كبسة قميري برز ( XL ) وارد الكويت ( بالصور ) - نادي الهلال السعودي - شبكة الزعيم

دهران · #1 07/10/2011, 11:25 AM

قبل أيام دق علي أخوي الغالي زميلي ( أبو أريام ) وقال وين أنت يارجال ؟ قلت في الدوام !!!!!
قال ما تقدر تمر علي بحفر الباطن ؟
قلت لا والله أنا مداوم وأنت اجازة ولا يجي لي أطلع لو ساعة من الدوام
قال أجل تراي بأرسل لك ( غرض ) مع رجالٍ تعرفه
قلت ( وشهو ؟ ) قصدي ( متى ؟ ) قصدي انت كريم وحنا نستاهل !!!!!
المهم وبعد سويعات دق على الرجال في المدينة العسكرية بالحفر وقال وين أنت وفي ثواني وأنا عنده ( ما صدقت خبر خخخخخ )
لقيت أبو أريام الله يجزاه خير مرسل لي كم قميرية صيد الصبح وكيس رز إكس إل اللي يصرفونه في الجمعيات في الكويت يقول جايني كيسين هدية وأرسلت لك واحد ( طيب ورى ما أرسلت الاثنين كلهن ؟ !!!!! خخخخ ماينعطى وجه )
الرز هذا لي سنين وأنا ادوره دورة , لذيذ لآخر حبة , غير معقول أبد , إدمان ما ادري وشهم حاطين فيه هالهنود
المهم سلمكم الله كبسنا القميريات على كم كاس من هالرز وطلعنا لكم بكبسة لا تنسى
والله يكثر خيرك يابو أريام وأبوك يعطي البل وإن شاء الله نردها لك في الافراح

نترككم مع الصور ونتمنى لكم حسن المشاهدة

هذا كيس الرز صورته لكم مع الجهتين

القميري في الصحن
ما فيه تفاهم بننتفه ونكشت عليه مع العائلة في الحال

الرز مغسول ومنقوع

وهذي المكونات وجاهزين للإقلاع

يتبع ..... يتبع

دهران · #2 07/10/2011, 11:26 AM

تكشين اليصل

تجهيز القميري بعد عمل الشلوطة النهائية

البصل بدأ يتحمر

والقميري ياخذ له كم قلبة لين يتحمر مع البصل

ولا ننسى صرار حايل

ثم باقي المقادير من البهارات

نضيف الماء ونخليه لين يفوح ونشييك على الملح ثم نكتمه بالكاتم لمدة 25 دقيقة ( القدر المستخدم هو قدر إكسبريس صناعة مغربية أفضل من قدر السيف بل ويضاهي قدور السب وسعره أرخص من السب )

وبعد 25 دقيقة نفك الكاتم ونكب الرز ونخليه يشرب الماء قبل ما نكتمه ونبدأ في تحضير الكشنة في مقلاة

بصل شرائح , ليمون أسود مطحون , قليل من الزيت , صنوبر , زبيب , فلفل رومي شرائح , بهارات الكيف
نحركها مع بعض لين يتقمر البصل

واول ما يبدأ الرز يشرب الماء

نحط الكشنة فوق الرز ونغطيه بالكامل

ثم نكتمه لمدة 10 دقائق على نار هادئة

يتبع ..... يتبع

دهران · #3 07/10/2011, 11:28 AM

الباقي مايبي له شرح ( شاهد وتمتع )

التصوير تم بالكاميراة هذي

Panasonic Lumix DMC-TZ10
توي شاريها جديدة ولكم عليها شوي ( يبي لها ممارسة علشان نضبط التصوير بها )
قيمتها من أكسترا 1300 ريال وكل من خذها يمدحها خصوصاً إن حجمها صغير وتصويرها قوي وجبار

س ا م 6 · #4 07/10/2011, 11:32 AM

ياويلي ويلاااه

والله ماني قادر اتحمل و مشتهي كبسة !

و مافيه مطاعم عربيه حولنا !

جمعه مباركه اخوي

و يعطيك العافيه على هذا الموضوع

بصرـآحه لعبت فيني

أزرق والقلب أبيض · #5 07/10/2011, 01:53 PM

ياسلام عليك

بالعافيه عليكم
بس القميري ( نسميه قمري)
ما احبه < مشكلتك :p
بس صور وطبخه على كيف كيفك

واشوا انك حطيت نوع الكام عشان تريح نفسك , كل شوي بيسألك واحد

ق1

موج الخليج الأزرق · #6 07/10/2011, 02:27 PM

انتظر مواضيعك يادهران

انت فنان في الطبخ والتصوير كلها ^_^

بس خليتنا نخش جو على هالكبسة المجنونة

والله خليتني احط هالرز في راسي بادوره لين القاه

الله يعطيك العافية دهران وبانتظار مواضيعك الجاية

عزوووز وكفى · #7 26/10/2011, 12:21 PM

إقتباس

الرسالة الأصلية كتبت بواسطة موج الخليج الأزرق


	انتظر مواضيعك يادهران انت فنان في الطبخ والتصوير كلها ^_^ بس خليتنا نخش جو على هالكبسة المجنونة والله خليتني احط هالرز في راسي بادوره لين القاه الله يعطيك العافية دهران وبانتظار مواضيعك الجاية

من جد حتى انا بدور على هالررز الله يهديك يادهران خليتنا نتنسل(وحام) << برااااا

يعطيك الله عافية ومحل ما يسري يـــ ....

هههههههه يمري ياارب

عاد القميري مايحتاج ويااني احب صيدة تخيل كنت بالشرقية اروح اصيدة في حديقة الملك فهد ههههههههه حتى صادتني الدورية

واللحين بالرياض معي الساكتونة (صكمة) بسسسس زين ادل الطريق من بيتي للدوام

تحيااتي لك يا الغالي ولا تنزل صور تفتح النفس مره ثانيه

T H U N A Y A N · #8 07/10/2011, 02:36 PM

هلا وغلا بدهران منور الشبكة
متابعين لك بقوة في منتدى مكشات

بالهنا والعافية

تسلم على الشرح الوافي

،

دهران · #9 07/10/2011, 02:40 PM

HILALYA ]~ · #10 07/10/2011, 04:02 PM

.

استغفر الله ض1 يعني أكرم الله النعمه شلون تاكلون حمام مدري وش اسمه ذذذ !
ما شاء الله عليكم طبخكم نظيف ومرتب وهذا أحسن شيء بمواضيعك ض1ض1 ..

بالعافيه عليكون ..

سفير الهلالي · #11 07/10/2011, 04:17 PM

بالهناء والعافية أخوي دهران وانشهد انه القميري أحلى لحم خاصة اذا كان حدر
وما شاء الله عليك كبسة تفتح النفس لكن تعال الرز هذا وين نلاقيه بالسعودية ؟
لأنه يبدو انه خاص بمستورد بالكويت وانا والله طايح برز اسمه بوابة الهند
ومن بعده ما صار يعجبني أي رز اسأل عنه بالاسواق الكبيرة ولو ارسلت لي من رزكم
برسل لك من رزنا ههههههههه
يعطيك العافية على الموضوع الفاتح للشهيهة .