<CENTER>بسم الله الرحمن الرحيم


السلام عليكم ورحمة الله وبركاتة .

ضمن شروحاتي لـ لعبة pes 2012 .

التي هدفها الإسمى : المساعدة ولو بشيء البسيط

شرحنا اليوم عن الـ Game Plan

أصعب شيء وأكثر شيء وصلتني رسائل عنه هو الخطة .

طيب انا ياحمود انا أكل هزايم كثير فالاونلاين وفـ الاوفلاين ودفاعي شوارع وش أسوي .؟

جـ/ ركز مع الشرح وبأذن الله راح تفهم .. ادري ان توصيلي للمعلومة سيء .. لكن أحاول أوضح لو شيء بسيط .












طبعاً راح ندخل القيم بلان :

بأول صوره تجي لنا كلنا :








1-allow coach to take charge :

لو ظغطت X هنا راح يتولى المدرب الخطه والتبديلات واللاعبين والتشكيلة وكل شيء فالمباراة . الي عليك بس انك تلعب. " لاينصح به "


2- simple settings :

لو ظغطت اكس هنا راح يدخلك قائمه زي كذا :





هنا طالب منك الاربع التكتيكـات الي تبي المدرب يحطها مثل :

رقم واحد : الهجمه المرتدة : رقم اثنين : هجوم شامل : رقم ثلاثه : دفاع شامل : الخ .

واخر وحده المقصود بها اختيار اللاعبين تبيهم حسب الفورم ؟ يعني لو كاكا سهمه ازرق : واوزيل سهمه سماوي : يدخل اوزيل ! لو كرستيانو ازرق وكاليخون احمر يدخل كاليخون

السهم " المعنوية داخل المباراة والتي تكون على شكل أسهم "

طبعا هذا الخيار يسوي لك المدرب التكتيكات الاربعه ،، وتبدا بالتكتيك رقم واحد هنا المدرب

مايغير بدالك اولاً

ثانياً مايغير الخطه .

بس يعطيك الإربعه التكتيكات بالرسم والباقي عليك

" انصح به الي مايحبون يتعمقون فالخطط "


3- choose manually :

هذا الأختيار يمكنك انت فقط ألتعمق به فالخطة وعمل التكتيك المناسب والتبديلات المناسبة خطوة بخطوة .

" ينصح به "









هنا الزبدة : والتركيز كلة :

هنا لما ندخل راح تجينا 4 ارقام : المقصود بالأربعة هذي

التكتيك رقم 1

التكتيك رقم 2

التكتيك رقم 3

التكتيك رقم 4

طبعاً اهم واحد رقم 1 : الي راح تدخل به المباراة راح أشرح لكم فكره عن هالشيء بأمثله ، :


مثلاً انا متقدم للدقيقه 78 ،، بنتيجه 3-2 وخـايف والله الفوز يروح علي ادق select + دائرة راح يجي فاليمين تحت صورة زي كذا والمدرب واقف ومكتوب بالانقلش

preset Tactics 1

" طبعا رقم 1 يعني التكتيك الي انت حاطه هناك برقم 1 ،، ولو ظغطت مره ثانية سيلكت +دائرة راح يعطيك رقم 2 وهكذا ،، انت راح تشوف الرقم تحت "













لما تبدا تظغط على التكتيكات راح تجيك تكتيكات عديدة راح اترجمها



1- long ball :

كرات طويلة مثلثات ورفعات من الوسط للهجوم بحيث المهاجم ينطلق بسرعة قبل الكرة .


2- all - out -attack :


الكل فـ الهجوم :،، وهنا يكون الفريق هجومي بشكل بحت والاظهره متقدمين والفريق متقدم عن نصف ملعبة ،،

3- all - out - Defance

الكل فـ الدفاع ،،، هنا يكون فريقك في ملعبة ومتكثف بشكل كبير ،، يعني إيتو مثلاً مهاجم : راح يكون متمركز فالدائرة .



4 - Qiuck Counter :


هجمه مرتده سريعه ،، في حال قطع الكرة راح تتم الانطلاقه بشكل سريع من لاعبين الوسط والهجوم لبناء هجمه مرتده سريعه

5- Standard :

عادي : او قياسي : .. وهنا انت الي راح تعدل على تكتيكك وتسويه بالأرقام التكتيكية الي تحب : مثل " 2011 " وهذي صورة له





هنا انت الي راح تعدل تكتيكك بارقامك الخاصة ولن تكون محكوم بارقام معينة مثل :

تكتيك الهجمه المرتده لن تتمكن من زياده الظغط على حامل الكرة بأكثر من 18 !.

،،
ترجمة تكتيكات الأرقام :

player support -1 :

دعم اللاعبين ،، ويكون 6 واقل دفاعي ،، 7-13 متوازن 13-20 = هجومي .

انصحكم بـ المتوازن او الدفاعي .


2- Support Range :


: مساحة الدعم بين اللاعبين ،، كل مازادات مساحة الدعم كل ماتباعدو اللاعبين عن بعض ،، يعني انتشآر اللاعبين بالعربي عن بعضهم .. مثلاً : حطيته للاخير 20 . والكوره مع المحور راح يلاحظ الجناح اليمين على خط التماس يعني مره بعيد ،، لو حطيته 0 راح تحصل اكثر من نصف المسافه اقرب لك .. وهذي تعتمد على طريقة كل لاعب فيه ناس تحب باصات طويله بمثلث .. للظهير الي يكون بعيد عشان يفتح لعب وناس العكس تحب تمريرات قصيرة .،


3- Position Switch

:" تغيير المراكز ": ،، سهله جداً واعتقد واضحة : مثال بسيط : مهاجم يمين بنزيما مهاجم يسار هيقواين ،، بعد دقائق من اللعب يحوا بنزيما مهاجم يسار وهيقواين العكس ،، " حسب كل لاعب وطريقتة "


4- Attacking style :

" الشكل الهجومي للفريق "

من صفـر لـ 7 مع الاجنحة من 7 لـ 13 عادي ،، متوازن ،، من 13 لـ 20 ،، الهجوم من العمق ،،

" حسب كل شخص "


5- Pressing :

الظغط على حامل الكرة : سهلة جداً واتوقع الكل يعرفهاً ..! اذا تحب تزيد الظغط فقط زيد الارقام فوق 10

" حسب كل شخص "

6 - Defensive line :

خط الدفاع ،، : من صفـر لـ 6 . عميق ويقصد بـ عميق يعني خط الدفاع مايتقدم بعيد .. يكون قريب من الحارس جداً من 7 لـ 13 قياسي . من 13 لـ 20 عالي ،، ويكون الدفاع قريب من النص : مثال دفاع برشلونة .

7- Compactness :


هنا يقصد بها : مدى قرب لاعبينك من حامل الكرة يعني لو وضعته فوق 15 راح تلاحظ فيه مساحات بين دفاعك والظهير يعني المسافه بينك وبين الظهير مثلاً اذا كنت قلب دفاع تزيد ،، لانه منتشر وبعيد ،،

" حسب كل لاعب "

بكذا انت أنهيت أصعب الأمور التكتيكية وقادر الأن على صنع تكتيكك .. بنجاح .






بعد ماسوينا التكتيكات ،، تعال هناً .. عشان نوضع اللمسات الأخيرة .





اظغط X





هنا راح تنهي رحلتك التكتيكية .. باعدادات بسيطة :


1- Offside Trap :

مصيدة التسلل ،، : هنا دفاعك راح يسوي مصيدة اذا حطيتها on . واحيان قد تكون خاطئة. انا شخصياً لا انصح بها ،، لكن لكل شخص رأية .


2- Substitutions :

التبديلات : هنا انصح كل واحد يخليها off : لو غيرتها راح يتدخل المدرب ويغير بدالك !! مانصحك أطلاقاً الا تخليها Off .


3- Change formation :

تغيير الخطة : نفس الكلام لو غيرتها من Off راح يتدخل المدرب ويغير لك الخطط ،


3- change atk/def levels :

هنا بقولكم شيء مهم : هذي لو خليتها أوف راح تلغي النزعة ،،

المقصود بالنزعة : لكل لاعب في نهايه طاقاتة واخرها حاجه اسمها

attack & defance :

التوب من 3 لكل وحده خلونا ناخذ مثال ،،

مثلاً مارسيلو ظهير ريال مدريد ،، عنده الـ attack : 3 والـdefance طاقتها 2 ،،:

مارسيلو ظهير نزعته هجوميه ، اكثر من هي دفاعيه لذا يتقدم أحيان .. وهذي كنا عليها قبل شوي تخص هالشيء لو حطيتها اوف مايتدخل المدرب ،، لو حطيتها suber defancive راح يتدخل المدرب ويخلي مارسيلو دفاعي وليس هجومي وانا انصح الكل يخليها Off افضل .


----------------------


بنفس الصوره عندنا 3 ازارير


مثلث + مربع + اكس

اكيد واحد بيسئل وين الدائرة ؟

الدائرة + سيلكت = تغيير التكتيك داخل المدرب

وهذي طيب ؟ هذي استراتيجيه تقدر تسوي 3 استراتيجيات منها مصيده التسلل وتغيير الاجنحه ،، والكل فالهجوم وتقدر تفعلها بنفس التكتيكات بس مو بالدائره كل وحده حسب الـزر الي انت تختارة مثلاً تبي المصيده تظغط على ثاني وحده وتخليها على المربع وكل ماتبي تسوي هـ الاستراتيجيه تظغط

select + مربع وراح تشوفها اسفل الشاشه تفعلت االمربع يكون مخفي لما تظغط سيلكت ومربع راح يطلع معاك اسفل الشاشه.










أعتقد أغلبنا يعرف الطبخة هنا

هنا راح تختار من يرفـع الركنيه

من يشوت الفاول

من يشوت البلنتي

لكن : اخر خيار منها مهم جداً خصوصا انه واقعي : تابعو معي






هنا لما تظغط X راح يتيح لك اختيار 3 مدافعين ،، يتقدمون تلقائياً بالركنيه والكورات الهوائيه بشكل عام . ليش ؟ لتميز المدافعين بالكرات الرأسيه ،، الامثله كثيره لوسيو راموس بويول بيكي ! كلهم يتقدمون بالركنيات ونسبه تسجيلها تزيد مع هالمدافعين المميزين فالكرات الرأسية .










اخر خيار عندنا أداره البيانات ،، هنا لما تظغط أكس راح تقدر تخزن تشكيلتك بسهوله

عن طريق

save + اكتب اسمها ،، وتنحفظ هالسنه مايمديك تحفظ الأ 3 خطط لكنها سهله الأسترجاع يعني فالماستر في الاونلاين العادي طفيت الجهاز وفكيته غيرت الفريق بس تخش التشكيله تسوي load وتجي التشكيله .






اخر نقطه اذا بتخلي لاعب كبتن او تغير مركزه ،، او تخليه يراقب لاعب معين اظغط على اللاعب مربع وتابع وش يجيك بالصورة :





طبعاً الاول تختار مركزة

مثلاً ايتو fc راس حربا

تبيه مهاجم ثاني تظغط عليه تخليه ss .

الثانيه اختيار اللاعب كـ كبتن .

الثالثه الي راح تتواجد قبل كل مباراه لما تخش التشكيله اسمها

Mark settings :

هذي تروح لـ اي لاعب من دفاعك ومثلاً خصمك خطير وعنده ميسي تخلي الدفاع يحط رقابه لصيقه على ميسي بس تظغط عليها وتروح لـ ميسي . وتحط اكس ،، وبكذا تكون انهيت الشرح التكتيكي المتواضع بنجاح








بكذا يآشباب ،، اكون انهيت هالشرح المتواضع ،،

اولاً انا اسف على رداءة التصوير

ثانياً اسف على التاخير خصوصاً اني انشغلت بدراستي وكذا .

ثالثاً : شروحاتي كلها الهدف منها واحد مساعدة أي مبتدئ او أي محترف في الشيء الي مايعرفة .

رابعاً : ناسف على تواضع التنسيق والتصميم. </CENTER>