بس لاآآآ فيه أشياء أهم ،،
مثل دمج البنين والبنات ، ما أقول إلا يليل مطولك ،،

الخـالدي · #23 10/10/2011, 04:41 PM

يارجال لو تتكلم من اليوم لبكره محد درا عنك

الوزير قاعد بمكتبه ورجل على رجل ,, حتى مامعه شهاده تؤهله لأن يكون وزير للتعليم
واذا عرف السبب بطل العجب

الحال بيقعد لـ 7 او 9 سنين
, النظام ماراح يتغير مادامنا نحاول نقلد الغرب
وياليت قلدناهم صح

Blanco Soul · #24 10/10/2011, 05:21 PM

أقسم بالله العظيم وراح تتذكر كلامي .. شهادة الثانوية مجرد إسم
محدثك جاب 95 ثانوية عامة ( علوم طبيعية ) ومن مدرسة حكومية
وبعيده كل البعد عن شغل التحديد وكل مذاكرتنا للمواد ماتقل عن 100 ورقة
وجبت في القدرات 73 ، والتحصيلي 62 وبالاخير دخلت تخصص شرعي ؟

تبي نصيحتي ركز على شئ اسمه قدرات وتحصيلي وخصوصا التحصيلي
اذا كنت رجال ناوي جامعه ..

حسبي الله ونعم الوكيل

أعاتب طيوفك · #25 10/10/2011, 05:45 PM

إقتباس

الرسالة الأصلية كتبت بواسطة Blanco Soul


	تبي نصيحتي ركز على شئ اسمه قدرات وتحصيلي وخصوصا التحصيلي اذا كنت رجال ناوي جامعه ..

وصلنا 2012 .. وما زال الطالب السعودي في صف أول أبتدائي

إذا سألته : حبيبي إذا كبرت وش بتصير ؟

يجاوبك بكل ثقه : , دكتور أو مهندس

هههههههههههههههههههههههههههههههههه

يا جماعة الخير ..

إذا كان تعب 12 سنه دراسه ! من الإبتدائي .. إلى الثانوي ..
ما يشكل غير 30% من النسبه المركبه في الجامعات !

وباقي النسبه 70% مقسمه بين تحصيلي و قدرات !

مالكم غير تشدون حيلكم .. بالأختبارين هذي

بمعنى أصح .. التحصيلي والقدرات هم اللي يحددون مستقبلك

و ربي يوفق الجميع

ازرق المشاعر · #26 10/10/2011, 06:56 PM

والله القهر اتعب 12 سنة في الاخير تعال اختبر قدرات و تحصيلي

بس تمنيت اني لحقت ع نظام المقررات الصراحة نظام حلو الاختبارات النهائية مدتها اسبوع واحد

بس انا اخر سنة يعني اخر دفعة تلحق ع النظام القديم

هـــلالـــي صـــميـم · #27 11/10/2011, 12:09 AM

شوف برد عليك حبة حبة ....

شوف اول شي انت الحين بدرررررررررررررررررري يعني للحين ما تحدد شي بمستقبلك توك بثاني ثنوي ...

يعني من الحين انت وش تبي تخصص بالجامعة هذا اذا كنت بتكمل دراستك بالجامعة ...

اي جامعة تبي ..؟؟ والتخصص الي بالجامعة الي تبيها كم ياخذو نسبة من الثنوي والقدرات والتحصيلي...؟؟

هذي اهم اشياء المفروض تكون عارفها ...

وبقولك شي اقسم بالله الثنوي ما يبيلها واحد يذاكر 24 ساعة انا اتكلم عن مدرستي طبعا ...

يعني بعطيك مثال حنا بمة جامعة ام القرى تاخذ 50 بالمية مدرسة و30 قدرات و20 تحصيلي ...

ركزت بالمدرسة اني ما انزل عن 95 وبالكثير ما انزل عن التسعين وغيري جاب 99 وما انقبل!!!!

طبعا شديت حيلي اكثر شي بالقدرات وجبت درجة كويسة والتحصيلي كمان ...

والحمدلله انقبلت بالجامعة ...

يعني انت تعرف وش تبي والمفروض تخطط كيف بتوصل له ومحد يعرف مصلحتك اكثر منك لو مصلحتك انك تبرشم بكل المواد فلا تتردد

جد والله يعني انا باختبارات ثالث ثنوي الترم الاول اتذكر بالكيميا ما ذاكرت شي تخيل لو ما برشمت وقتها ...

ادري انه مثال متخلف بس يعني الي بوصله انه محد يعرف مصلحتك اكثر منك ..

إقتباس


	حاب اشكركم جميعا سواء اللي كان معي او كان ضدي ..! بالنسبة للي يقول الافضل الذهاب لاهلية الحين 60% من الاسئلة من الوزارة و مراقبة عليهم و مدري كيف يعني سق امها .. والاخوان اللي يقولون فلها اقول لهم والله لو انك معي كان تحمد ربك على الدوام ولا على الجلوس في البيت واللي يقولون انها تجهيز للجامعة يا ابن الحلال الجامعة كم مادة و الثانوي كم ، الجامعة ما تتجاوز 7 مواد ..! وبعدين لما انك تنقص درجة كنك نقصت 6 او 4 درجات هذااا ظلم و اكبر ظلم ..! وبعدين اختبار القدرات المقصد منه ليس تعليمي بل "ماااادي" لانك انت تدفع 200 وكل طلاب ثاني و ثالث ثانوي يدفع 200 ريال , خلونا نقول ان عدد طلاب ثاني و ثالث ثانوي في السعودية "2 مليون" اضرب (200×2000000=400000000) اربعمئة مليون من الاختبار الواحد , وفي السنة فيه اختبارين يعني (800000000) ثمانمئة مليون في السنة !!!!!!! واللي يقولون اختبار الوزارة اصعب , عاادي باذاكر و باجيب درجة لكن اختبار الوزارة ما يخلي الدرجة بـ6 او 4 درجات !!!!!!! اتمنى اكون وضحت فكرتي

والله انت فاهم الهرجة غلطططط..

ترا في الجامعة فيه شي اسمه الساعات يعني المادة الي عدد ساعاتها اكثر تاثر بالمعدل اكثر اتمنى تكون فهمت ...

وكمان ياخوي المادة الوحدة بالجامعة تساوي 4 او 5 مواد بالمدرسة ...

الله يعينك بس وصدقني الوسوسة دي كلنا مرينا فيها اول شهر وهذي اول سنة النسبة داخلة في معدل قبولي بالجامعة ومدري ايش صدقني الشهر الثاني بتسسسسحب على ام الدراسة

مريل دحيم · #28 11/10/2011, 12:47 AM

والله يا شباب فكرت اروح افصل لي ملابس عسكريه
عشان اتجهز للعسكريه .
والله ناس تحطيم بس جالس ويحطم فيك وهو عسكري ماخذ ثالث متوسط
انا طالب ثالث ثنوي خخخ اخر سنه ,
اليوم سجلت بمعهد نهورايزن تعليم انقليزي
اخوي قروشني يقول سجل بالمعهد مثلا بصير طبيب اسنان
الله يستر من القدرات ان شاء الله اجيب درجه زينه بالاختبار الجاي
.. وعن كلام الي يخص تعليمنا انا صح اني طالب بس والله مافهمت شي
من المنهج القديم ولا الجديد انا انسان مب حق دراسه حاولت اني اشد حيلي
بس للاسف ما قدرت ونا حاط بالي سواق طيارات قصدي طيار
واهم شي حنا بخير وصحه وسلامه ..

حوار عقلاني · #29 11/10/2011, 03:26 AM

إقتباس


	واللي يقولون انها تجهيز للجامعة يا ابن الحلال الجامعة كم مادة و الثانوي كم ، الجامعة ما تتجاوز 7 مواد ..!

هههههههه مت ضحك منها ! الحين هالترم عندي 5 مواد بس مذاكرتها مذاكره كل مواد الثنوي جميع !
ما تقارن الجامعه بالمدرسه أبد .. يبيلك أقل شي لأغلب المواد أسبوع ونص بالحاله تعتكف عليها قبل الإختبار غير الـيومية غير المشاريع والتقارير و و و و
يعني إحمد ربك وشد حيلك ومالك عذر لحقنا على وزارة وقياس وتحصيلي ويالله لك الحمد مشينا

Madr!d · #30 11/10/2011, 04:01 AM

قآلي وآحد من آلآخوآن آلقرآيب يقولي آنه يدرس بعض آلدورس حقت صف أول ثآنوي وهو في صف ثآني متوسط!!

وآلي قآله كذآ آلمدرس حق آلمآدة + آخوه آلكبير